«Ագեվազները նայում ուրախանում են». Ովքե՞ր ավելի բարձր կցատկեն Australian Open-2019-ում - VNews
Բաժիններ

«Ագեվազները նայում ուրախանում են». Ովքե՞ր ավելի բարձր կցատկեն Australian Open-2019-ում

Ավստրալիայի բաց առաջնությունը թենիսային տարվա առաջին լուրջ ստուգատեսն է: Եվ այն նորից խոստանում է 2017-ի պես դառնալ ամենաանկանխատեսելին: 2 տարի առաջ Ռաֆա Նադալն ու Ռոջեր Ֆեդերերը, թվում էր, հեռու էին իրենց լավագույն մարզավիճակից, սակայն երկրպագուներին պարգևեցին «օլդսքուլ» եզրափակիչ՝ օգտվելով մի շարք առաջատար թենիսիստների պարտությունից: Ովքեր դիտել են եզրափակիչը, ամենաէպիկ դրվագը ևս մեկ անգամ դիտելու հաճույքից իրենց չեն զրկի: Ովքեր էլ որ չեն դիտել՝ թող ամուր պահեն կա’մ իրենց ծնոտը, կամ էլ պատրաստ պահեն ձեռքերը՝ ծնոտը բռնելու համար:

Դրանից հետո թենիսում ահագին բան է փոխվել՝ հայտնվել են նոր դեմքեր, որոնք խոստանում էին դառնալ նոր սերնդի լավագույնները, սակայն առայժմ, պայքարում են աստղային հիվանդության ու վնասվածքների դեմ: Նախորդ տարվա մեկնարկում բոլորին զարմացրեց կորեացի Հյոն Չոնը՝ հասնելով AO կիսաեզրափակիչ, սակայն դրանից հետո նրա հաջողության ծիծեռնակը թռավ-հեռացավ: Սա միայն մեկ օրինակ է, որ Ավստրալիայի կորտերում ամեն ինչ կարող է պատահել:

Դրա գլխավոր պատճառներից մեկն, անկասկած, եղանակն է: Ագեվազների երկրում հեշտ չէ խաղալ տարվա այս եղանակին: Սակայն Ավստրալիան շարունակում է մնալ աշխարհում այն եզակի վայրերից մեկը, որտեղ կարելի է տարվա այս եղանակին թենիս խաղալ: Հատկապես բերել է նրանց բախտը, ովքեր պիտի խաղան օրվա երկրորդ հատվածում: Երեկոյան ժամերին շոգն արդեն կոտրված է լինում: Առավոտյան և ցերեկը խաղալիս՝

  • Արևը վառում է
  • Շողերն ընկնում են թենիսիստների աչքերին

Երբեք չի կարելի վստահ լինել, որ երիտասարդ թենիսիստները կկարողանան սպասվածի պես հանդես գալ: 2019 թվականի առաջին մրցաշարերից մեկի՝ Հոպմանի գավաթի խաղարկության եզրափակիչում Ֆեդերերին պարտվելուց հետո գերմանացի Ալեքսանդր Զվերևը հուսահատ ասաց. «Ռոջեր, բավական է հաղթես: Գուցե թողես մենք է՞լ մի տիտղոս նվաճենք»: Սա շատերը համարում են կատակ, բայց իրականում՝ այսօրվա թենիսի գլխավոր խնդիրներից մեկն է՝ անկախ ամեն ինչից, 22-25 տարեկան թենիսիստների մրցապայքարում ֆավորիտ են 33-ամյա Նադալն ու 38-ամյա Ֆեդերերը:

Լավ է միայն, որ այս տարվա Ավստրալիայի բաց առաջնությունում անգամ չկա վառ արտահայտված ֆավորիտ՝ ոչ երիտասարդների, ոչ միջակների, ոչ էլ ծերակույտի մեջ: Դա անհատական սպորտաձևերի առավելությունն է. այո, Ռաֆան, անխոս, իր փորձի և ուժի շնորհիվ պետք է համարվի ֆավորիտ: Սակայն հանկարծակիության գործոնն այս սպորտաձևերի գլխավոր զարդն է: Այսօր մեկնարկած Australian Open-2019-ում արդեն կան անակնկալներ: Անդրեյ Ռուբլյովը, որը անհավանական կերպով հասավ US Open-ի քառորդ եզրափակիչ, դրանից հետո ոչնչով աչքի չի ընկնում: Այս անգամ էլ Ռուբլյովը դուրս մնաց հենց առաջին խաղից: Այս մրցաշարի եզրափակիչի հնգակի մասնակից Էնդի Մարեյը ևս ստիված կլինի հետագա ընթացքին հետևել որպես երկրպագու:  Հիմա փորձենք հասկանալ՝ ումից ինչ սպասել ու առավել ևս, չսպասել:

Թոփ-3

Նովակ Ջոկովիչ

Սերբ թենիսիստը 2019 թվականը պետք է սկսեր հաղթանակով, սակայն Դոհայի մրցաշարի կիսաեզրափակիչում պարտություն կրեց Ռոբերտո Բաուտիստա Ագուտից: Նախորդ տարին Ջոկերը հիասքանչ անցկացրեց, մանավանդ երկրորդ հատվածը: Սերբ թենիսիստն ապացուցեց, որ իսկական մարտիկ է ու ի վիճակի է վերադառնալ անգամ ամենախորն անդունդից: Կանաչ մայրցամաքի այս տարվա մրցաշարում Ջոկովիչը ներկայանալու է առաջին ռակետի կարգավիճակում:

Սակայն մարզավիճակի հետ կապված որոշակի խնդիրները կարող են չար կատակ խաղալ Ջոկոյի հետ: Ցանկացած երկարատև հանդիպում լուրջ խնդիրներ կառաջացնի նրա համար: Փորձը ցույց է տալիս, որ Նովակը նման խաղերի ժամանակ իրեն այդքան էլ լավ չի զգում: Իսկ եթե հաշվի առնենք, որ երկրորդ շրջանում նրան արդեն կարող սպասել վտանգավոր Ժո-Ուիլֆրեդ Ցոնգան, ամեն ինչ այդքան հարթ չէ Ջոկերի համար:

Ռոջեր Ֆեդերեր

Շվեյցարացի մաեստրոն իդեալական հանգիստ է տվել իրեն՝ նախորդ տարվա վերջին մրցաշարից հետո Ֆեդերերը մոռացել է թենիսի մասին, ժամանակ անցկացրել ընտանիքի ու երեխաների հետ (որոնց դեմքն ու անունները գուցե մոռացած լիներ), ու վերադարձավ ավելի ուժեղ: Հիշյալ Հոպմանի գավաթում հաղթելով՝ Ֆեդերերը լուրջ հայտ է ներկայացրել այս տարվա առաջին մեյջորում հաղթելու համար: Ընդ որում՝ 3-րդ անգամ անընդմեջ (չենք մոռանում, որ նա մրցաշարի գործող կրկնակի հաղթողն է):

«Ֆեդյայի» գլխավոր մրցակիցները նման կարգի խաղերում ոչ թե Ջոկովիչներն ու Նադալներն են, այլ հենց ինքը՝ ներսի Ֆեդերերը: Շվեյցարացի թենիսիստը կարող է 3 սեթում պատին ծեփել ցանկացածին, սակայն կենտրոնացվածության կորստի պատճառով, մեկ էլ տեսար, պարտվեց թենիսային աշխարհում անհայտ ինչ-որ մեկին: Ֆեդերերն այսօր շարունակում է մնալ մրցաշարի միայն «թաքնված ֆավորիտ»:

Ռաֆայել Նադալ

«Գրունտային արքան» նախորդ մրցաշրջանի երկրորդ կեսում հիմնականում բժիշկների հսկողության տակ էր՝ բուժելով մերթ ծունկը, մերթ արմունկը: Գլխավոր եռյակից Նադալն այս պահին անհամեմատ ավելի թույլ է: Իսպանացին մարզավիճակի հետ կապված խնդիրներ ունի: Երկար ժամանակ է՝ չի խաղացել բարձր մակարդակով: Դրա պատճառով մարմինն ու ձեռքերը կարող են անհնազանդ լինել:

Հույս կար, որ Ավստրալիայի այս տարվա կորտերը կլինեն սովորականից դանդաղ՝ նման գրունտին, սակայն առաջին խաղերից երևում է, այդ տեսանկյունից Ռաֆայի հույսերը չեն արդարանա: Հարդը երբեք էլ Նադալի սիրելի ծածկույթը չի եղել: Այնպես որ, հուսալ, որ իսպանացի թենիսիստը կկարողանա կրկնել 2017-ի ցուցանիշը, դժվար թե պետք լինի:

Միացի՛ր հայկական ամենասպորտային Instagram-ին:

1 2

Ֆեդերերն ասել է՝ ինչու վերջին տարիներին չի կարողանում «Մեծ սաղավարտ» նվաճել

Կրոս․ «Միանգամայն վստահ եմ՝ նա բոլոր ժամանակների լավագույն մարզիկն է»

Ռոդիկ․ «Ջոկովիչի մայրը Ֆեդերերին չպիտի անվաներ ամբարտավան»

Մեսի՞, թե՞ Ռոնալդու՝ պատասխանել է Ռաֆայել Նադալը

Նադալը խնդրել է հետաձգել իր մասնակցությամբ թենիսի վիրտուալ հանդիպումը մեջքի վնասվածքի պատճառով

Ջոկովիչ․ «Ստադիոնների մեծ մասում Ռոջերին ավելի շատ կծափահարեն, քան ինձ, քանի որ նա Ռոջերն է» (տեսանյութ)

Ինչպես է Ռոջեր Ֆեդերերն անցկացնում իր ժամանակը կարանտինի ընթացքում (տեսանյութ)

Աշխարհի լավագույն մարզիկներն իրենց տարիքում՝ ըստ Marca-ի քվեարկության

Երկրպագուհին ներխուժել է այգի և ընդհատել Նովակ Ջոկովիչի ֆոտոսեսիան (տեսանյութ)

ԱՕ 2020. Կանանց աշխարհի առաջին ռակետը լքեց պայքարը, Ջոկովիչը պարտության մատնեց Ֆեդերերին

ԱՕ 2020. Մուգուրուսան ճողոպրեց կիսաեզրափակիչ, Նադալին ճանապարհեցին տուն. 1/4-ի արդյունքները

Անվտանգության աշխատակիցը չէր թողնում Նադալին մտնել կորտ (տեսանյութ)

AO. Ջոկովիչն ու Ֆեդերերը կպայքարեն եզրափակիչի ուղեգրի համար

Ֆեդերերը ֆանտաստիկ քամբեք իրականացրեց ու դուրս եկավ կիսաեզրափակիչ(տեսանյութ)

AO-2020. Ֆեդերերը ծանրագույն պայքարում անցավ հաջորդ փուլ, Սերենան պարտվեց. օրվա արդյունքները (տեսանյութ)

Խաչանովը հայերեն գրառում է կատարել Ֆեդերերի հետ համատեղ լուսանկարի մեկնաբանություններում