fbpx

«Ալաշկերտ» – «Արարատ». Տեղեկություններ, որոնք մարզադաշտ այցելելու առիթ կդառնան

«ԱԼԱՇԿԵՐՏ»  «ԱՐԱՐԱՏ» 

18 խաղ,  +8=4-6, 26:24

12 օգոստոսի, ժ.18:00, Երևան, «Ալաշկերտ»  մարզադաշտ

Մայիսի 31-ին մրցակիցների միջև կայացած նախորդ հանդիպումը 25-րդ առաջնության վերջին ակորդն էր, որ հնչեց «Հանրապետական» մարզադաշտում, որտեղ խաղից հետո տեղի ունեցավ երկրի չեմպիոն «Ալաշկերտի» պարգևատրման հանդիսավոր արարողությունը:

Չեմպիոնի տիտղոսը կրկին նվաճած ալաշկերտցիներն այդ խաղում 4-1 հաշվով վստահ հաղթանակ տոնեցին: Դուբլի հեղինակ դարձած Միհրան Մանասյանը 13 գնդակով հավասարվեց Արտակ Եդիգարյանին ու նրա հետ դարձավ առաջնության լավագույն ռմբարկուն:

Այդ ամենն արդեն անցյալում են, իսկ մրցակիցների նոր մրցավեճից առաջ բավական հետաքրքիր իրավիճակ է ստեղծվել մրցաշարային աղյուսակում: «Ալաշկերտն» իր պատմության մեջ առաջին անգամ առաջնությունը սկսեց պարտությամբ՝ Գյումրիում 1-2 հաշվով զիջելով «Շիրակին», որին նախորդ մրցաշրջանում այդպես էլ չէր հաջողվել հաղթել չեմպիոնին: Ընդ որում այդ խաղում «Ալաշկերտն» առաջինն էր բացել հաշիվը, իսկ գյումրեցիները հաղթական գնդակը խփել էին Արսեն Բեգլարյանի կոպիտ սխալի հետևանքով:

Իսկ ահա նախորդ առաջնության բացահայտ հետնապահ «Արարատը» երկրի փոխչեմպիոն «Գանձասար-Կապանի» հետ մրցավեճում շատերի համար անսպասելի հաճելի անակնկալ մատուցեց իր երկրպագուներին՝ 3-1 հաշվով կամային հաղթանակ տոնելով ու 722 օրվա ընդմիջումից հետո կրկին գլխավորելով մրցաշարային աղյուսակը:

Այն, որ արարատցիները կարողանում են անակնկալներ մատուցել իրենց երկրպագուներին, դեռևս նախորդ մրցաշրջանում դրսևորվեց «Ալաշկերտի»  հետ կայացած առաջին շրջանի խաղում: Մեկնարկային 4 հանդիպումներում ընդամենը մեկ միավոր վաստակած և աղյուսակը եզրափակող «Արարատը»  5-րդ տուրում անսպասելիորեն 3-1 հաշվով պարտության մատնեց 8 միավորով երկրորդ տեղում ընթացող «Ալաշկերտին»:

Դա նախորդ մրցաշրջանում «Ալաշկերտի»  նկատմամբ արարատցիների տոնած միակ հաղթանակն էր: Հաջորդ 5 հանդիպումներում ալաշկերտցիները լիովին վրեժխնդիր եղան առաջնությունում կրած առաջին պարտության դիմաց՝ շահելով խաղերը 17-7 ընդհանուր հաշվով:

«Ալաշկերտի» հետ կայանալիք առաջիկա հանդիպումն արարատցիների համար առանձնահատուկ է ոչ միայն մրցաշարային աղյուսակի տեսանկյունից: Ինչպես հայտնի է, ՊՐՈ արտոնագրի բացակայության պատճառով նոր մրցաշրջանում «Արարատի» ավագ մարզչի կարգավիճակում հայտնված, սակայն գործնականում թիմի գործողությունները ղեկավարող Արկադի Անդրեասյանը ծննդյան 70-ամյակը նշեց:

Կասկածից վեր է, որ արարատցիներն առաջիկա խաղում ամեն ինչ կներդնեն Արկադի Անդրեասյանին հոբելյանի առթիվ հիանալի նվեր մատուցելու համար: Իսկ մարզչի համար ամենամեծ նվերն, իհարկե, իր գլխավորած թիմի հաղթանակն է:

«Ալաշկերտն» էլ այս խաղում խաղադաշտ է դուրս գալու մարտական տրամադրվածությամբ և հաղթելու վճռականությամբ: Այնպես որ սպասվում է բավական հետաքրքիր ու անզիջում մրցապայքար:

Մրցակիցների մրցավեճում բոլորից արդյունավետ է գործել «Ալաշկերտի» բոլոր տարիների լավագույն ռմբարկու Միհրան Մանասյանը, ով 12 անգամ գրավել է արարատցիների դարպասը: Այդ գոլերից 9-ը նա խփել է անցած մրցաշրջանում: Ընդ որում 3-րդ շրջանի խաղում Միհրանը ֆուտբոլային պոկերի հեղինակ էր դարձել:

Արարատցիներից ամենաարդյունավետը թիմի նախկին ավագ Ալեքսանդր Ռակիչն է` դառնալով 6 գոլի հեղինակ:

Աշոտ Հայրապետյան

Հետևե՛ք VNews.am-ին նաև Youtube-ում և Instagram-ում:


Տուրի լավագույն ֆուտբոլիստը և խորհրդանշական հավաքականը․ VNews-ն ամփոփում է ԲԽ-ի 34-րդ տուրը

Ընդամենը 2 թիմ է Գյումրիում հաղթել «Շիրակին», իսկ Դենիս Թումասյանն «Ալաշկերտի» ռեկորդակիրն է

Մարզչական «մենամարտ»․ «Ալաշկերտ» – «Լոռի» հանդիպման մարտավարական վերլուծությունը (տեսանյութ)

Սևադա Արզումանյան․ «Բոլոր թիմերի համար էլ դժվար է խաղացանկի տեսանկյունից, բայց պետք է հարմարվել» (տեսանյութ)

Աբրահամ Խաշմանյան․ «Ես գոհ եմ մեր տարեց ֆուտբոլիստներից, բայց մեզ նաև երիտասարդներ են պետք» (տեսանյութ)

Դենիս Թումասյանի գոլն «Ալաշկերտին» փրկեց պարտությունից «Արցախի» հետ խաղում (տեսանյութ)

«Արարատ-Արմենիան» չհետևեց «Բանանցի» օրինակին և հաղթեց․ չեմպիոնական պայքարը շարունակվում է (տեսանյութ)

«Արցախ» – «Ալաշկերտ»․ Մեկնարկային կազմեր, ուղիղ հեռարձակում (տեսանյութ)

«Շիրակ» – «Արարատ-Արմենիա»․ Մեկնարկային կազմեր, ուղիղ հեռարձակում (տեսանյութ)

«Գանձասար-Կապանն» ապահովեց «Բանանցի» «մղձավանջը»․ VNews-ի ֆոտոշարքը

Իլշատ Ֆայզուլին․ «Սա իմ պարտությունն էր, ոչ թե տղաների» (տեսանյութ)

Արմեն Պետրոսյանը՝ գերվստահ հաղթանակի, նպատակների և «հայի բնավորություն ունեցող» Վբեյմարի մասին (տեսանյութ)

«Գանձասար-Կապանի» ջախջախիչ հաղթանակը «Բանանցի» նկատմամբ (տեսանյութ)

«Փյունիկն» իր առաջիկա մրցակցին արդեն 2 անգամ պարտվել է առաջնությունում․ Ամենահետաքրքիր փաստերը՝ ԲԽ-ի 34-րդ տուրին ընդառաջ

Տուրի լավագույն ֆուտբոլիստը և խորհրդանշական հավաքականը․ VNews-ն ամփոփում է ԲԽ-ի 33-րդ տուրը

«Արարատ-Արմենիայի» ռեկորդներից մեկը մնաց «անսասան», իսկ մյուսը գերազանցեց «Բանանցը»