8 հայ ըմբիշ ընդգրկվել է UWW-ի դասակարգման աղյուսակում - VNews
Բաժիններ

8 հայ ըմբիշ ընդգրկվել է UWW-ի դասակարգման աղյուսակում

Ըմբշամարտի համաշխարհային ֆեդերացիան (UWW) ներկայացրել է թարմացված դասարկարգման աղյուսակը, որում ընդգրկվել է 8 հայ ըմբիշ։

Ազատ ոճային ըմբիշ Արսեն Հարությունյանը 61 կգ քաշայինների պայքարում նահանջել է մեկ հորիզոնականով ու 16 միավորով 17-րդ տեղում է։ 79 կգ քաշայինների լավագույն տասնյակը եզրափակում է Գրիգոր Գրիգորյանը։

Հունահռոմեական ոճի ըմբշամարտի դասակարգման աղյուսակի 10 քաշային կարգերից 6-ում ներառված են Հայաստանի ներկայացուցիչներ։

Գևորգ Ղարիբյանը, որը այս տարի դարձել էր Եվրոպայի չեմպիոն 60 կգ քաշային կարգում, 9-րդն է վարկանիշային աղյուսակում՝ 20 միավորով։ Սլավիկ Գալստյանը 63 կգ քաշայինների մրցավազքում ընթանում է 8-րդ հորիզոնականով։ Եվրոպայի այս տարվա առաջնության բրոնզե մեդալակիր Կարեն Ասլանյանը 67 կգ քաշայինների շրջանում աշխարհում 14-րդն է։ Նա զիջել է դիրքը մեկ հորիզոնականով։ Երիտասարդ ըմբիշ Մալխաս Ամոյանը, որը անցած տարի էր նշել նորամուտը մեծահասակների պայքարում, ընդգրկված է 72 կգ քաշայինների լավագույն տասնյակում։

77 կգ քաշային Կարապետ Չալյանը աշխարհում 3-րդն է՝ 38 միավորով։ Նա զիջում է միայն աշխարհի գործող չեմպիոն հունգարացի Տամաշ Լերինցին ու շվեդ Ալեքս Կեսիդիսին։ Իսկ Օլիմպիական չեմպիոն Արթուր Ալեքսանյանը 97 կգ քաշային պայքարում այս պահին 2-րդն է՝ 60 միավորով։ Նույնքան միավոր ունի նաև ռուս Մուսա Եվլոևը, որն էլ հենց գլխավորում է աղյուսակը, քանի որ աշխարհի վերջին առաջնությանը նա ավելի բարձր հորիզոնական էր զբաղեցրել, քան «Ճերմակ արջը»։

Հիշեցնենք, որ Ալեքսանյանը չէր կարողացել մասնակցել Եվլոևի հետ եզրափակիչ գոտեմարտին վնասվածքի պատճառով՝ բավարարվելով արծաթե մեդալով։

Միացի՛ր հայկական ամենասպորտային Instagram-ին:


Արթուր Ալեքսանյան. «Մենք պարտադրված ենք ստեղծելու հզոր պետություն»

Մարզիկները պարգևներ ստացան նախարարությունում

Հունահռոմեական ոճի ըմբշամարտի Հայաստանի չեմպիոններն ու մրցանակակիրները

«Գոհացուցիչ ելույթներ». Ազատ ոճի Հայաստանի հավաքականի մարզիչներն ամփոփեցին աշխարհի գավաթը

«Մեր հավաքականը կարող էր նվաճել ավելի շատ մեդալներ». Մարզիչներն ամփոփել են Աշխարհի գավաթը

ԱԳ. Արսեն Հարությունյանը՝ արծաթե մեդալակիր (տեսանյութ)

ԱԳ. Արսեն Հարությունյանը եզրափակիչում է

ԱԳ. Արսեն Հարությունյանը կիսաեզրափակիչում է

ԱԳ. Արսեն Հարությունյանն ու Հրայր Ալիխանյանը հաղթանակով են մեկնարկել

ԱԳ. Արթուր Ալեքսանյանը հրաժարվել է շարունակել պայքարը մրցաշարում

ԱԳ․ Կարապետ Չալյանը պարտվեց բրոնզե մեդալի համար գոտեմարտում

Մալխաս Ամոյանը՝ Աշխարհի գավաթի արծաթե մեդալակիր (տեսանյութ)

ԱԳ․ Սլավիկ Գալստյանը՝ բրոնզե մեդալակիր

ԱԳ․ Դավիթ Օվասապյանը պարտվեց կիսաեզրափակիչում, Արթուր Ալեքսանյանը կպայքարի բրոնզե մեդալի համար

ԱԳ. Դավիթ Օվասապյանը կիսաեզրափակիչում է, Գևորգ Ղարիբյանը պարտվեց քառորդ եզրափակիչում

Սլավիկ Գալստյանն ու Կարապետ Չալյանը կգոտեմարտեն բրոնզի համար