Մբապեն առաջարկում է լավագույն ռմբարկուի մրցանակ հանձնել նաև Բեն Յեդերին

ՊՍԺ-ի հարձակվող Կիլիան Մբապեն խոսել է Ֆրանսիայի 2019/20թթ․ առաջնության արդյունքներով մրցաշարի լավագույն ռմբարկու ճանաչվելու մասին:

«Շնորհակալ եմ բոլորին՝ ստացած հաղորդագրությունների համար:

Ես կարծում եմ, որ Վիսամը («Մոնակոյի» հարձակվող Վիսամ Բեն Յեդերը՝ խմբ․) նույնպես արժանի է այդ մրցանակը ստանալուն, որպեսզի ըստ արժանվույն գնահատվի նրա աշխատանքը, ինչպես դա եղավ Պրեմիեր լիգայում նախորդ մրցաշրջանում»,- գրել է Մբապեն թվիթերյան իր էջում:

Հիշեցնենք, որ Պրեմիեր լիգայի նախորդ առաջնության լավագույն ռմբարկուի կոչումը բաժին էր հասել միանգամից 3 ֆուտբոլիստների՝ «Լիվերպուլի» խաղացողներ Սադիո Մանեին ու Մոհամեդ Սալահին, ինչպես նաև «Արսենալի» հարձակվող Պիեռ-Էմերիկ Օբամեյանգին, որոնք խփել էին 22-ական գոլ: Մբապեն և Բեն Յեդերը հաջողության են հասել 18-ական անգամ:

Մբապեն ասել է` ինչ պայմանով նոր համաձայնագիր կնքի ՊՍԺ-ի հետ

Միացի՛ր հայկական ամենասպորտային Instagram-ին: