«Անորսալի վրիժառուները»․ Վրեժխնդրության 5 դեպք համաշխարհային ֆուտբոլում - VNews
Բաժիններ

«Անորսալի վրիժառուները»․ Վրեժխնդրության 5 դեպք համաշխարհային ֆուտբոլում

Ֆուտբոլիստների մեծամասնությունը, եթե չասենք ավելին, շատ հիշաչար է ու վրեժով լցված։ Յուրաքանչյուր խաղացողի համար դաշտում տեղ ունեցող 90 րոպեանոց դիմակայությունը մի ամբողջ կյանք է։ Ֆուտբոլիստներից ոմանք դուրս են գալիս խաղադաշտ, բառի բուն իմաստով ապրում այդ 90 րոպեները առանձին կյանքով, հետո դուրս են գալիս հանդերձարանից ու դառնում նորից նույն բարի ու կամեցող մարդը։

Սակայն եղել են ու առ այսօր լինում են դեպքեր, երբ հանդիպման ընթացքում կաշվե գնդակի վարպետները հունից դուրս են գալիս, բախվում ու վիճում են մրցակցի հետ։ Շատերը չեն մոռանում մրցակցի այս կամ այն արարքն ու մտածում վրեժխնդրության մասին։ Որոշները վրեժը լուծելու համար սպասում են 6 ամիս, ոմանք էլ՝ անգամ 6 վայրկյան։

1․ Մեսի VS Ռոնալդու

Իսպանիայի առաջնության 2016/2017 մրցաշրջանում «Բարսելոնան» չկարողացավ նվաճել առաջնության ոսկե մեդալները։ Այդ անգամ ներքին առաջնությունում ուժեղ էր «Ռեալը»։ Չօգնեց անգամ «Կլասիկոյում» «սերուցքայինների» նկատմամբ Մադրիդում տարած հաղթանակը։ Երկրորդ շրջանի գերդրամատիկ ու գերլարված այդ խաղի ելքը վճռեց Լիոնել Մեսին։ Արգենտինացին խաղի ավարտից վայրկյաններ առաջ փայլուն հարվածով հաղթանակ պարգևեց իր թիմին։ Գոլից հետո Լեոն ցուցադրաբար հանեց իր մարզաշապիկն ու այն պահեց «Ռեալի» երկրպագուների առաջ։

Հաջորդ «Կլասիկոյին» պետք էր սպասել մի քանի ամիս։ Թիմերն առերեսվեցին Իսպանիայի Սուպերգավաթի խաղարկությունում։ Երկխաղյա դիմակայություն առաջին ռաունդում կրակ վառվեց միայն խաղի վերջում։ 80-րդ րոպեին փոխարինման դուրս եկած Կրիշտիանու Ռոնալդուն դարձավ փայլուն գոլի հեղինակ։ Վայրկյաններ անց նա հանեց շապիկն ու պահեց «Կամպ Նոու» մարզադաշտի երկրպագուների առաջ՝ պատասխանելով Լեո Մեսիին։

2․ Ռոյ Քին VS Ալֆ-Ինգե Հոլանդ

Եթե մեկը կգտնվի, որ կասի՝ Ռոյ Քինն օրինակելի և կարգապահ ֆուտբոլիստ է, ուրեմն․․․ի՞նչ կարող ենք ասել։ Ուրեմն Դուք ուրիշ ֆուտբոլ եք նայել։ Իռլանդիայի հավաքականի լեգենդար կիսապաշտպանը երբեք աչքի չի ընկել կարգապահությամբ կամ մրցակիցների նկատմամբ հարգանքով։ Բայց եկեք հենց սկզբից նրա վրա քար կշպրտենք, որովհետև եղել են դեպքեր, որոնք ունեցել են նախապատմություն։

Ռոյ Քինն իր կարիերայի ընթացքում շատ ֆուտբոլիստների է ստիպել տառապել։ Ամենատառապյալն այդ տեսանկյունից Նորվեգիայի հավաքականի անդամ Ալֆ-Ինգե Հոլանդն է։ Սկանդինավ ֆուտբոլիստը տխուր փորձ է ունեցել 1997-ին «Լիդս» – «Մանչեսթեր» խաղի ժամանակ վնասվածք հասցնել Ռոյ Քինին, հետո մոտենալ ընկած մրցակցին ու հորդորել սիմուլացիա չանել ու ոտքի կանգնել: Նորվեգացին փոքր-ինչ չափազանցրել էր. Ռոյ Քինը կտրել էր ծնկի խաչաձև կապանները:

Ավելի քան 10 ամիս է պահանջվել Ռոյ Քինին վերականգնվելու համար: Ի վերջո, երբ Քինը նորից խաղադաշտ է վերադարձել, Հալանդն արդեն խաղում էր «Մանչեսթեր Սիթիում»: Մանկունյական հաջորդ դերբում, Ռոյ Քինը լուծել է վրեժը՝ սարսափելի վնասվածք հասցնելով մրցակցին: Հալանդն այս դրվագից հետո ավարտեց ֆուտբոլիստի կարիերան:

Միացի՛ր հայկական ամենասպորտային Instagram-ին:

1 2 3

«Եթե դառնանք չեմպիոն․․․»․ «Ռեալը» դիմել է իր երկրպագուներին

«Սիթին» ներխուժում է տրանսֆերային շուկա․ 4 ֆուտբոլիստներ, որոնք կարող են համալրել թիմը

«Ռեալի»՝ հաջորդ մրցաշրջանի հավանական մարզաշապիկի դիզայնը փոխվել է (նկար)

Կլոպը նույնպես կոշտ է արձագանքել «Մանչեսթեր Սիթիի» գործի վերաբերյալ

Մոուրինյոն՝ «Մանչեսթեր Սիթիի» գործի մասին. «Խայտառակ որոշում»

«Բարսելոնան» Կոուտինյոյին առաջարկել է 2 անգլիական ակումբի

«Ի՞նչ է ասել, ի վերջո, Մատերացին Զիդանին». Լեգենդար դրվագը 14 տարեկան է

Ռեշֆորդը՝ եվրոպական գրանդի գլխավոր թիրախ

«Բարսելոնան» պաշտոնապես ներկայացրեց տնային մարզաշապիկը (լուսանկարներ)

Մեսին ու Չավին կհանդիպեն

Թվեք «Բարսելոնայի» բոլոր խաղացողներին, որոնց Մեսին երբևէ ասիստ է արել Լա Լիգայում

Գարեթ Բեյլը կարող է «Ռեալից» հեռանալ անվճար

Ռամոս. «Հույս ունեմ, որ հինգշաբթի «Ռեալը» կկարողանա տոնել չեմպիոնությունը»

Ոստիկանությունը գործ է բացել Ռոնալդուի որդու նկատմամբ (լուսանկար)

«Ռեալը» հաղթեց «Գրանադային» ու ավելի մոտեցավ չեմպիոնությանը (տեսանյութ)

«Յունայթեդը» սայթաքեց՝ ավելացված ժամանակի 7-րդ րոպեին գնդակ բաց թողնելով (տեսանյութ)