«5-րդ անիվ, գաղտնի հեղույս». 4 դիտարկում Արմեն Գյուլբուդաղյանցի նշանակման վերաբերյալ - VNews
Բաժիններ

«5-րդ անիվ, գաղտնի հեղույս». 4 դիտարկում Արմեն Գյուլբուդաղյանցի նշանակման վերաբերյալ

Հայաստանի Ֆուտբոլի ֆեդերացիայի նախագահի ընտրության և ազգային հավաքականի գլխավոր մարզչի նշանակման միջակայքում տեղավորվել է մեկ ամսից էլ պակաս ժամանակ: «Այս պահին ամեն ինչ մի կողմ է դրվել ու, քննարկվում են հավանական թեկնածուների անունները», – հենց ընտրության օրն ասել է ՀՖՖ Գործադիր տնօրեն Արմեն Մելիքբեկյանը: Եվ իսկապես՝ քննարկված անունների հեղեղից արդեն մարդ էր խեղդվում:

Առաջին և այն ժամանակ միակ թեկնածուն համարվող Աբրահամ Խաշմանյանի անունը, ի զարմանս շատ շատերի, բացարձակապես չբարձրաձայնվեց: Ֆեյսբուքում եթե հարցում անցկացվեր, նա ավելի քան 70 տոկոսով (առանց լցոնումների) կընտրվեր հավաքականի գլխավոր մարզիչ, բայց նրա թեկնածությունը բարձրաձայն չքննարկվեց: Այնուհետև մեր տեսադաշտում հայտնվեց իտալացի հայտնի մասնագետ ալբանացի իտալացի Ջանի Դե Բիազի: Սակայն ոչինչ չստացվելուց հետո սկսվեց աբսուրդի թատրոնը:

Դելիո Ռոսի, Լուիջի Դել Ների, Կլաուդիո Ռանիերի, Էդուարդո Ռեյա և Բերտ Վան Մարվեյկ: Լավ, առաջին մի քանիսին կարելի է դեռևս մտածել ու դիտարկել, բայց Վան Մարվեյկին ինչո՞վ պետք է հետաքրքրեր Հայաստանի հավաքականի ծրագիրը, ի՞նչ կարող էր կորցրած լինել ԱԱ-2010 եզրափակիչ հասած հոլանդացի մասնագետը (թեպետ դրանից հետո նրա աշխատանքը կարել է 0 գնահատել):

Ի վերջո այս խառնաշփոթի մեջ ընտրությունը կանգ առավ պահեստային տարբերակի վրա: Արմեն Գյուլբոդաղյանցին ճանաչում են Հայաստանում քիչ թե շատ ֆուտբոլային անգամ ոչ թե քայլ, այլ «չոչ» արած բոլոր ներկայացուցիչները: Սակայն ոչ բոլորն են համաձայն, որ այս պահին նրա նշանակումը կարող է օգուտ բերել մեր թիմին:

1.  Հոգեբանական կարգավիճակ

Անկասկած դժվար է լինել պահեստային տարբերակ: Մոտ մեկ ամիս Ձեզ վրա ուշադրություն չեն դարձնում, այլ անընդհատ տալիս են ինչ-որ այլ մասնագետների անուններ, ովքեր միլիոններ են պահանջելու իրենց աշխատանքի համար, ու հանկարծ, երբ բոլոր տարբերակները ձախողվում են, ընտրում են հենց Ձեզ: Արմեն Գյուլբուդաղյանցը հանգիստ կարող էր մերժել առաջարկը՝ ունենալով դրա բոլոր իրավունքները: Սակայն մեծարգո մասնագետը որոշեց գնալ այս բարդ ու պատասխանատու քայլին:

Նման կարգավիճակում հավաքական ընդունելը ևս մեծագույն համարձակություն է, անհրաժեշտ է լավ հոգեբանական պատրաստվածություն: Այս ամենն Արմեն Գյուլբուդաղյանցի համար կրկնակի ծանր է, որովհետև այսօրվա կազմի մեծամասնությանը պատրաստել է հենց Իշխանիչը, այդ թվում և Հենրիխ Մխիթարյանին: Քանիցս հավաքականի մասին զրուցելուց նա խոսել է մեծագույն ծանրությամբ ու սրտացավությամբ, քանի որ հենց «նրա երեխաներն են» այսօր տարբեր մարզիչների օրոք անարդյունք մնում:

Որքանո՞վ հեշտ կլինի նրան ընդունել այսպիսի իրավիճակում: Այստեղ ոչ թե մեկ, այլ մի՜ քանի մարզիչների կիսատ մնացած գործեր են, նախկին մասնագետների կայացրած ու չարդարացված որոշումներ, որոնց հետ հիմա պետք է հաշվի նստել: Գործն ահռելի է, իսկ նրա կողքին այսօր փորձ ունեցող որևէ մասնագետ չկա (Ռոման Բերեզովսկուն չենք հաշվում):

2. Երիտասարդական հավաքական

Արմեն Գյուլբուդաղյանցը հայտնի է երիտասարդ ու պատանի ֆուտբոլիստների հետ իր փայլուն աշխատանքով: Նրա օրոք հավաքականում անկասկած նոր ու երիտասարդ տղաներ իսկական կարիերա կսկսեն: Մանավանդ որ նրանց ֆոնին մեր «ոսկե սերունդն» արդեն կարծես թե, իր վերջին փայլեցման փուլին է հասել:

Սակայն մյուս կողմից՝ Ազգերի լիգան այն բացառիկ հնարավորությունն էր մեր հավաքականի համար հեղինակավոր որևէ մրցաշարի եզրափակիչ փուլին մասնակցելու համար, որն ի սկզբանե դատապարտված էր տապալման Վարդան Մինասյանի անհեռանկարային նշանակման ու Մակեդոնիայի հետ անտաղանդ խաղի պատճառով: Այս պարագայում Արմեն Գյուլբուդաղյանցի նշանակումը ոչ մի տրամաբանության մեջ չի մտնում: Այս օրհասական պահին Արթուր Քարտաշյանին ու Պետրոս Ավետիսյանին ազգային հավաքական հրավիրելով ոչ մի կողմը օգուտ չի ստանա՝ ո՛չ Պետրոսենք, ո՛չ հավաքականը: Կրկնում եմ՝ կոնկրետ՝ ԱՅՍ պահին, մինչև Ազգերի լիգայի ընտրական փուլի ավարտը:

Երբ Դե Բիազիների ու մյուս թոփերի անունները քննարկվում էին, Իշխանիչի ընդգրկումը նրանց մարզչական շտաբ համարվում էր պարտադիր պայման: Պատկերացրեք՝ «Դե Բիազի-Գյուլբուդաղյանց»՝ ի՞նչ  մարզչական զույգ կարող էր լինել, օրինակ: Մեկը թոփ մասնագետ, որը կոչված է առաջ տանելու միջին հավաքականները, մյուսն էլ երիկտասարդներին փորձառուների հետ մերելու մեծագույն վարպետ: Իսկ հիմա Գյուլբուդաղյանցը պետք է և՛ մարզի, և՛ մերի: Իսկ եթե դու Նապալեոնը չես, դժվար թե նման բարդ պարտավորությունները ավարտես հաջողությամբ:

Միացի՛ր հայկական ամենասպորտային Instagram-ին:

1 2

Առաջնության մասնակից ֆուտբոլիստներից 2-ն են ԲԽ-ում ավելի շատ գոլ խփել, քան Գեղամ Հարությունյանը

Եղիշե Մելիքյան․ «Ժամանակ չկա․ պիտի շատ արագ հասկանամ իմ թիմի հնարավորությունները» (տեսանյութ)

«Արարատ-Արմենիան» չհաղթեց ԲԽ-ում 4-րդ անընդմեջ խաղում. VNews-ի ֆոտոշարքն «Ալաշկերտի» հետ հանդիպումից

Բարձրագույն խմբի 3 ակումբ ապահովել է իր տեղը եվրագավաթային խաղարկությունում

Գոլազուրկ ոչ-ոքի․ «Արարատ-Արմենիան» մնաց 2-րդ տեղում (տեսանյութ)

Չեմպիոնը շանս է ստանում վերադառնալու. «Արարատ-Արմենիա» – «Ալաշկերտ». Մեկնարկային կազմեր, ուղիղ հեռարձակում

Շիկացած պայքար․ Հայաստանի չեմպիոն դառնալու գլխավոր ֆավորիտներն ըստ VBet-ի

ԲԽ առաջնությունների միակ թիմը, որին «Շիրակը» երբևէ չի հաղթել․ Ամենաուշագրավ փաստերը՝ ԲԽ-ի 26-րդ տուրին ընդառաջ

«Հոբելյանական» տուր Մանասյանի, Մկոյանի, Բադոյանի, Մանուչարյանի և Բիչախչյանի համար

Վադիմ Բորեց․ «Պետք է այսպիսի տրամադրվածությամբ մոտենանք վճռորոշ խաղերին» (տեսանյութ)

Պաշտոնական․ Եղիշե Մելիքյանը գլխավորեց հայկական թիմը

«Արարատ-Արմենիան» պարտվում է «Լոռիին» և մնում 2-րդ հորիզոնականում, «Նոան» ուժեղ էր «Ալաշկերտից» (տեսանյութ)

Հայաստանի հավաքականի խաղացանկն Ազգերի լիգայում

Առաջատարը կխաղա իր ամենաանհարմար մրցակցի հետ․ Ամենաուշագրավ փաստերը՝ ԲԽ-ի 25-րդ տուրին ընդառաջ

Բարձրագույն խմբի 24-րդ տուրի խորհրդանշական հավաքականը և լավագույն ֆուտբոլիստը

Բարձրագույն խմբի 24-րդ տուրի լավագույն 3 գոլերը (տեսանյութ)