fbpx
Բաժիններ

#Ապրող_ֆոտոներ_25. «Անկասելի առյուծները», Ռոժե Միլան ու լեգենդար պարը (լուսանկար, տեսանյութ)

Գրեթե միշտ, երբ որևէ բառ կամ էմոցիա չես կարողանում արտահայտել, դրա փոխարեն ցույց ես տալիս ինչ-որ լուսանկար, որն առավել քան խոսուն է: Ֆոտոլրագրողները, սովորաբար, կարողանում են ֆիքսել այնպիսի լուսանկարներ, որոնք լավագույնս արտահայտում են այն, ինչ տեղի է ունեցել այդ դրվագում: Ֆուտբոլային պատմության մեջ շատ են եղել հանդիպումներ, որոնք իրենցով հիշվող չեն, կամ էլ դրանց արդյունքը ոչ մի նշանակություն չի ունեցել, սակայն այդ խաղից հիշվող է դարձել որևէ լուսանկար:

VNews.am-ը շարունակում է իր նոր՝ #Ապրող_ֆոտոներ շարքը նաև 2019-ին: Մենք ամեն անգամ փորձելու ենք անդրադարձ կատարել լուսանկարներին, որոնք դուք միանշանակ տեսել եք: Դրանք իրենց մեջ շատ հաճախ պարունակում են այնպիսի գաղտնիքներ կամ պատմություններ, որոնց մասին քչերը գիտեն:

1990 թվականի աշխարհի առաջնությունը երկրպագուների վարկածով լավագույնն է Մունդիալների պատմության մեջ: Հանդիպումները, դրանց ընթացքում արտահայտած հույզերը, երկրպագուների ապրումներն ու ֆուտբոլիստների արցունքներն ապահովեցին այնպիսի էմոցիոնալ դաշտ, որի բարի պտուղները քաղում ենք առ այսօր: Պոլ Գասկոյնի ու Դիեգո Մարադոնայի արցունքները, անգլիացիների հրաշալի խաղը, բրազիլացիների ֆիասկոն…հիշելու շատ բան կա: Բայց մեծամասնության կարծիքով Մունդիալ 90-ի ամենահիշվող թիմը Վալերի Նեպոմնյաշչիի գլխավորած Կամերունի հավաքականն էր:

Մրցաշարի մեկնարկից առաջ որևէ մեկը չէր սպասում, որ «սև մայրցամաքի» ներկայացուցիչները կհասնեին տպավորիչ արդյունքի: Հավաքականում ընդգրկված ֆուտբոլիստներն առանձին, անհատապես եղանակ լուծող ֆուտբոլիստներ էին, մեծամասնությունը խաղում էր արտերկրում, սակայն չկար այն առաջատարը, այն միակ ֆուտբոլիստը, որը կլիներ առաջամարտիկը, իր հետևից կտաներ թիմը: Եվ այստեղ օգնության ձեռք մեկնեց երկրի նախագահն ու զանգահարեց Ռոժե Միլային:

1990 թվականին Ռոժե Միլան արդեն 38 տարեկան էր ու ավարտել էր ելույթներն ազգային ընտրանու կազմում, երբ նրա հեռախոսի մեջ լսվեց երկրի նախագահի ձայնը: «Ռոժե, մենք, մեր ազգը, մեր հավաքականն ու Կամերունն ունենք քո կարիքը, դու պետք ես»: Այս խոսքերից հետո անհնար էր ասել «ոչ»: Այդպես 38 տարեկանում Ռոժե Միլան ընդունեց Նեպոմնյաշչու՝ հավաքականին միանալո հրավերն ու երիտասարդ թիմակիցների հետ մեկնեց Իտալիա: Մարզչական շտաբին էլ ոչինչ պետք չէր. թիմն ուներ Ռոժե Միլա:

Մունդիալի առաջին իսկ խաղում «առյուծների» մրցակիցը աշխարհի չեմպիոնի տիտղոսը պաշտպանող Արգենտինայի հավաքականն էր: Աֆրիկացիները Մամ-Բիյիկի գոլի շնորհիվ տապալեցին Մարադոնայի թիմին: Միլան իր հնարավորությունը ստացավ Ռումինիայի հետ 2-րդ տուրի խաղում: Թիմին հաղթանակ էր պետք, Միլան դուրս եկավ խաղադաշտ՝ խաղը փրկելու: 76-րդ և 86-րդ րոպեներին նրա խփած գոլերը դարձան հաղթական:

Սակայն կամերունցի գոլահարի աստղային ժամը 1/8 եզրաակիչի Կոլումբիայի հետ խաղն էր: Դարձյալ դուրս գալով փոխարինման՝ Միլան բեկեց հանդիպման ընթացքը: Լրացուցիչ ժամանակում նա կերտեց պատմություն: 106-րդ րոպեին նա առաջ մղեց իր թիմին ու անմիջապես շտապեց անկյունային դրոշակի մոտ ու սկսեց պարել՝ առաջացնելով երկրպագուների բուռն ու, ամենակարևորը, դրական արձագանքը:

Ուղիղ 2 րոպե անց նա խփեց նաև իր թիմի երկրորդ գոլը, իսկ գործողությունների հաջորդականությունը պահպանվեց. դարձյալ վազք դեպի անկյունային դրոշակ, տարօրինակ ազգային պար: Մունդիալի ավարտից հետո այն դարձավ իսկական հիթ, իսկ Միլան՝ հերոսացավ: Ովքեր չեն տեսել այն՝ խնդրեմ: Վիզուալ դա տեսնելը լրիվ ուրիշ հաճույք է:

Ի դեպ.

  • 1990-ի Մունդիալում Կամերունը հասավ քառորդ եզրափակիչ, որտեղ պարտվեց Անգլիային (Միլան դուրս եկավ փոխարինման)
  • Ռոժե Միլան Կոլումբիայի հավաքականի դարպասը գրավելու պահին 38 տարեկան էր. դա ԱԱ պատմության ռեկորդ էր 
  • 4 տարի անց՝ 1994-ի աշխարհի առաջնությանը, Միլան դարձյալ գոլ խփեց՝ թարմացնելով իր իսկ ռեկորդը
  • Շատերի վարկածով՝ պարը նմանություն ունի «Մակոսու» անունը կրող կամերունական պարի հետ, սակայն Ռոժե Միլան այն հորինել է ինքնորույն: 
  • Նրա իրական անունը Ալբերտ Ռոժեր Մու Միլեր է: 
  • 2007-ին Աֆրիկայի Ֆուտբոլի Կոնֆեդերացիան Միլային ճանաչել է մայրցամաքի՝ վերջին 50 տարվա լավագույն ֆուտբոլիստ: 

Հետևե՛ք VNews.am-ին նաև Youtube-ում և Instagram-ում:


Ռոբերտո Սոսա. «Նապոլիի» 10 խաղահամարը երբեք չէի տա Խամեսին»

33 տարի առաջ Մարադոնան խփեց իր սուպերգոլերից 2-ը, որոնցից մեկը՝ ձեռքով (տեսանյութ)

Լավագույն 4 ֆուտբոլիստները պատմության մեջ՝ ըստ Մբապեի

Մեսին Մարադոնայից 2 անգամ ավելի շատ է գոլ խփել հավաքականում

Մարադոնա. «Նույնիսկ Տոնգայի հավաքականը կարող է հաղթել Արգենտինային»

Ո՞ւմ շնորհանդեսն է եղել ամենամարդաշատը ֆուտբոլի պատմության մեջ

Կամերունի հավաքականը 11 գոլ է խփել իսպանական թիմին

Մարադոնա. «Եթե ՄՅՈւ-ին մարզիչ է պետք, ես պատրաստ եմ»

#Ապրող_ֆոտոներ_20․ Ֆրանկ Ռայկարդի «թանկարժեք» թուքն ու Ռուդի Ֆյոլերը

Ինչպես է աճել պատմության լավագույն գոլահարների արդյունքը՝ տարիքի հետ զուգընթաց (ինֆոգրաֆիկա, տեսանյութ)

#Ապրող_ֆոտոներ_16. Արտասվող Պոլ Գասկոյնն ու Մունդիալների պատմության լավագույն խաղը (լուսանկար, տեսանյութ)

Մարադոնա․ «Արգենտինայի այս թիմն իրավունք չունի կրել հավաքականի մարզաշապիկը»

10 ֆուտբոլիստ, որ արժանացել է մրցակցի երկրպագուների ծափահարություններին

Կապելո. «Ֆուտբոլի պատմության մեջ 3 հանճար կա»

Մարադոնա. «Մենք հպարտանում ենք Մեսիով, բայց Ռոնալդուն կախարդ է»

Սըր Ալեքս Ֆերգյուսոնը ընտրություն է կատարել Մեսիի ու Մարադոնայի միջև