Աբրամովիչը հսկայական գումար կծախսի. միայն մեկ տրանսֆերի հարցում են բոլոր համաձայն

«Չելսին» մտադիր է կարճ ժամանակում կրկին աշխարհի ուժեղագույն թիմերից մեկը դառնալ: TuttoMercatoWeb-ը վստահեցնում է, որ անգլիական ակումբի սեփականատեր Ռոման Աբրամովիչը մտադիր է գումար չխնայել այդ նպատակին հասնելու համար:

Այդ պատճառով նա ամառային տրանսֆերային պատուհանի համար ծրագրում է լոնդոնցիներին 300 միլիոն եվրո հատկացնել: Այդ գումարը կարող է փոխվել կախված աշխարհում կորոնավիրուսային իրավիճակից:

Անգլիական ակումբում հնարավոր նորեկներից միայն մեկի վերաբերյալ են բոլոր տնօրենները  միաձայն հավանություն տվել: Դա Դորտմունդի «Բորուսիայի» հարձակվող Էրլինգ Հալանդն է:

Նորվեգացու պայմանագրի հրաժարագին կետն ուժի մեջ է մտնելու 2022 թվականի ամռանը և կազմելու է 75 միլիոն եվրո: «Չելսին» կարծում է, որ այդ ժամանակ նրանք չեն կարող հաղթել 20-ամյա ֆուտբոլիստի համար պայքարը: Այդ պատճառով Աբրամովիչը հանձնարարել է առաջիկա ամռանը «ցանկացած գնով» ձեռք բերել Հալանդի տրանսֆերը:

«Չելսին» կես տարի առաջ տրանսֆերների վրա ծախսել է 247 միլիոն եվրո:

Միացի՛ր հայկական ամենասպորտային Instagram-ին: