Աֆրիկայի տարվա լավագույն ֆուտբոլիստի 3 հավակնորդները

«Լիվերպուլի»  ֆուտբոլիստներ Մոհամեդ Սալահը, Սադիո Մանեն և «Արսենալի» հարձակվող Պիեր Էմերիկ Օբամեյանգը կպայքարեն Աֆրիկայի լավագույն ֆուտբոլիստի կոչման համար։

Եգիպտացին նախորդ տարի նվաճել էր գլխավոր մրցանակը ու այս տարի ևս ֆավորիտ է։ Իսկ սենեգալցուն 2016-ին ու 2017-ին մի փոքր էր բաժանում տարվա լավագույնի տիտղոսից։

Գաբոնցի հարձակվողն էլ 5-րդ անընդմեջ անգամ է հայտնվում լավագույն եռյակում՝ այդ կերպ կրկնելով Յայա Տուրեի ու Մայքլ Էսեյնի ռեկորդը։ Սակայն Օբամեյանգի միակ հաղթանակը գրանցվել է 2015-ին։

Նշենք, որ հաղթողը որոշվում է ազգային հավաքականների գլխավոր մարզիչների ու ավագների քվեարկության արդյունքում։ Մրցանակաբաշխության արարողությունը տեղի կունենա հունվարի 8-ին Սենեգալում։

Հետևե՛ք VNews.am-ին նաև Youtube-ում և Instagram-ում: