Աղբյուր. Մարադոնան մահից առաջ խնդրել է զմռսել իր մարմինը

Համաշխարհային ֆուտբոլի լեգենդ Դիեգո Մարադոնան, որը նախօրեին կյանքից հեռացել է սրտի կանգի պատճառով, ամիսներ առաջ նամակի միջոցով խնդրել է մահից հետո զմռսել իր մարմինը՝ հաղորդում է արգենտինական TyC Sports մարզական հեռուստաալիքը:

Լրագրող Մարտին Արևալոյի խոսքով՝ Մարադոնան մի քանի ամիս առաջ ընտանիքին ուղղված նամակում խնդրել է մահից հետո զմռսել իր մարմինը, որ «երկար տարիներ պահպանվի»:

Հաղորդվում է, որ Մարադոնայի ընտանիքը դրա մասին իմացել է միայն ժամեր առաջ և ցնցված է:

Մարադոնայի ցանկության վերաբերյալ ընտանիքը դեռևս որոշում չի կայացրել:

Միացի՛ր հայկական ամենասպորտային Instagram-ին: