Airthings Masters. Լևոն Արոնյանը եզրափակչի ուղեգրի լուրջ հայտ ներկայացրեց

Տարեմուտին Airthings Masters արագ շախմատի առցանց մրցաշարում կայացան կիսաեզրափակիչ առաջին մրցախաղերը:

Լևոն Արոնյանը հաղթանակով սկսեց Մաքսիմ Վաշիե-Լագրավի հետ կիսաեզրափակիչ առաջին մրցախաղը՝ սևերով 67-րդ քայլին պարտության մատնելով մրցակցին:

Հաջորդ 2 պարտիաները խաղաղ ելք ունեցան: Իսկ մրցախաղի վերջին՝ 4-րդ պարտիայում Արոնյանը կրկին գերազանց խաղաց՝ այս անգամ հաղթելով սպիտակներով: Այսպիսով, կիսաեզրափակիչ առաջին մրցախաղը Լևոնը շահեց 3-1 հաշվով:

Վաղը կկայանա մրցակիցների 2-րդ մրցախաղը: Նույնիսկ ոչ-ոքի արդյունքի դեպքում Արոնյանը եզրափակչի ուղեգիր կնվաճի:

Կիսաեզրափակչի մյուս մրցախաղում Թեյմուր Ռաջաբովը 3-1 հաշվով հաղթեց Դանիլ Դուբովին: Վաղը նրանք կանցկացնեն 2-րդ մրցախաղը:

Հայկ Մարտիրոսյանը 3 լավագույններից մեկն էր

Միացի՛ր հայկական ամենասպորտային Instagram-ին: