Աղբյուր. Էրիկ Վարդանյանը կարող է կարիերան շարունակել Ռուսաստանում

«Փյունիկի» կիսապաշտպան Էրիկ Վարդանյանը կարող է կարիերան շարունակել Ռուսաստանում:

Sport24-ի տեղեկություններով՝ հայ ֆուտբոլիստի ծառայություններով հետաքրքրված է «Ռոստովը»: Վարդանյանը հայտնվել է նաև չեխական «Յաբլոնեցի» ուշադրության կենտրոնում:

Բարձրագույն խմբի 2018-19 մրցաշրջանում Վարդանյանը մասնակցել է 21 հանդիպման՝ դառնալով 8 գոլի հեղինակ:

Հիշեցնենք, որ «Փյունիկը» Եվրոպա լիգայի որակավորման 2-րդ փուլում մրցում էր «Յաբլոնեցի» հետ: Չեխական ակումբի հետաքրքրությունը Վարդանյանի նկատմամբ ամենայն հավանականությամբ «Փյունիկի» դեմ հանդիպումներից է առաջացել:

Միացի՛ր հայկական ամենասպորտային Instagram-ին: