Ալեքսանդր Կարապետյան. «Օրհներգը երգելիս շփոթվեցի ու ամեն ինչ մոռացա»

Հայաստանի հավաքականի ու «Տամբովի» հարձակվող Ալեքսանդր Կարապետյանը հարցազրույց է տվել SovSport-ին, որում նաև խոսել է ազգային ընտրանու մասին:

«Հավաքականում խփած յուրաքաչյուր գոլ ավելի էմոցիոնալ ես ընդունում: Չէ՞ որ պաշտպանում ես քո երկրի գույները: Հավաքականին հետևում են միլիոնավոր հայեր ամբողջ աշխարհից: Հաջող հանդիպումներից հետո քեզ սկսում են գրել Արգենտինայից, Մեքսիկայից, Լոս-Անջելեսից, Կանադայից: Դա շատ է ուրախացնում:

Ամենաշատը հիշվել է աշնանը Իտալիայի հավաքականի դարպասը խփած գոլը: Դրանից հետո ամբողջ աշխարհի հայերը հիշեցին ինձ: Ամեն մեկը չէ, որ Իտալիային գոլ է խփում: Այդ խաղում նաև կարմիր քարտ ստացա:

Այո՛, այո՛, խոստացել էի սովորել օրհներգի բառերը, ճիշտ է՝ երգելիս մի փոքր շփթովեցի ու ամեն ինչ մոռացա: Բայց գլխավորն այն է, որ տեսախցիկը ցույց տվեց, որ շարժում եմ բերանս:

Բայրամյա՞նն ու Կորյա՞նը, նրանք նաև հիանալի տղաներ են: Մենք ընկերացանք: Բայրամյանի հետ նույն սենյակում էինք: Այնտեղ մի լավ ծիծաղում էինք: Ծաղրում էինք միմյանց: Հիանալի էր: Կորյանը հիանալի ֆուտբոլիստ է: Նա ինձ հետ էր խաղում, փոխանցումներ կատարում: Խադաշտում իրար լավ էինք հասկանում:

Մխիթարյա՞նը, նա ասաց, որ դեռևս պատրաստ չէ: «Ռոմայի» հետ պայմանագիր էր ստորագրում: Սպասում ենք նրան հոկտեմբերին»,-ասել է Կարապետյանը:

Հաղթանակի բերկրանքը. Հայաստանի հավաքականի հանդերձարանը՝ Էստոնիային հաղթելուց հետո (տեսանյութ)

Միացի՛ր հայկական ամենասպորտային Instagram-ին: