«Ալաշկերտի» ռեկորդային ցուցանիշներն ու Վբեյմարի՝ ոսկու արժեք ունեցող ինքնագոլը. 10 փաստ՝ 26-րդ տուրի հանդիպումներից - VNews
Բաժիններ

«Ալաշկերտի» ռեկորդային ցուցանիշներն ու Վբեյմարի՝ ոսկու արժեք ունեցող ինքնագոլը. 10 փաստ՝ 26-րդ տուրի հանդիպումներից

Կայացած 3 հանդիպումներով ավարտվել է Հայաստանի Բարձրագույն խմբի առաջնության 26-րդ տուրը:

Ձեր ուշադրությանն ենք ներկայացնում 10 փաստ, որոնք առանձնացել են այս մրցափուլից հետո:

1. 26-րդ տուրի հանդիպումներով մեկնարկեց առաջնության 6-րդ շրջանը: Տուրն անցավ հյուրերի առավելությամբ, որոնք տոնեցին 2 հաղթանակ, մեկ խաղում պարտվեցին: Դաշտի տերերից հաջողությունն ուղեկցեց միայն «Արարատին»: Առաջնության 78 հանդիպումներում դաշտի տերերը հաջողության են հասել 31 խաղում, հյուրերը տոնել են 32 հաղթանակ, 15 խաղում էլ գրանցվել է ոչ-ոքի:

Տուրում խփվեց 4 գոլ: Առաջնության մեկնարկից խփվել է 161 գոլ: Միջին արդյունավետությունը կազմում է 2,06 գոլ մեկ խաղում:

2. «Ալաշկերտը» 5-րդ անընդմեջ հաղթանակը տոնեց ու թիմային նոր ռեկորդ սահմանեց: Մինչ այդ ալաշկերտցիները լավագույն արդյունքը ցույց էին տվել նախորդ մրցաշրջանում՝ 4-7-րդ տուրերում տոնելով 4 անընդմեջ հաղթանակ:

«Ալաշկերտի» ներկայիս արդյունքը՝ 26 հանդիպումներում տոնած 16 հաղթանակ, վաստակած 54 միավոր, ռեկորդային է թիմի պատմության մեջ: Նախորդ մրցաշրջանի 26-րդ տուրից հետո «Ալաշկերտը» 15 հաղթանակ էր տոնել և 52 միավորով գլխավորում էր մրցաշարային աղյուսակը:

Ընթացիկ առաջնությունում ալաշկերտցիները շատ հաջող խաղացին գանձասարցիների հետ նրանց դաշտում՝ հաղթելով 3 հանդիպումներում էլ: Իսկ ահա սեփական հարկի տակ «Ալաշկերտին» այդպես էլ չհաջողվեց պարտության մատնել «Գանձասար- Կապանին»՝ վաստակելով ընդամենը մեկ միավոր:

3. «Գանձասար-Կապանի» 9 անպարտելի խաղերի ռեկորդային շարքն ընդհատվեց: Գանձասարցիներն այդ հանդիպումներում 8 հաղթանակ էին տոնել, մեկ խաղ ավարտել էին ոչ-ոքի: Կապանցիներն առաջնության գարնանային հատվածում առաջին պարտությունը կրեցին: Հետաքրքիր է, որ վերջին անգամ գանձասարցիները խաղադաշտից պարտված էին հեռացել հենց «Ալաշկերտի» հետ անցյալ տարվա նոյեմբերի 27-ին կայացած խաղում:

4. «Փյունիկի» առանց հաղթանակների խաղերի թիվը հասավ 5-ի: Դրանցից 4-ում փյունիկցիները պարտվել են: Վերջին 3 հանդիպումներում փյունիկցիներին չի հաջողվել գրավել մրցակիցների դարպասը: Ընթացիկ առաջնությունում «Փյունիկը» 3-րդ անգամ պարտվեց «Շիրակին»:

5. «Արարատը», որ առաջնության 23 հանդիպումներում ընդամենը մեկ հաղթանակ էր տոնել՝ առավելության հասնելով «Ալաշկերտի» նկատմամբ, վերջին 3 խաղերում երկու հաղթանակ տարավ: Ընթացիկ առաջնությունում երկրորդ անգամ արարատցիներին հաջողվեց 3 անընդմեջ խաղում գոլ խփել: Առաջին անգամ դա նրանց հաջողվել էր 14-16-րդ տուրերում:

«Արարատին» վերջապես հաջողվեց հաղթել «Բանանցին», որին վերջին անգամ պարտության էր մատնել 2012թ. հոկտեմբերի 27-ին՝ սեփական հարկի տակ առավելության հասնելով 1-0 հաշվով: Դրանից հետո կայացած առաջնության հաջորդ 19 հանդիպումներում արարատցիներին չէր հաջողվել հաղթել «Բանանցին»:

6. Արդեն 5 խաղ է, ինչ «Բանանցը» չի կարողանում հաղթանակ տոնել: Վերջին անգամ թիմը հաջողության էր հասել մարտի 31-ին «Արարատի» հետ խաղում: Թիմի ֆուտբոլիստների մոտ գոլային երաշտը շարունակվեց և հասավ 473 րոպեի:

18278551_1313822918670731_3841102987270461049_o

7. Դավիթ Մինասյանը բացեց գոլերի հաշիվն «Արարատում», իսկ Վիուլեն Այվազյանը վերջապես գոլի հեղինակ դարձավ առաջնության գարնանային հատվածում՝ խփելով ընթացիկ առաջնությունում 8-րդ գնդակը:

8. Անգուլո Վբեյմարը դարձավ ընթացիկ առաջնությունում «Գանձասար-Կապանի» և «Ալաշկերտի» միջև կայացած հանդիպումներում գրանցված 4-րդ ինքնագոլի հեղինակը, որն իրոք ոսկու արժեք ուներ: Մինչ այդ գանձասարցիներից սեփական դարպասը գրավել էին Գրիգոր Մելիքսեթյանն ու Արա Խաչատրյանը, իսկ ալաշկերտցիներից աչքի էր ընկել Արտակ Գրիգորյանը:

Վբեյմարը գանձասարցիների կազմում 46-րդ հանդիպումն անցկացրեց և ընդգրկվեց թիմի կազմում բոլորից շատ խաղերի մասնակցած լեգեոնականների տասնյակում: Այդ ցանկը գլխավորում է վրացի դարպասապահ Լևան Բուբուտեիշվիլին, ով 92 խաղում պաշտպանել է «Գանձասար-Կապանի» դարպասը:

9. Ռումյան Հովսեփյանը, ով նախորդ տուրում 11մ հարվածով գրավել էր «Գանձասար-Կապանի» դարպասը, այս անգամ չկարողացավ հաղթող դուրս գալ փյունիկցի Վալերի Ոսկոնյանի հետ մենամարտում: Վերջինս ընթացիկ առաջնությունում առաջին անգամ հետ մղեց 11մ հարվածը:

Ընթացիկ առաջնությունում «Շիրակը» 11մ 4 հարվածներից դիպուկ է իրացրել միայն 2-ը: 8-րդ տուրում «Արարատի» հետ խաղում 11մ հարվածը չէր իրացրել Դավիթ Հակոբյանը:

10. Շիրակցի Անատոլի Այվազովն ընթացիկ առաջնությունում դարպասը 13-րդ անգամ անառիկ պահեց: Այդ ցուցանիշով նա զիջում է միայն գանձասարցի Գրիգոր Մելիքսեթյանին, ով 14 խաղում գոլ բաց չի թողել:

Աշոտ Հայրապետյան

Միացի՛ր հայկական ամենասպորտային Instagram-ին:


Արսեն Պետրոսյան․ «2 թիմերի համար էլ դժվար էր դադարից հետո միանգամից մտնել խաղային ռիթմի մեջ» (տեսանյութ)

«Արարատը» նվազագույն հաշվով հաղթեց «Ուրարտուին» (տեսանյութ)

«Արարատ» – «Ուրարտու»․ Մեկնարկային կազմեր, ուղիղ հեռարձակում (տեսանյութ)

«Ուրարտուն» հանդես կգա ակցիայով «Արարատի» հետ խաղում (լուսանկար)

Անհաշտ պայքար, բազմաթիվ գոլային պահեր, մեկ դիպուկ հարված․ VNews-ի ֆոտոշարքն «Ալաշկերտ» – «Նոա» խաղից

«Նոան» Մայրովիչի գոլի շնորհիվ հաղթեց «Ալաշկերտին» (տեսանյութ)

«Ալաշկերտ» – «Նոա»․ Մեկնարկային կազմեր, ուղիղ հեռարձակում (տեսանյութ)

«Լոռին» հաղթեց «Շիրակին» արտագնա խաղում (տեսանյութ)

Հայաստանի վերսկսված առաջնության առաջին գոլը (տեսանյութ)

Խոակին Կապառոսը Իսպանիայից հետևում է «Շիրակ» – «Լոռի» հանդիպմանը (լուսանկար)

«Շիրակ» – «Լոռի»․ Մեկնարկային կազմեր, ուղիղ հեռարձակում (տեսանյութ)

Բարձրագույն խումբ. Ինչ կորուստներով են թիմերը վերադառնում առաջնություն (տեսանյութ)

Չեմպիոնի և փոխչեմպիոնի սկզբունքային խաղը․ Ամենաուշագրավ փաստերը՝ ԲԽ 18-րդ տուրին ընդառաջ

«Ես առաջին անգամ ձյուն տեսա, ինքս էի լվանում մարզահագուստս». Հեբեր Արաուխոն հիշել է «Ալաշկերտում» անցկացրած օրերը

Արսեն Բեգլարյանը ընկերական խաղում ապշեցուցիչ կրկնակի սեյվ է կատարել (տեսանյութ)

«Շիրակը» և «Լոռին» դեմ են արտահայտվել Բարձրագույն խմբի ձևաչափը փոխելու տարբերակին