«Ա՜խ, երանի, թե լիներ մի հնար…». Հայաստանի ընտրանու ամենացանկալի մրցակիցները Եվրո 2020-ի ընտրական մրցաշարում

Ֆուտբոլի Հայաստանի ազգային հավաքականը չկարողացավ Ազգերի լիգայի շնորհիվ պայքարել 2020 թվականին կայանալիք Եվրոպայի առաջնության եզրափակիչ փուլի ուղեգրերի համար: Հիմա մեր թիմին ավելի բարդ ու ավանդական փորձություն է սպասվում՝ ստանդարտ խմբային փուլ, որտեղ պետք է գրավել երկրորդ տեղը: Առնվազն երկրորդ տեղը: Այս անգամ անցումային խաղեր չեն լինելու, լավագույն երրորդ տեղ չի լինելու: Միայն երկրորդ կամ առաջին:

Թիմերն արդեն բաժանվել են զամբյուղների: Հայաստանի հավաքականը հանգրվանել է 5-րդ զամբյուղում: Մեր թիմը միանշանակ չի հայտնվի Մակեդոնիայի, Կոսովոյի, Բելառուսի, Լյուքսեմբուրգի, Ադրբեջանի, Ղազախստանի, Մոլդովայի, Ջիբրալթարի ու Ֆարերյան կղզիների հավաքականների հետ: Թումանյանական խոսքերն այս պարագայում ամենաակտուալն են: Գործի գցենք «երանիներն» ու դիտարկենք տարբերակները, որոնց դեպքում մեր թիմը հնարավորություն կունենա պայքարելու ԵՎՐՈ-ի եզրափակիչ փուլ դուրս գալու համար:

1-ին զամբյուղ – Լեհաստան

Տարբերակներ՝ Շվեյցարիա, Պորտուգալիա, Հոլանդիա, Անգլիա, Բելգիա, Ֆրանսիա. Իսպանիա, Իտալիա, Խորվաթիա, Լեհաստան

Այո, այո: Հենց Լեհաստանի հավաքականը: Այս պահին լեհեն այն նույն սարսափազդու տեսքը չունեն, ինչ նախորդ տարի այս ժամանակահատվածում: Աշխարհի 2014 թվականի առաջնությունում ձախողվելուց հետո Լևանդովսկին ու ընկերները ուշքի չեն գալիս ու արդեն ավելի քան 6 ամիս է՝ հաղթանակ չեն կարողանում տանել: Այո, մրցակիցները, իրոք, լուրջ էին՝ Պորտուգալիա, Իտալիա, Չեխիա: Սակայն Լեհաստանը Լեհաստան է մնում:

Թիմը կանգնած է սերնդափոխության ճանապարհին (ճիշտ, ինչպես մենք): Պիշչեկը, Գլիկը, Բլաշիկովսկին ու մյուսները պետք է վերջապես ճանապարհը զիջեն երիտասարդներին: Սա լավագույն տարբերակն է 1-ին զամբյուղից:

Եթե ոչ, գոնե… Շվեյցարիա
Վատագույն տարբերակ՝ Ֆրանսիա

Հետևե՛ք VNews.am-ին նաև Youtube-ում և Instagram-ում: