#Ապրող_ֆոտոներ_15. Յուրա Մովսիսյանի ամենահայտնի նկարն ու սարսափելի քամին - VNews
Բաժիններ

#Ապրող_ֆոտոներ_15. Յուրա Մովսիսյանի ամենահայտնի նկարն ու սարսափելի քամին

Գրեթե միշտ, երբ որևէ բառ կամ էմոցիա չես կարողանում արտահայտել, դրա փոխարեն ցույց ես տալիս ինչ-որ լուսանկար, որն առավել քան խոսուն է: Ֆոտոլրագրողները, սովորաբար, կարողանում են ֆիքսել այնպիսի լուսանկարներ, որոնք լավագույնս արտահայտում են այն, ինչ տեղի է ունեցել այդ դրվագում: Ֆուտբոլային պատմության մեջ շատ են եղել հանդիպումներ, որոնք իրենցով հիշվող չեն, կամ էլ դրանց արդյունքը ոչ մի նշանակություն չի ունեցել, սակայն այդ խաղից հիշվող է դարձել որևէ լուսանկար:

VNews.am-ը շարունակում է իր նոր՝ #Ապրող_ֆոտոներ շարքը նաև 2019-ին: Մենք ամեն անգամ փորձելու ենք անդրադարձ կատարել լուսանկարներին, որոնք դուք միանշանակ տեսել եք: Դրանք իրենց մեջ շատ հաճախ պարունակում են այնպիսի գաղտնիքներ կամ պատմություններ, որոնց մասին քչերը գիտեն:

2010 թվականի օգոստոսին Հայաստանի ազգային հավաքականը համալրեց հարձակվող, որին այդքան բոլորը սպասում էին. արագաշարժ, գոլային հրաշալի հոտառությամբ ու ոչ ստանդարտ մտածողությամբ: Յուրա Մովսիսյանն անմիջապես մերվեց մեր ընտրանուն, գերազանց հարաբերություններ ձևավորեց տղաների հետ, և, ինչն ավելի կարևոր է, սկսեց գոլեր խփել: Նրա առկայությունը տղաներին յուրահատուկ վստահություն ներշնչեց. առջևում կա ֆուտբոլիստ, որը կարող է մարդավարի եզրափակել թիկունքից/կողքից եկող փոխանցումները:

Նրա շնորհիվ մեր հավաքականը զգալի առաջընթաց գրանցեց: Եվրո 2012-ի ընտրական մրցաշարում մերոնք միայն որոշ ոչ պրոֆեսիոնալ մարդկանց (Իտուրալդե & Co) պատճառով դուրս չեկանք գլխավոր մրցաշար: Մարզական մի շարք հեղինակավոր մարզական պարբերականներ Յուրա Մովսիսյան ընդգրկել էին ամփոփիչ խորհրդանշական հավաքականում: Յուրան աչքի էր ընկել 4 գոլով ու 5 գոլային փոխանցմամբ: Հզոր էր:

Նրա՝ հավաքական հրավիրվելուց ի վեր Հայաստանի հավաքականն անցկացրել է 5 ընտրական մրցաշար, որոնց մեծ մասին Յուրան մասնակցել է: Բնականաբար, պաշտոնական հանդիպումների միջակայքում մերոնք իրենց ուժերն էին ստուգում ընկերական հանդիպումների ժամանակ: Կարելի է ասել հերթական անգամ մեր թիմը պետք է մրցեր Բելառուսի հետ: Լեփ լեցուն տրիբունաներ, բազում ֆոտոլրագրողներ ու պոտենցիալ լավ լուսանկարներ: Որոնցից մեկն էլ մեր այսօրվա խորագրի զարդն է:

Բելառուսի հետ հանդիպումը պիտի վերջինը լիներ Մունդիալ 2014-ի ընտրական մրցաշարի մեկնարկից առաջ: Օգոստոս ամիսն էր: Իդեալական ֆուտբոլային եղանակ՝ ֆուտբոլային երեկոն հաղթանակով եզրափակելու համար: Խաղի ընթացքում որպես ֆոտոլրագրող աշխատող Գևորգ Ղազարյանը (չշփոթել ազգային թիմի խաղացող Գևորգ Ղազարյանի հետ) այս լուսնակարն այդ խաղի գլխավոր ձեռքբերումն է համարում:

«Հավաքականը պարտվեց մի խաղում, որտեղ պետք է հաղթեր առնվազն մի քանի գնդակի առավելությամբ: Խաղի ընթացքում էլ ուժգին քամի սկսվեց, հիշում եմ: Բայց մեզ չխանգարեց լավ աշխատանք անելու համար: Ամեն եղանակի էլ կարելի է գժական նկարել», – մեզ հետ զրույցում ասաց Գևորգը:

Եվ իրոք, հանդիպման մեկնարկում մեր տղաները պարզապես ֆանտաստիկ տեսք ունեին. Բելառուսը փրկվում էր միայն ինչ-որ գերբնական անհավանական ուժի շնորհիվ: Խաղի ընթացքում գրոհում էինք մենք, բայց գոլ խփեցին (ընդ որում՝ երկուսը) նրանք: Մերոնք մրցակցի «կախարդված» դարպասը միայն մեկ գնդակ ուղարկեցին, այն էլ մրցակցի ջանքերով ու պարտվեցին 1-2 հաշվով:

Ի դեպ

  • Հիշյալ խաղի ընթացքում գրանցվեցին իրադարձություններ, որոնց ամեն օր ականատես չես լինի:
  • Օրինակ խաղը վերջնամասում ստադիոնի լույսերն անջատվեցին: Մի քանի լոպե ստադիոնում լուսավորություն բացարձակ չկար: Երկրպագուները միացրեցին բջջայինների լույսերը: Այնպիսի տպավորություն էր, որ Հանրապետական ստադիոնում ոչ թե ֆուտբոլ էր, այլ Անդրեի համերգը:
  • Կամ էլ օրինակ, հանդիպման ընթացքում այնպիսի հուժկու քամի բարձրացավ, որ մարզադաշտի երեսից բառի ուղիղ իմաստով սրբեց տարավ խաղի օպերատոր Տաճատ Եսայանին:
  • Յուրա Մովսիսյանի այս լուսանկարը համացանցում առաջացրեց մեծագույն աղմուկ, որն առնչվում է հեղինակային իրավունքների խախտմանը: Եղան մեդիա բազում հանդիպումներ ու քննարկումներ, որոնք փորձում են բացառել նման երևույթները Հայաստանում, սակայն Գևորգ Ղազարյանի պայքարը դրա դեմ չի ավարտվել դեռևս:

Խաղից հետո լուսանկարը հայտնվեց Յուրա Մովսիսյանի մոտ: Հայ հարձակվողն այն տեղադրեց իր սոցիալական ցանցերում: Գևորգը որոշեց ազգային հավաքականի հաջորդ տնային խաղին պատրաստված գնալ: Խաղի նախորդ օրը լուսանկարի հերոսն ու լուսանկարիչը հանդիպեցին: Նվերը հանձնվեց: Բոլորն ուրախ էին:

Հայաստանի հավաքականի վերջին նորությունները

Միացի՛ր հայկական ամենասպորտային Instagram-ին:


Խոակին Կապառոս.«Կցանկանայի, որպեսզի մեր թիմերում ավելի շատ հայ ֆուտբոլիստներ խաղային»

Վարազդատ Հարոյանը շուտով խաղադաշտ վերադառնալու հույս է հայտնել

Կարապետյան․ «Յուրգեն Կլոպը Հայաստանի հավաքականի համար իդեալական մարզիչ կլիներ»

Արմեն Շահգելդյանը՝ Հայաստան – Մակեդոնիա 1995թ․ կայացած խաղի մասին (տեսանյութ)

Մխիթարյան․ «Համաձայն չեմ, թե մենք թույլ ենք թիմային մարզաձևերից»

«Արշակ Կորյանը ընդունել է Հայաստանի հավաքականի հրավերը, Բայրամյանը մտածելու ժամանակ է խնդրել». Նոբել Առուստամյան

Bleacher Report-ը տեսանյութ է ներկայացրել, որտեղ Սարկիսովը գրավում է Յուրչենկոյի դարպասը (տեսանյութ)

Բալեկյանը մինչ օրս սխալ է օգտագործվել հավաքականում․ Որոնք են Նորբերտոյի լավագույն խաղային որակները

Սողոմոնյան. «Ուժեղ լեգեոներներ այլևս շատ չեն լինի, հույս ենք դնելու մեր երիտասարդ ֆուտբոլիստների վրա»

Կապառոս. «Իմ նպատակը Հայաստանի հավաքականին մինչև Քաթար հասցնելն է»

Հենրիխ Մխիթարյանն ուղիղ եթերում կապ կհաստատի Հայաստանի տարբեր գյուղերի երիտասարդների հետ

Կարապետյանը՝ Բոնուչիի հետ զրույցի, Մխիթարյանին «Սոչի» բերելու ու իր նոր պայմանագրի մասին

Էրիկ Վարդանյանն ասել է՝ երբ կկարողանա վերադառնալ նորմալ մարզումներին

Հայաստանի հավաքականի 2 նախկին ֆուտբոլիստ տեղ է գտել «Զենիթի» ներկայացրած խորհրդանշական հավաքականում

Հարոյանն ասել է՝ որն է մրցաշրջանը շարունակելու ամենահարմար ժամանակահատվածը

Վարազդատ Հարոյանն ասել է՝ ով է պաշտպաններից իր համար օրինակ հանդիսացել