Առաջնության ամենաարդյունավետ թիմն ու ամենաագրեսիվ հյուրը - VNews
Բաժիններ

Առաջնության ամենաարդյունավետ թիմն ու ամենաագրեսիվ հյուրը

«Ալաշկերտի» ելույթների ամփոփումը՝ 10 փաստով

VNews.am-ը շարունակում է ֆուտբոլի Հայաստանի Բարձրագույն խմբի 28-րդ առաջնության մասնակից թիմերի ելույթների ամփոփումը: Այսօր կանդրադառնանք առաջնության բրոնզե մրցանակակիր «Ալաշկերտին»:

1․ Բարձրագույն խմբի 28-րդ առաջնությունը 7-րդն էր «Ալաշկերտի» համար: Մեկամյա ընդմիջումից հետո ալաշկերտցիները կրկին մրցանակակիր դարձան՝ առաջին անգամ արժանանալով բրոնզե մեդալների: Մինչ այդ «Ալաշկերտը» 3 տարի անընդմեջ չեմպիոն էր հռչակվել:

28 հանդիպումներում «Ալաշկերտը» վաստակեց 47 միավոր (+14=5-9, 51-31), ինչը հնարավոր միավորների 55,9 տոկոսն է: Նշենք, որ թիմի ցուցանիշներում ներառված է «Երևանի» հետ առաջնության առաջին փուլում չկայացած խաղում «Ալաշկերտի» օգտին 3-0 հաշվով գրանցված տեխնիկական հաղթանակը:

Նախորդ առաջնության 32 հանդիպումներում վաստակած 51 միավորով (+15=6-11, 37-27) «Ալաշկերտը» զբաղեցրել էր 4-րդ հորիզոնականը: «Ալաշկերտը» վաստակել էր հնարավոր միավորների 53,1 տոկոսը:

2․ Առաջնությունում «Ալաշկերտը» հանդես եկավ 4 մարզիչների գլխավորությամբ: Մեկնարկային 4 հանդիպումներում թիմի ղեկին Աբրահամ Խաշմանյանն էր, որի օրոք «Ալաշկերտը» վաստակեց ընդամենը 4 միավոր (+1=1-2, 5-6), ինչը հնարավոր միավորների 33,3 տոկոսն է: Արմեն Ադամյանի գլխավորությամբ անցկացրած 18 հանդիպումներում ալաշկերտցիները վաստակեցին հնարավոր միավորների 55,5 տոկոսը (+9=3-6, 31-20):

Ադամյանի պաշտոնանկությունից հետո «Արարատի» (3-1) և «Նոայի» (0-1) հետ հաջորդ երկու խաղերում ալաշկերտցիների գործողությունները տեխնիկական գոտուց ղեկավարում էր ակումբի սեփականատեր Բագրատ Նավոյանը, թեև արձանագրությունում որպես մարզիչ նշված էր Սամվել Սարգսյանը: Առաջնության ավարտական 3 հանդիպումներում «Ալաշկերտը» նորանշանակ գլխավոր մարզիչ Եղիշե Մելիքյանի գլխավորությամբ հաջող հանդես եկավ՝ վաստակելով 7 միավոր (+2=1-0, 9-3), ինչը հնարավոր միավորների 77,7 տոկոսն է:

«Արարատ-Արմենիայի» ելույթների ամփոփումը՝ 10 փաստով

3․ Առաջնության աշնանային հատվածն «Ալաշկերտն» ավարտել էր 3-րդ հորիզոնականում՝ 15 հանդիպումներում վաստակելով 27 միավոր (+8=3-4, 28-17), ինչը հնարավոր միավորների 60 տոկոսն է: Ալաշկերտցիներն ընդամենը մեկ միավոր էին զիջել առաջատար «Լոռիին»: Համեմատության համար նշենք, որ «Ալաշկերտը» նախորդ առաջնության աշնանային հատվածի հաղթողն էր՝ 17 հանդիպումներում վաստակելով 33 միավոր (+10=3-4, 20-10), ինչը հնարավոր միավորների 64,7 տոկոսն էր: «Ալաշկերտը» 4 միավորով գերազանցել էր 2-րդ տեղում ընթացող «Բանանցին»:

Առաջնության գարնանային հատվածի 13 հանդիպումներում «Ալաշկերտը» վաստակեց 20 միավոր (+6=2-5, 23-14), ինչը հնարավոր միավորների 51,2 տոկոսն է:

Լավագույն վեցյակի մրցաշարում անցկացրած 10 հանդիպումներում «Ալաշկերտը» 16 միավոր վաստակեց (+5=1-4, 18-11), ինչը հնարավոր միավորների 53,3 տոկոսն է:

«Ալաշկերտը» շատ հաջող խաղաց մրցակիցների հարկի տակ՝ 14 հանդիպումներում վաստակելով 27 միավոր (+8=3-3, 28-15), ինչը հնարավոր միավորների 64,2 տոկոսն է: Դա լավագույն արդյունքն է առաջնության մասնակից թիմերի մեջ:

Իսկ ահա սեփական դաշտում անցկացրած 14 հանդիպումներում «Ալաշկերտի» օգտին 20 միավոր գրանցվեց (+6=2-6, 23-16): Դա հնարավոր միավորների 47,6 տոկոսն է:

Առավել հաջող «Ալաշկերտը» խաղաց «Ուրարտուի» դեմ՝ շահելով 2 հանդիպումներն էլ: Լավագույն վեցյակի թիմերից ալաշկերտցիներն անպարտելի մնացին «Արարատի» հետ մրցավեճում՝ վաստակելով 8 միավոր: Իսկ ահա առավել անհաջողը «Նոայի» հետ դիմակայությունն էր, որում «Ալաշկերտն» ընդամենը 3 միավոր վաստակեց՝ կրելով 3 անընդմեջ պարտություն:

«Նոայի» ելույթների ամփոփումը՝ 10 փաստով

4․ «Ալաշկերտն» իր պատմության մեջ 2-րդ անգամ Բարձրագույն խմբի առաջնությունը սկսեց պարտությամբ՝ 1-2 հաշվով զիջելով «Լոռիին»: Նախկինում թիմը մեկնարկում պարտություն էր կրել 2017/18թթ. առաջնությունում՝ զիջելով «Շիրակին» (1-2):

Արմեն Ադամյանի գլխավորությամբ «Ալաշկերտը» 4 անընդմեջ հաղթանակ տոնեց, 6 խաղում անպարտելի մնաց: Ալաշկերտցիները մեկնարկային 8 հանդիպումներում խաղադաշտից չհեռացան առանց գոլի: 27 հանդիպումներից միայն 6-ում «Ալաշկերտին» չհաջողվեց գրավել մրցակիցների դարպասը: Սեփական դարպասն էլ միայն 4 խաղում («Փյունիկ»՝ 3-0, «Գանձասար-Կապան»՝ 2-0, «Լոռի»՝ 2-0, «Արարատ-Արմենիա»՝ 0-0) անառիկ մնաց:

«Ալաշկերտը» խոշոր հաշվով 3 հաղթանակ տոնեց («Փյունիկ»՝ 3-0, «Երևան»՝ 5-1, «Լոռի»՝ 5-1): Մրցակիցներից ոչ մեկին չհաջողվեց «Ալաշկերտին» խոշոր հաշվով հաղթել:

Առաջնության ընթացքում «Ալաշկերտը» երկու հոբելյան նշեց: Հուլիսի 7-ին «Լոռիի» հետ կայացած հանդիպումը, որում ալաշկերտցիները 5-1 հաշվով ջախջախեցին մրցակցին, Բարձրագույն խմբում «Ալաշկերտի» հոբելյանական՝ 200-րդ խաղն էր: Իսկ մեկ շաբաթ անց «Շիրակի» հետ կայացած առաջնության ավարտական խաղում Բրայան Սիլվա Գարսիայի խփած գոլը դարձավ Բարձրագույն խմբում «Ալաշկերտի» հոբելյանական՝ 300-րդ գնդակը:

5․ «Ալաշկերտի» մասնակցությամբ հանդիպումներում նշանակվել է 11մ 12 հարված, որոնք բոլորն էլ իրացվել են: Թիմի օգտին նշանակված 6 հարվածներից 3-ն իրացրել է Տիագո Գալվաոն, 3 անգամ դիպուկությամբ աչքի է ընկել Գուստավո Մարմենտինին: Գալվաոն 2 անգամ գրավել է արարատցի Սերգեյ Ռևյակինի պաշտպանած դարպասը, մեկ անգամ էլ հաղթող է դուրս եկել փյունիկցի Անդրիա Դրագոևիչի հետ մենամարտում: Մարմենտինին 11մ նշակետից խոցել է «Երևանի» դարպասապահ Գրիգոր Մակարյանի, շիրակցի Վսևոլոդ Երմակովի և Միքայել Մեյրայի («Լոռի») պաշտպանած դարպասները:

Օգնեն Չանչարևիչի դարպասին նշանակված 11մ 6 հարվածներն էլ դիպուկ են իրացրել շիրակցիներ Մուսա Փոլ Բակայոկոն ու Մորի Կոնեն,  Ջոնել Դեսիրեն («Լոռի»), արարատցիներ Արտակ Ալեքսանյանն ու Դենիս Դեդեչկոն և «Արարատ-Արմենիայի» հարձակվող Մաիլսոն Լիման:

Միացի՛ր հայկական ամենասպորտային Instagram-ին:

1 2

Անդրանիկ Ոսկանյան․ «Ինչքան էլ դժվար է այս իրավիճակում, պետք է կենտրոնանանք և անենք մեր գործը» (տեսանյութ)

Արմեն Համբարձումյան․ «Բոլորս «վիզ դրեցինք» և հաղթեցինք այս խաղում» (տեսանյութ)

Սևադա Արզումանյան. «Հերթական «ափսոս» խաղը ստացվեց» (տեսանյութ)

Դավիդ Կամպանյա. «Մենք լավագույնս դրսևորեցինք մեզ խաղավերջում ու հասանք հաղթանակի» (տեսանյութ)

Լիմայի՝ տուգանայինից տպավորիչ գոլի շնորհիվ չեմպիոնը 3 միավորով հեռացավ Չարենցավանից (տեսանյութ)

«Վան» – «Արարատ-Արմենիա»․ Մեկնարկային կազմեր, ուղիղ հեռարձակում (տեսանյութ)

4 խաղ՝ 4 տարբեր քաղաքներում․ Ամենաուշագրավ փաստերը՝ VBET Հայաստանի Պրեմիեր լիգայի 9-րդ տուրին ընդառաջ

Ալբերտ Սոլոմոնով. «Թիմը ընկել է խաղային ռիթմից» (տեսանյութ)

Արմեն Պետրոսյան. «Եթե գոլային իրավիճակները գոլի վերածեինք, ավելի հանգիստ կխաղայինք» (տեսանյութ)

Մեկ գոլը վճռորոշ եղավ «Գանձասար-Կապան» – «Լոռի» խաղում (տեսանյութ)

«Գանձասար-Կապան» – «Լոռի»․ Մեկնարկային կազմեր, ուղիղ հեռարձակում (տեսանյութ)

VBET Հայաստանի Պրեմիեր Lիգայի ևս 2 հանդիպում հետաձգվել է

Վերջին անգամ 2018-ին են հաղթել իրենց այսօրվա մրցակիցներին․ Ամենաուշագրավ փաստերը՝ VBET Հայաստանի Պրեմիեր լիգայի 2 խաղին ընդառաջ

VBET Հայաստանի Պրեմիեր լիգայի 8-րդ տուրի խորհրդանշական հավաքականը և լավագույն ֆուտբոլիստը

Էդգար Մալաքյան․ «Բոլոր խնդիրները հաղթահարել եմ և հիմա պետք է օգնեմ թիմին հասնելու նպատակներին» (տեսանյութ)

Վարդան Բիչախչյան. «Հավատացած եմ՝ խաղի ընթացքում էլ մեր մտքով կռվի դաշտում ենք» (տեսանյութ)