Ակումբի վերանվանումը նշանավորեցին շահած առաջին մրցանակներով ու թիմային ռեկորդներով - VNews
Բաժիններ

Ակումբի վերանվանումը նշանավորեցին շահած առաջին մրցանակներով ու թիմային ռեկորդներով

«Նոայի» ելույթների ամփոփումը՝ 10 փաստով

VNews.am-ը շարունակում է ֆուտբոլի Հայաստանի Բարձրագույն խմբի 28-րդ առաջնության մասնակից թիմերի ելույթների ամփոփումը: Այսօր կանդրադառնանք առաջնության արծաթե մրցանակակիր «Նոային»:

1․ Բարձրագույն խմբում 2-րդ մրցաշրջանն անցկացրած և նոր անվանումով հանդես եկած «Նոան» Իգոր Պիկուշչակի գլխավորությամբ 28-րդ առաջնությունում մեծ հաջողության հասավ՝ արժանանալով արծաթե մեդալների: «Նոան» հայկական ֆուտբոլում մրցանակակիր դարձած 15-րդ ակումբն է: Թիմը նաև առաջին անգամ դարձավ Հայաստանի գավաթակիր:

Նախորդ մրցաշրջանի համեմատ «Նոան» զգալի առաջընթաց գրանցեց՝ 28 հանդիպումներում վաստակելով 48 միավոր (+14=6-8, 37-27): Դա հնարավոր միավորների 57,1 տոկոսն է: Մինչդեռ նախորդ առաջնությունում «Արցախը» 32 հանդիպումներում վաստակած 28 միավորով (+6=10-16, 25-49) զբաղեցրել էր 8-րդ տեղը: Դա հնարավոր միավորների ընդամենը 29,1 տոկոսն է:

Վաստակած միավորների, տարած հաղթանակների, կրած նվազագույն պարտությունների, խփած և բաց թողած գոլերի քանակը ռեկորդային է «Նոայի» համար Բարձրագույն խմբի առաջնություններում: 14 հաղթանակներից 7-ը «Նոան» տարել է մեկ գնդակի տարբերությամբ, որից 4-ը՝ նվազագույն հաշվով:

2․ Առաջնության աշնանային հատվածը «Նոան» ավարտել էր 6-րդ հորիզոնականում՝ 15 հանդիպումներում վաստակելով 24 միավոր (+7=3-5, 20-14), ինչը հնարավոր միավորների 53,3 տոկոսն է: Իգոր Պիկուշչակի սաները նույնքան միավոր վաստակեցին առաջնության գարնանային հատվածի 13 հանդիպումներում (+7=3-3, 17-13), ինչը հնարավոր միավորների 61,5 տոկոսն է: Այդ արդյունքը միայն մեկ միավորով է զիջում «Արարատ-Արմենիայի» ցուցանիշին:

Լավագույն վեցյակի մրցաշարում անցկացրած 10 հանդիպումներում «Նոան» 18 միավոր վաստակեց (+5=3-2, 12-8), ինչը հնարավոր միավորների 60 տոկոսն է: Դա «Շիրակի» հետ լավագույն արդյունքն է:

«Արարատ-Արմենիայի» ելույթների ամփոփումը՝ 10 փաստով

Ընթացիկ առաջնությունում էլ «Նոայի» մոտ սեփական դաշտի գործոնը զգալի էր: Անցկացրած 14 հանդիպումներում թիմը վաստակեց 32 միավոր (+10=2-2, 27-11), ինչը հնարավոր միավորների 76,1 տոկոսն է: Դա լավագույն արդյունքն է «Արարատ-Արմենիայի» հետ: Սեփական հարկի տակ «Նոայի» ֆուտբոլիստները միևնույն 1-2 հաշվով պարտվել են «Արարատ-Արմենիային» և «Ալաշկերտին»:

Մրցակցի հարկի տակ «Նոան» անցկացրած 14 հանդիպումներում վաստակեց 16 միավոր (+4=4-6, 10-16), ինչը հնարավոր միավորների 38,1 տոկոսն է: Հյուրընկալվելիս «Նոան» հաղթել է «Երևանին» (2-0), «Փյունիկին» (2-1), երկու անգամ էլ նվազագույն հաշվով պարտության է մատնել «Ալաշկերտին»:

3․ «Նոան» թիմային մի քանի ռեկորդներ սահմանեց՝ տոնելով 4 անընդմեջ հաղթանակ, 5 խաղ մնալով անպարտելի, 6 խաղ շարունակ գրավելով մրցակիցների դարպասը, 28 հանդիպումներից 11-ում դարպասը պահելով անառիկ: «Նոայի» ֆուտբոլիստները միայն 8 խաղում չկարողացան գտնել մրցակիցների դարպասի բանալին:

«Շիրակի» նկատմամբ 4-0 հաշվով տոնած հաղթանակը Բարձրագույն խմբում «Նոայի» խոշոր հաշվով առաջին հաղթանակն էր: Թիմը կրեց այդ կարգի միայն մեկ պարտություն՝ 3 անպատասխան գնդակ ընդունելով «Շիրակից»:

4․ «Նոայի» մասնակցությամբ հանդիպումներում նշանակվել է 11մ 6 հարված, որոնք բոլորն էլ իրացվել են: Թիմի օգտին նշանակված 11մ 5 հարվածները դիպուկ են իրացրել Մաքսիմ Մայրովիչը, Դավիթ Մանոյանն ու Վլադիմիր Ազարովը: Մայրովիչը խոցել է գանձասարցի Գևորգ Կասպարովի և շիրակցի Վսևոլոդ Երմակովի պաշտպանած դարպասները: Ազարովը գրավել է Վարդան Շահատունու («Լոռի») և փյունիկցի Անդրիա Դրագոևիչի պաշտպանած դարպասները: Իսկ Մանոյանը հաղթող է դարձել «Երևանի» դարպասապահ Յանիս Կրումինսի հետ մենամարտում:

Վալերիո Վիմերկատիի դարպասին նշանակված միակ 11մ հարվածն անվրեպ է իրացրել փյունիկցի Արաս Օզբիլիսը:

Podcast #15. 10 երևույթ, որ բացառիկ դարձրեցին Հայաստանի Բարձրագույն խմբի 2019/20 մրցաշրջանը

5․ Արդյունավետությամբ «Նոան» 5-րդն էր՝ խփելով 37 գնդակ: Իսկ ահա թիմի պաշտպանությունն ամենահուսալիներից մեկն էր. «Նոան» ընդամենը 27 գոլ բաց թողեց՝ այդ ցուցանիշով զիջելով միայն «Արարատ-Արմենիային»:

Գոլերի հեղինակներ դարձած 10 ֆուտբոլիստներից 9-ը լեգեոնականներ էին: Հայ ֆուտբոլիստներից միայն Դավիթ Մանոյանը դարձավ գոլի հեղինակ, որը թիմի կազմում հանդես եկավ միայն առաջնության աշնանային հատվածում: Առավել արդյունավետ գործեց թիմի նորեկ Մաքսիմ Մայրովիչը, որը 11 գնդակով նվաճեց «Նոայի» լավագույն ռմբարկուի տիտղոսը:

Բացի նրանից, ՀՀ առաջնություններում իրենց գոլերի հաշիվը բացեցին նաև Վլադիսլավ Կրյուչկովը, Վլադիմիր Ազարովը, Դմիտրի Լավրիշչևը, Կիրիլ Բորը, Պավել Դեոբալդը, Դանու Սպատարուն, Ռոկաս Կրուշնաուսկասն ու Միխայիլ Կովալենկոն: Իսկ Դավիթ Մանոյանն առաջին գոլերը խփեց «Նոայում»:

Մաքսիմ Մայրովիչը դարձավ Բարձրագույն խմբի առաջնություններում «Նոայի» լավագույն ռմբարկուն՝ գերազանցելով նախորդ առաջնությունում 4 գոլի հեղինակ դարձած Էդուարդ Ավագյանի ցուցանիշը: Նա նաև դարձավ մեկ մրցաշրջանի արդյունավետությամբ «Նոայի» ռեկորդակիրը: Մայրովիչը նաև ընդգրկվեց «Նոայում» գոլ խփած ամենաերիտասարդ ֆուտբոլիստների տասնյակում՝ թիմի կազմում գոլերի հաշիվը բացելով 23 տարեկան 178 օրականում:

Առաջնության գարնանային հատվածում 3 գոլ խփած 24-ամյա Մայրովիչը գերազանցեց Վարդան Բակալյանի տարիքային ռեկորդը: Վերջինս անցյալ տարի այդ տարիքում 2 գոլ էր խփել: 26-ամյա Վլադիմիր Ազարովն էլ առաջնության գարնանային հատվածում 5 գոլ խփելով, գերազանցեց Վիգեն Ավետիսյանի տարիքային ռեկորդը, որն անցյալ տարի այդ տարիքում 2 գոլ էր խփել:

Միացի՛ր հայկական ամենասպորտային Instagram-ին:

1 2

Անդրանիկ Ոսկանյան․ «Ինչքան էլ դժվար է այս իրավիճակում, պետք է կենտրոնանանք և անենք մեր գործը» (տեսանյութ)

Արմեն Համբարձումյան․ «Բոլորս «վիզ դրեցինք» և հաղթեցինք այս խաղում» (տեսանյութ)

Սևադա Արզումանյան. «Հերթական «ափսոս» խաղը ստացվեց» (տեսանյութ)

Դավիդ Կամպանյա. «Մենք լավագույնս դրսևորեցինք մեզ խաղավերջում ու հասանք հաղթանակի» (տեսանյութ)

«Սիենա» – «Գրասինա» խաղը հետաձգվել է, բայց կայացել է Ծովինար Համբարձումյանի և Սիենայի քաղաքապետի հանդիպումը

Լիմայի՝ տուգանայինից տպավորիչ գոլի շնորհիվ չեմպիոնը 3 միավորով հեռացավ Չարենցավանից (տեսանյութ)

«Վան» – «Արարատ-Արմենիա»․ Մեկնարկային կազմեր, ուղիղ հեռարձակում (տեսանյութ)

4 խաղ՝ 4 տարբեր քաղաքներում․ Ամենաուշագրավ փաստերը՝ VBET Հայաստանի Պրեմիեր լիգայի 9-րդ տուրին ընդառաջ

Իտալիայի Դ սերիայի խաղն անցնելու է «Արցախի ճանաչո՛ւմ» կարգախոսով

Ալբերտ Սոլոմոնով. «Թիմը ընկել է խաղային ռիթմից» (տեսանյութ)

Արմեն Պետրոսյան. «Եթե գոլային իրավիճակները գոլի վերածեինք, ավելի հանգիստ կխաղայինք» (տեսանյութ)

Մեկ գոլը վճռորոշ եղավ «Գանձասար-Կապան» – «Լոռի» խաղում (տեսանյութ)

«Գանձասար-Կապան» – «Լոռի»․ Մեկնարկային կազմեր, ուղիղ հեռարձակում (տեսանյութ)

VBET Հայաստանի Պրեմիեր Lիգայի ևս 2 հանդիպում հետաձգվել է

Վերջին անգամ 2018-ին են հաղթել իրենց այսօրվա մրցակիցներին․ Ամենաուշագրավ փաստերը՝ VBET Հայաստանի Պրեմիեր լիգայի 2 խաղին ընդառաջ

VBET Հայաստանի Պրեմիեր լիգայի 8-րդ տուրի խորհրդանշական հավաքականը և լավագույն ֆուտբոլիստը