Առաջատարը կխաղա իր ամենաանհարմար մրցակցի հետ․ Ամենաուշագրավ փաստերը՝ ԲԽ-ի 25-րդ տուրին ընդառաջ - VNews
Բաժիններ

Առաջատարը կխաղա իր ամենաանհարմար մրցակցի հետ․ Ամենաուշագրավ փաստերը՝ ԲԽ-ի 25-րդ տուրին ընդառաջ

Գլխավոր լուսանկարը՝ «Արարատ-Արմենիայի» մամուլի ծառայության

«ԱՐԱՐԱՏ» «ՇԻՐԱԿ»  

27 հունիսի, ժ.19:00, Երևան, Ֆուտբոլի ակադեմիայի մարզադաշտ

89 խաղ, «Արարատը» հաղթել է 22 անգամ, «Շիրակը»՝ 42, գրանցվել է 25 ոչ-ոքի, խփած և բաց թողած գոլերի հարաբերակցությունը՝ 94-133

1-ին շրջան. 09.08.2019 «Արարատ» 2-1 «Շիրակ»
Գոլերը՝ 0-1՝ Մուսա Փոլ Բակայոկո 56՛, 1-1՝ Դենիս Դեդեչկո 58՛, 2-1՝ Ալեքսանդր Կոզլով 88՛

2-րդ շրջան. 19.10.2019 «Շիրակ» 2-1 «Արարատ»
Գոլերը՝ 1-0՝ Մորի Կոնե 23՛, 1-1՝ Վելսեն Ջունիոր 55՛,  2-1՝ Արամ Մուրադյան 88՛
90-րդ րոպեին Մորի Կոնեն չիրացրեց 11մ հարվածը (Սերգեյ Ռևյակինը հետ մղեց գնդակը)

3-րդ շրջան. 04.06.2020 «Շիրակ» 2-0 «Արարատ»
Գոլերը՝ 1-0՝ Սոլոմոն Իմե Ուդո 55՛, 2-0՝ Մորի Կոնե 82՛

«Արարատ»՝ 6-րդ տեղ (33 միավոր), «Շիրակ»՝ 2-րդ տեղ (42 միավոր):

Հետաքրքիր 5 փաստ՝ հանդիպմանն ընդառաջ

1․ Ուժեղագույն վեցյակի մրցաշարի մասնակիցներից «Արարատը» բոլորից անհաջող է հանդես գալիս առաջնության վճռորոշ փուլում՝ 6 հանդիպումներում վաստակելով ընդամենը 2 միավոր: Նախորդ տուրում արարատցիները 1-3 հաշվով պարտվեցին արդեն 16-րդ րոպեից խաղադաշտում 10 հոգով մնացած «Ալաշկերտին»: Ընդ որում «Արարատն» առաջինն էր բացել հաշիվը:

2․ Իսկ ահա «Շիրակը» վերելքով է անցկացնում առաջնության 2-րդ փուլի վճռորոշ հանդիպումները՝ 6 խաղում իր օգտին գրանցելով 14 միավոր, ինչը լավագույն արդյունքն է վեցյակի թիմերի մեջ: Նախորդ տուրում «Շիրակն» անչափ կարևոր հաղթանակ տոնեց չեմպիոնի նկատմամբ, որի շնորհիվ «Արարատ-Արմենիայից» միավորների տարբերությունը հասցրեց 3-ի:

3․ Ընթացիկ առաջնությունում մրցակիցների միջև կայացած 3 հանդիպումներն էլ ավարտվել են դաշտի տերերի հաղթանակով, որոնցից 2-ում հաջողությունն ուղեկցել է «Շիրակին»: «Արարատի» նկատմամբ վերջին հաղթանակը Երևանում «Շիրակը» տոնել է անցյալ տարվա մարտի 3-ին (2-0):

4․ Հանդիպմանը մասնակցելու դեպքում «Շիրակի» ներկայիս կազմից ամենատարեցն ու ամենափորձառուն՝ 33-ամյա Հրայր Մկոյանը Բարձրագույն խմբում հոբելյանական՝ 250-րդ խաղը կանցկացնի: 2007-2008թթ. նա կրել է նաև «Արարատի» մարզաշապիկը՝ թիմի կազմում մասնակցելով առաջնության 47 խաղի:

5․ Եթե առաջնության լավագույն ռմբարկու Մորի Կոնեին հաջողվի գրավել «Արարատի» դարպասը, ապա ոչ միայն ընթացիկ մրցաշրջանում 20-րդ գոլը կխփի, այլև արդյունավետ խաղերի շարքը կհասցնի 6-ի և կկրկնի թիմի նախկին հարձակվող Ֆոֆանա Բեկոյի ռեկորդային ցուցանիշը:

Դիմակայության լավագույն ռմբարկուները՝

«Արարատ»՝ Նշան Էրզրումյան՝ 10 գոլ:

«Շիրակ»՝ Անդրանիկ Բարիկյան՝ 19 գոլ:

Որակազրկման պատճառով հանդիպումը բաց կթողնի արարատցի Հարունա Լուկմանը։ Նույն պատճառով այս խաղում էլ տեխնիկական գոտում չի կարող գտնվել Վալերի Հովհաննիսյանը, որը սովորաբար ղեկավարում է թիմի գործողությունները խաղադաշտում: Երկուսն էլ որակազրկված են մինչև հունիսի 29-ը:

Միացի՛ր հայկական ամենասպորտային Instagram-ին:

1 2 3 4

Թովմաս Գրիգորյանի COVID-19 երկրորդ թեստի արդյունքը բացասական է

Արմեն Մելիքբեկյանը դիմել է ակումբների նախագահներին՝ ԲԽ-ում նոր փոփոխությունների առաջարկներով

Էլ ե՞րբ էր եղել, որ միանգամից 3 թիմեր առաջնության ավարտից 2 տուր առաջ հավակնեին Հայաստանի չեմպիոնի կոչմանը

4 ֆուտբոլիստներ հեռացել են «Ուրարտուից»

«Փյունիկից» հեռացել է ևս մեկ ֆուտբոլիստ

Առաջնության մասնակից ֆուտբոլիստներից 2-ն են ԲԽ-ում ավելի շատ գոլ խփել, քան Գեղամ Հարությունյանը

Արմեն Սանամյան․ «Փորձում ենք եղած ֆուտբոլիստներով ու այս ֆիզիկական վիճակով բարելավել թիմի խաղը և հաղթանակներ տոնել»

«21 գոլը ռեկորդ է նույնիսկ ինձ համար». Երեք տարի անընդմեջ լավագույն ռմբարկու ճանաչվող Մորի Կոնեն

Վադիմ Բորեց․ «Լավ է, որ բնավորություն դրսևորեցինք, բայց մեզ նաև խաղային որակ է պետք» (տեսանյութ)

Եղիշե Մելիքյան․ «Ժամանակ չկա․ պիտի շատ արագ հասկանամ իմ թիմի հնարավորությունները» (տեսանյութ)

«Արարատ-Արմենիան» չհաղթեց ԲԽ-ում 4-րդ անընդմեջ խաղում. VNews-ի ֆոտոշարքն «Ալաշկերտի» հետ հանդիպումից

Բարձրագույն խմբի 3 ակումբ ապահովել է իր տեղը եվրագավաթային խաղարկությունում

Գոլազուրկ ոչ-ոքի․ «Արարատ-Արմենիան» մնաց 2-րդ տեղում (տեսանյութ)

5 ֆուտբոլիստ հեռացավ «Փյունիկից»

Ազարովի ֆանտաստիկ գոլը հաղթանակ պարգևեց «Նոային» «Արարատի» դեմ խաղում (տեսանյութ)

Չեմպիոնը շանս է ստանում վերադառնալու. «Արարատ-Արմենիա» – «Ալաշկերտ». Մեկնարկային կազմեր, ուղիղ հեռարձակում