Ալաբան՝ ռասիզմի մասին․ «Ֆուտբոլը սեր է, իսկ եթե սեր չկա, ինչի՞ համար խաղալ» - VNews
Բաժիններ

Ալաբան՝ ռասիզմի մասին․ «Ֆուտբոլը սեր է, իսկ եթե սեր չկա, ինչի՞ համար խաղալ»

Մյունխենի «Բավարիայի» պաշտպան Դավիդ Ալաբան խոսել է ֆուտբոլում ռասիզմի խնդրի մասին։

Ավստրիացին ու The Times-ի լրագրողը քննարկել են Անգլիայի հավաքականի պաշտպան Թայրոն Մինգսի հետ եղած դեպքը Բուլղարիայի հավաքականի դեմ ԵՎՐՈ 2020-ի ընտրական փուլի հանդիպման ժամանակ։ Այդ հանդիպումը երկու անգամ դադարեցվել է տրիբունայից հնչած ռասիստական արտահայտությունների պատճառով։ Ընդմիջմանը ռասիստական դրսևորում ցուցաբերած երկրպագուները հեռացվել են ստադիոնից, իսկ ավելի ուշ Բուլղարիայի ֆուտբոլային միության ղեկավարը լքել է պաշտոնը։

«Նրանք հեռացվեցին ստադիոնից, ու այդպես էլ պետք է լիներ։ Այդպիսի մարդիկ ողջունելի չեն մարզադաշտում։ Մյուս կողմից՝ շատ ցավալի է, որ ֆուտբոլիստները պետք է խոսեն այս թեմայով, քանի որ բոլորն ամեն ինչ տեսնում են։ Եթե բոլորը տեսնում են, ինչո՞ւ պետք է ֆուտբոլիստն անդրադառնա այս թեմային։

Ֆուտբոլիստը պետք է կատարի իր աշխատանքը։ Մենք խաղում ենք ֆուտբոլ։ Իհարկե տխուր է, որ ֆուտբոլիստն ստիպված պետք է համարձակություն գտնի, մոտենա մարզչին կամ մրցավարին ու ինչ-որ բան ասի։ Պետք է լուծում գտնել։

«Ո՛չ ռասիզմին» գրառմամբ դրոշակներ ու պաստառներ կան մարզադաշտում, ես դա տեսնում եմ, սակայն մենք կարող ենք ավելին անել։ Անկասկած, եթե ամեն ինչ այդքան հեշտ լիներ, ռասիստական դրսևորումներ չէին լինի, իսկ դրանք հիմա կան։ Ֆուտբոլիստներս, իհարկե, ունենք դիրքորոշում, որ պետք է ամեն ինչ անենք, որ այդ դրսևորումները վերանան։ Պետք չէ ակնկալել, որ ֆուտբոլիստը շարունակելու է հանդիպումն այն պարագայում, երբ տրիբունայից ռասիստական վիրավորանք է հնչում։

Ֆուտբոլը խաղ է, որի շուրջ համախմբվում են մարդիկ։ Ֆուտբոլը պետք  միավորի՝ անկախ կրոնից, մաշկի գույնից ու ծննդյան վայրից։ Մենք պետք է ուրախ լինենք, որ ֆուտբոլ ունենք։

Հարկավոր է միասին վայելել այն 90 րոպեները, որոնց ընթացքում կարող ենք սեր ցուցադրել։ Ֆուտբոլը սեր է, իսկ եթե սեր չկա, ինչի՞ համար խաղալ»,- ասել է Ալաբան։

Կատարե՛ք խաղադրույք Գերմանիայի Բունդեսլիգայի խաղերի վրա:

Միացի՛ր հայկական ամենասպորտային Instagram-ին:


«Դրանք Գրիմ եղբայրների հեքիաթներն են»․ Ռումենիգեն՝ տարածված լուրի մասին

Կոուտինյոն ուզում է ոչ թե տեղափոխվել ՊՍԺ կամ վերադառնալ «Ինտեր», այլ կրկին հանդես գալ ԱՊԼ-ում

«Բավարիան» մտադիր է օգագործել պահն ու գնել տեր Շտեգենին

Նոյերը կարիերան Անգլիայում շարունակելու տարբերակ ունի

Դավիդ Ալաբան ցանկանում է խաղալ Լա լիգայում

«Բավարիան» ու «Մանչեսթեր Սիթին» կարող են աստղային փոխանակում իրականացնել

«100 մլն. եվրո արժեցող տրանսֆերներ չեն լինի 2-3 տարի». «Բավարիայի» նախկին նախագահ

Նոյերի ու «Բավարիայի» բանակցությունները ձախողման են գնում. գերմանացին կարող է հեռանալ Մյունխենից

«Բավարիան», «Բորուսիան», «Լեյպցիգն» ու «Բայերը» 20 միլիոն եվրո կտրամադրեն մյուս թիմերին՝ որպես օգնություն

Բունդեսլիգան ՖԻՖԱ 20-ի մրցաշար կանցկացնի

«Բավարիայի» ֆուտբոլիստները հրաժարվել են իրենց աշխատավարձերի 20%-ից

«Բորուսիայի» ֆուտբոլիստները հրաժարվել են իրենց աշխատավարձի զգալի մասից

«Բավարիան» ցուցադրել է՝ ինչպես են անցկացնում մարզումներն ինքնամեկուսացման պայմաններում (տեսանյութ)

«Բավարիան» կգնի «Ինտերի» ֆուտբոլիստին

Լևանդովսկին իր կնոջ հետ 1մլն եվրո է նվիրաբերել կորոնավիրուսի դեմ պայքարին

Ալաբան շարունակում է հետաքրքրել «Բարսելոնային»․ խնդիրն աշխատավարձի չափն է