Անչելոտին հերթական աստղին է ցանկանում «փախցնել» «Ռեալից»

Կառլո Անչելոտիի խնդրանքով «Էվերթոնը» գնեց «Ռեալի» կիսապաշտպան Խամես Ռոդրիգեսին, ու կոլումբացին ավելի քան գոհացնող ֆուտբոլ է ցուցադրում Պրեմիեր լիգայում:

Ինչպես տեղեկացնում է AS-ը, իտալացի մասնագետը «Ռեալի» ևս մեկ ֆուտբոլիստի հետ վերամիավորվելու ծրագիր ունի: Աղբյուրի փոխանցմամբ՝ այս անգամ Անչելոտին «Էվերթոնում» է ցանկանում տեսնել Իսկոյին, որը վերջին ժամանակներում պահեստային ֆուտբոլիստ է դարձել, ու Զիդանը մեծ հույսեր չի կապում նրա հետ:

«Իսկոն հրաշալի ֆուտբոլիստ է, ես ֆանտաստիկ հիշողություններ ունեմ նրա հետ կապված: Իհարկե, այս պահին ես չեմ մտածում տրանսֆերների մասին, քանի որ կենտրոնացած եմ մեր առաջիկա խաղերի վրա», – ասել է Անչելոտին:

Միացի՛ր հայկական ամենասպորտային Instagram-ին: