Վարդան Մինասյանը՝ հայկական ֆուտբոլի ամենատիտղոսակիր մարզիչ - VNews
Բաժիններ

Վարդան Մինասյանը՝ հայկական ֆուտբոլի ամենատիտղոսակիր մարզիչ

Banants vs Araarat Armenia 15 - Վարդան Մինասյանը՝ հայկական ֆուտբոլի ամենատիտղոսակիր մարզիչ
Խաղի մանրամասները

տուր

01 Հունվար 1970 - 00:39

-

-

Վարդան Մինասյանի գլխավորությամբ «Արարատ-Արմենիան» 2-րդ տարին անընդմեջ Հայաստանի չեմպիոն հռչակվեց: Ինչպես և նախորդ մրցաշրջանում, երբ փորձառու մարզիչն առաջին իսկ փորձից նորաստեղծ թիմին չեմպիոնական բարձունքին էր հասցրել, այս անգամ էլ Վարդան Մինասյանի սաներն ուժեղագույնը ճանաչվեցին առաջնության ավարտական տուրում:

Դա փորձառու ու բանիմաց մասնագետի մարզչական հարուստ կարիերայում չեմպիոնական արդեն 6-րդ տիտղոսն է, ինչը ռեկորդային ցուցանիշ է հայկական ֆուտբոլում: Չեմպիոնական նախորդ 4 տիտղոսները Վարդան Մինասյանը նվաճել էր «Փյունիկի» իր սաների հետ:

Առաջին հաջողությանը Վարդան Մինասյանը հասել է 2004թ. 30 տարեկանում՝ դառնալով Հայաստանի չեմպիոն թիմ պատրաստած ամենաերիտասարդ մարզիչը: Այդ ցուցանիշը մինչ օրս չի գերազանցվել:

vardan minasyan 400x225 - Վարդան Մինասյանը՝ հայկական ֆուտբոլի ամենատիտղոսակիր մարզիչ

Մրցաշրջանի սկզբում նա թիմի գլխավոր մարզիչ Միխայ Ստոյկիցայի օգնականն էր: Վերջինս առաջնության 8-րդ տուրից հետո հեռացավ «Փյունիկից»: Նրա փոխարեն թիմի ղեկը ստանձնած Վարդան Մինասյանի նորամուտը գլխավոր մարզչի պաշտոնում պարզապես գերազանց ստացվեց: «Փյունիկը» 9-րդ տուրից սկսած 16 անընդմեջ հաղթանակ տոնեց, ինչը ՀՀ առաջնություններում մինչ օրս չգերազանցված ռեկորդ է:

Խորեն Հովհաննիսյանից հետո, որը 1990-ականներին «Փյունիկում» խաղացող-մարզչի կարգավիճակում էր, Մինասյանը 2-րդն էր, որ չեմպիոնի տիտղոսին արժանացել էր թե որպես ֆուտբոլիստ, թե որպես գլխավոր մարզիչ: Հաջորդ 3 մրցաշրջաններում Վարդան Մինասյանը կրկին գլխավոր մարզիչների օգնականն էր:

Իսկ ահա 2008թ. առաջնության 12-րդ տուրից փոխարինելով պաշտոնանկ արված Արմեն Գյուլբուդաղյանցին, Վարդան Մինասյանը գլխավոր մարզչի պաշտոնում չեմպիոնական 2-րդ բարձունքը նվաճեց: Այդ տարի «Փյունիկը» չեմպիոնի տիտղոսին արժանացավ «Արարատի» հետ բավականին թեժ մրցապայքարում՝ «ոսկե» խաղում հաղթելով 2-1 հաշվով:

RepublicIrelandvArmeniaEURO2012QualifierAjUobjpKhCyx - Վարդան Մինասյանը՝ հայկական ֆուտբոլի ամենատիտղոսակիր մարզիչ

Վարդան Մինասյան․ «Երբ մեր թիմը մոտիվացիայով է խաղում, խնդիրներ քիչ է ունենում» (տեսանյութ)

Մինչև 2011թ. առաջնության ավարտը Մինասյանը գլխավորեց «Փյունիկը», որը ևս 2 անգամ չեմպիոն հռչակվեց, մեկ անգամ էլ բավարարվեց արծաթե մեդալներով: Բացի առաջնությունում գրանցած հաջողություններից, Մինասյանի գլխավորությամբ փյունիկցիները դարձել են նաև կրկնակի գավաթակիրներ ու քառակի սուպերգավաթակիրներ:

«Արարատ-Արմենիայի» ղեկին Վարդան Մինասյանը 3-րդ տիտղոսը նվաճեց՝ մարզչական իր հարուստ կենսագրությունում մրցանակների թիվը հասցնելով 14-ի: Այսպիսով, Մինասյանը դարձավ հայկական ֆուտբոլի ամենատիտղոսակիր մարզիչը՝ գերազանցելով շիրակցիների նախկին գլխավոր մարզիչ, հանրապետության վաստակավոր մարզիչ, բանիմաց ու բազմափորձ մասնագետ Անդրանիկ Ադամյանին, որը 1992-2004թթ. անփոփոխ գլխավորելով «Շիրակը», թիմին 13 տիտղոսի է արժանացրել:

Ադամյանի օրոք գյումրեցիները 3 անգամ նվաճել են ՀՀ չեմպիոնի տիտղոսը, 5 անգամ արժանացել են արծաթե մեդալների, 2 անգամ դարձել են բրոնզե մրցանակակիրներ, 3 անգամ էլ պատվո շրջան են կատարել Հակոբ Տոնոյանի անվան Սուպերգավաթով:

43908648 - Վարդան Մինասյանը՝ հայկական ֆուտբոլի ամենատիտղոսակիր մարզիչ

VNews.am-ը ներկայացնում է այն մարզիչների ցանկը, որոնց գլխավորած թիմերը նվաճել են Հայաստանի չեմպիոնի տիտղոսը:

ՄարզիչներՉեմպիոնԱկումբՄրցաշրջան
1.Վարդան Մինասյան6«Փյունիկ»

«Արարատ-Արմենիա»

2004, 2008-2010թթ.

2018/19, 2019/20թթ.

2.Անդրանիկ Ադամյան3«Շիրակ»1992, 1994, 1999թթ.
3.Խորեն Հովհաննիսյան3«Փյունիկ»1992, 1995/96, 1996/97թթ.
4.Վարուժան Սուքիասյան3«Արաքս»

«Ալաշկերտ»

1998, 2000թթ.

2017/18թթ.

5.Սամվել Դարբինյան2«Երևան»

«Փյունիկ»

1997թ.

2001թ.

6.Աբրահամ Խաշմանյան2«Ալաշկերտ»2015/16, 2016/17թթ.
7.Արմեն Սարգսյան1«Արարատ»1993թ.
8.Օսկար Լոպես1«Փյունիկ»2002թ.
9.Միխայ Ստոյկիցա1«Փյունիկ»2003թ.
10.Հենկ Վիսման1«Փյունիկ»2005թ.
11.Սամվել Պետրոսյան1«Փյունիկ»2006թ.
12.Արմեն Գյուլբուդաղյանց1«Փյունիկ»2007թ.
13.Սևադա Արզումանյան1«Ուլիս»2011թ.
14.Վարդան Բիչախչյան1«Շիրակ»2012/13թթ.
15.Ժոլտ Հոռնյակ1«Բանանց»2013/14թթ.
16.Սարգիս Հովսեփյան1«Փյունիկ»2014/15թթ.

Միացի՛ր հայկական ամենասպորտային Instagram-ին:


«Վարդան Մինասյանն ասաց, որ կարող ենք հաղթել ցանկացած մրցակցի». Բայտանա

Նիգերիայից՝ Վանաձոր, իսկ հետո Իսպանիա՝ «Ռեալի» լեգենդի թիմ․ Իսահ Ալիյուի կարիերայի «գնացքը» կրկին Հայաստանում է կանգ առել

Հայաստանում խաղացած 8-րդ ամենաարդյունավետ լեգեոնականը «կոտրեց» գավաթային պատնեշը

Սերբական դուետի գոլերը վճռեցին արարատյան դերբիի ելքը․ VNews-ի ֆոտոշարքն «Արարատ» – «Արարատ-Արմենիա» խաղից

VBET Հայաստանի գավաթ. «Արարատն» առաջին խաղում վստահ հաղթեց «Արարատ-Արմենիային» (տեսանյութ)

Մինասյանի թիմը հիացնում է․ հայ հանրահայտ հարձակվողը՝ դուբլի հեղինակ (տեսանյութ)

«Սուպերլիգայի ֆուտբոլիստների նկատմամբ պատժամիջոցներն աբսուրդ են». Սպորտային փաստաբան

Կիսաեզրափակիչ. «Արարատ» – «Արարատ-Արմենիա». մեկնարկային կազմեր, ուղիղ հեռարձակում

Կիսաեզրափակիչ. «Ալաշկերտ» – «Նոա» խաղի մեկնարկային կազմերն ու ուղիղ հեռարձակումը

Եղիշե Մելիքյան. «Ես մտածում եմ հայ ֆուտբոլիստների մասին, բայց տվյալ պահին առաջնահերթը հաղթանակն է» (տեսանյութ)

Տիգրան Եսայան. «Մեր առջև միշտ բարձր խնդիր է դրված, ուստի պայքարելու ենք մինչև վերջ» (տեսանյութ)

Մեկնարկում է VBET Հայաստանի գավաթի «ամենահամեղ» հատվածը․ Ինչ է պետք իմանալ կիսաեզրափակիչ առաջին խաղերից առաջ

«Փյունիկի» 2-րդ անընդմեջ հաղթանակը, «Ուրարտուի» 2-րդ անընդմեջ պարտությունը․ VNews-ի ֆոտոշարքը նրանց միջև խաղից

Արթուր Քարտաշյան․ «Հաղթանակը նվիրում եմ եղբորս գլխավորությամբ մեր բոլոր զոհված զինվորների հիշատակին» (տեսանյութ)

VBET ՀՊԼ. «Փյունիկն» արտագնա հաղթանակ տոնեց «Ուրարտուի» դեմ խաղում (տեսանյութ)

«Ուրարտու» – «Փյունիկ». Մեկնարկային կազմեր, ուղիղ եթեր