Աննախադեպ. Նադալն ու Ֆեդերերը կարող են խաղալ «Սանտիագո Բեռնաբեու» մարզադաշտում

Ինչպես տեղեկացնում է ABC պարբերականը, «Ռեալի» նախագահ Ֆլորենտինո Պերեսը ծրագրում է թենիսի հանդիպում անցկացնել Ռաֆայել Նադալի և Ռոջեր Ֆեդերերի միջև «Սանտիագո Բեռնաբեու» մարզադաշտում:

Եթե այդպիսի հանդիպում կայանա «Արքայական ակումբի» տնային մարզադաշտում, ապա կգրանցի բոլոր ռեկորդները հանդիսականների թվով: Այս պահին ռեկորդային է համարվում 2010 թվականին Բրյուսելում կայացած հանդիպումը Սերենա Վիլյամսի և Կիմ Կլեյստերսի միջև, որին ներկա էր 35.681 հանդիսական:

Նշվում է, որ Ֆլորենտինո Պերեսի մոտ այս գաղափարը նոր չէ, պարզապես այժմ իսպանացին պատրաստ է լուրջ քայլեր ձեռնարկել այն իրագործելու համար:

Միացի՛ր հայկական ամենասպորտային Instagram-ին: