ԱԳ. Արսեն Հարությունյանը կիսաեզրափակիչում է

57 կգ քաշային Արսեն Հարությունյանը շարունակում է հաջող ելույթներն ըմբշամարտի Աշխարհի գավաթի խաղարկությունում:

Ինչպես տեղեկացնում է Հայաստանի ըմբշամարտի ֆեդերացիայի մամուլի ծառայությունը, Հարությունյանը, որ 1/8 եզրափակիչում հաղթել էր ռումինացի Ռազվան Կովաչին, 1/4 եզրափակիչում ծանր պայքարում 5:4 հաշվով հաղթանակի է հասել ուկրաինացի Անդրեյ Յացենկոյի նկատմամբ ու դուրս եկել կիսաեզրափակիչ, որտեղ կմրցի սերբ ըմբիշ Ստևան Անդրիա Միչիչի հետ:

Հայաստանի մյուս ներկայացուցիչները՝ Հրայր Ալիխանյանն ու Հովհաննես Մաղաքյանը, ցավոք, պարտություններ են կրել: Ալիխանյանը 1/4 եզրափակիչում զիջել է իտալացի Ֆրանկ Մարկեսին, Մաղաքյանն էլ պարտվել է Բելառուսի ներկայացուցիչ Դենիս Խրամենկովին:

Միացի՛ր հայկական ամենասպորտային Instagram-ին: