Ադամյանի օրոք «Ալաշկերտը» 4-րդ փորձից հաղթեց «Լոռիին», «Շիրակի» դարպասը 285 րոպե փակ է «Նոայի» համար - VNews
Բաժիններ

Ադամյանի օրոք «Ալաշկերտը» 4-րդ փորձից հաղթեց «Լոռիին», «Շիրակի» դարպասը 285 րոպե փակ է «Նոայի» համար

Բարձրագույն խմբի 22-րդ տուրը՝ 10 փաստով

22-րդ տուրի հանդիպումներից հետո «Արարատ-Արմենիան» ավելի ամրապնդեց միանձնյա առաջատարի դիրքը՝ 2-րդ տեղում ընթացող «Ալաշկերտից» միավորների տարբերությունը հասցնելով 7-ի: Իսկ ահա արծաթե և բրոնզե մեդալների համար պայքարը չափազանց սրվեց:

Տուրի ամենաուշագրավ իրադարձությունները ներկայացնում ենք 10 փաստի տեսքով:

1․ Տուրն անցավ դաշտի տերերի առավելությամբ, որոնք տոնեցին 3 հաղթանակ, պարտվեցին մեկ խաղում: Առաջնությունում անցկացված 102 հանդիպումներից 49-ում հաղթել են դաշտի տերերը, 30-ում՝ հյուրերը, 23 խաղում գրանցվել է ոչ-ոքի:

4 խաղում խփվեց 11 գոլ, որոնք գրանցվեցին միայն լեգեոնականների հաշվին: Առաջնությունում անցկացված 102 հանդիպումներում խփվել է 279 գոլ (միջինը մեկ խաղում՝ 2,73 գոլ):

Լավագույն վեցյակի մրցաշարում 22-րդ տուրն առայժմ ամենաարդյունավետն է, որում 10 գոլ գրանցվեց: Ընդհանուր առմամբ կայացած 12 հանդիպումներում 27 գոլ է խփվել, միջինը մեկ խաղում՝ 2,25 գնդակ:

12 խաղերից 5-ում հաղթել են դաշտի տերերը, 2-ն ավարտվել է հյուրերի հաղթանակով, 5-ում գրանցվել է ոչ-ոքի:

Խաղային պլանի հստակ կատարում + Կոնեի արդյունավետություն = «Շիրակի» հաղթանակ․ «Շիրակ» – «Նոա» խաղի տակտիկական մանրամասները

2․ «Արարատ-Արմենիան» 6-րդ անընդմեջ հաղթանակը տոնեց «Արարատի» նկատմամբ: Բոլոր հաղթանակներն էլ գրանցվել են Վարդան Մինասյանի գլխավորությամբ: Արդեն 8 խաղ չեմպիոնն անպարտելի է:

3․ «Շիրակն» ընդհատեց «Նոայի» անպարտելի 5 խաղերի ռեկորդային շարքը՝ լավագույն վեցյակի մրցաշարում 2-րդ հաղթանակը տոնելով: Հետաքրքիր է, որ մինչ այդ «Նոան» վերջին պարտությունը կրել էր հենց «Շիրակից»՝ փետրվարի 29-ին կայացած երկրորդ շրջանի խաղում (0-3): Այնպես որ, «Նոան» լավագույն վեցյակի մրցաշարում առաջին անգամ խաղադաշտից պարտված հեռացավ:

Ընթացիկ մրցաշրջանում «Նոային» ոչ մի կերպ չի հաջողվում գրավել «Շիրակի» դարպասը, որը թիմի համար ամուր փակի տակ է արդեն 285 րոպե շարունակ: Վերջին անգամ «Նոան» «Շիրակի» դարպասը գրավել է անցյալ տարվա մայիսի 30-ին կայացած նախորդ առաջնության ավարտական խաղի 75-րդ րոպեին: Աչքի է ընկել Վիգեն Ավետիսյանը:

4․ «Ալաշկերտին» վերջապես հաջողվեց հաղթել «Լոռիին», որն ընթացիկ առաջնությունում ալաշկերտցիների միակ անպարտելի մրցակիցն էր: Դա նաև Արմեն Ադամյանի օրոք «Ալաշկերտի» առաջին հաղթանակն էր «Լոռիի» նկատմամբ: Մինչ այդ Ադամյանի գլխավորությամբ «Ալաշկերտն» առաջնության նախորդ 3 հանդիպումներում էլ պարտվել էր «Լոռիին»:

5․ «Փյունիկը» 4-րդ անընդմեջ պարտությունը կրեց՝ Բարձրագույն խմբում բաց թողնելով 700-րդ գոլը, որի հեղինակը ՀՀ առաջնությունում իր առաջին գնդակը խփած գանձասարցի Աբդուլ Կարիմ Նիկիեման էր: ՀՀ առաջնություններում «Փյունիկից» ավելի շատ գոլեր են բաց թողել «Արարատը» (894), «Շիրակը» (868) և «Ուրարտուն» (701):

Միացի՛ր հայկական ամենասպորտային Instagram-ին:

1 2

Թովմաս Գրիգորյանի COVID-19 երկրորդ թեստի արդյունքը բացասական է

Էլ ե՞րբ էր եղել, որ միանգամից 3 թիմեր առաջնության ավարտից 2 տուր առաջ հավակնեին Հայաստանի չեմպիոնի կոչմանը

«Փյունիկից» հեռացել է ևս մեկ ֆուտբոլիստ

Առաջնության մասնակից ֆուտբոլիստներից 2-ն են ԲԽ-ում ավելի շատ գոլ խփել, քան Գեղամ Հարությունյանը

Արմեն Սանամյան․ «Փորձում ենք եղած ֆուտբոլիստներով ու այս ֆիզիկական վիճակով բարելավել թիմի խաղը և հաղթանակներ տոնել»

«21 գոլը ռեկորդ է նույնիսկ ինձ համար». Երեք տարի անընդմեջ լավագույն ռմբարկու ճանաչվող Մորի Կոնեն

Վադիմ Բորեց․ «Լավ է, որ բնավորություն դրսևորեցինք, բայց մեզ նաև խաղային որակ է պետք» (տեսանյութ)

Եղիշե Մելիքյան․ «Ժամանակ չկա․ պիտի շատ արագ հասկանամ իմ թիմի հնարավորությունները» (տեսանյութ)

«Արարատ-Արմենիան» չհաղթեց ԲԽ-ում 4-րդ անընդմեջ խաղում. VNews-ի ֆոտոշարքն «Ալաշկերտի» հետ հանդիպումից

Բարձրագույն խմբի 3 ակումբ ապահովել է իր տեղը եվրագավաթային խաղարկությունում

Գոլազուրկ ոչ-ոքի․ «Արարատ-Արմենիան» մնաց 2-րդ տեղում (տեսանյութ)

5 ֆուտբոլիստ հեռացավ «Փյունիկից»

Ազարովի ֆանտաստիկ գոլը հաղթանակ պարգևեց «Նոային» «Արարատի» դեմ խաղում (տեսանյութ)

Չեմպիոնը շանս է ստանում վերադառնալու. «Արարատ-Արմենիա» – «Ալաշկերտ». Մեկնարկային կազմեր, ուղիղ հեռարձակում

«Շիրակը» չի կարողանում պահել չեմպիոնական տեմպը. Գոլազուրկ ոչ-ոքի «Լոռիի» հետ

Տապանը՝ լեռան վրա. «Նոա» – «Արարատ». Մեկնարկային կազմեր, ուղիղ հեռարձակում