Աղբյուր. «Բարսելոնան» առաջարկել է Մասկերանոյի վերադառնալ

Ժերար Պիկեի վնասվածքից հետո «Բարսելոնան» շարունակում է նոր ֆուտբոլիստի փնտրտուքները:

El Chiringuito TV-ն թվիթերյան էջում տեղեկացնում է, որ կատալոնական ակումբը առաջարկել է իր նախկին խաղացող Խավիեր Մասկերանոյին վերադառնալ թիմ իսպանացուն փոխարինելու համար: Սակայն արգենտինացին մերժել է:

Մասկերանոն պաշտպանել է «Բարսելոնայի» գույները 2010-ից 2018 թվականը: Մոտ մեկ շաբաթ առաջ Խավիերը հայտարարել էր ֆուտբոլիստի կարիերան ավարտելու մասին:

Ժերար Պիկեն խաչաձև կապանների վնասվածք էր ստացել Իսպանիայի առաջնության 10-րդ տուրի «Ատլետիկոյի» հետ խաղում:

Միացի՛ր հայկական ամենասպորտային Instagram-ին: