Ա Սերիայի վերադարձը կրկին կուշանա

Իտալիայի վարչապետ Ջուզեպե Կոնտեն երկրում մարզական իրադարձությունները մինչև հունիսի 14-ն արգելելու հրամանագիր է ստորագրել՝ հաղորդում է Sport Mediaset-ը։

Ըստ աղբյուրի՝ նման որոշում է կայացվել՝ կորոնավիրուսի հետագա տարածման վերաբերյալ հստակ ինֆորմացիա հավաքագրելու համար։

Ստացվում է, որ Ա Սերիայի ընթացիկ մրցաշրջանը, որը դադարեցված է կորոնավիրուսի համաճարակի պատճառով և սպասվում էր, որ կշարունակվի հունիսի 13-ից, կարող է շարունակվել նշված ամսաթվից նվազագույնը մեկ շաբաթ անց։

Ավելի վաղ տեղեկություն է տարածվել, թե Իտալիայի վարչապետը որոշել է հետաձգել թիմերի՝ ընդհանուր խմբով մարզումներին վերադառնալու գործընթացը՝ հաշվի առնելով բժշկական արձանագրությունները։

Մասիմո Մորատի․ «Մեսիին ձեռք բերելը յուրաքանչյուրի երազանքն է»

Միացի՛ր հայկական ամենասպորտային Instagram-ին: