fbpx
Բաժիններ

Արա Պողոսյան. «Մտադիր ենք փոփոխել Ա լիգայի ձևաչափը՝ կապված հայ խաղացողների հետ»

Բասկետբոլի Ա լիգայի նախագահ Արա Պողոսյանը մամուլի ասուլիսի ժամանակ ամփոփեց 2018/19 մրցաշրջանը՝ խոսելով առկա խնդիրների և առաջիկա ծրագրերի մասին:

«Սպասում էինք ավելի հետաքրքիր առաջնություն, քան նախորդ տարի: Թիմերի քանակը նվազեցրեցինք, որպեսզի պայքարն ավելի թեժ լիներ: Բայց այսքան լեգեոներներ ու թիմերի կողմից այսպիսի բյուջեներ չէինք ակնկալում: Հատկապես կիսաեզրափակիչ դուրս եկած 4 թիմերը առավել շատ աշխատեցին ու ցույց տվեցին բարձր կազմակերպվածություն:

Այնուամենայնիվ, «Արագածը» իր կազմով գերազանցում էր մյուս թիմերին, գուցե նաև բյուջեով: Կարծում եմ՝ 1-2 համալրման դեպքում այս թիմը կարող է ելույթ ունենալ նաև եվրագավաթներում:

Որոշեցինք վերականգնել նաև Հայաստանի գավաթը, որի դեպքում կարևորում էինք ձևաչափը՝ 3 հայ խաղացող խաղահրապարակում: Այստեղ էլ հաղթեց «Ուրարտու Վիվառոն»:

Ցանկություն կա փոխելու ձևաչափը՝ կապված հայ խաղացողների հետ: Ցավոք, մեր հայազգի բասկետբոլիստները շատ քիչ են: Գուցե կանոն մտցնենք, որ 2 հայազգի բասկետբոլիստներ միշտ լինեն խաղահրապարակում: Ու տարօրինակ է, բայց հայազգի որակյալ բասկետբոլիստները շատ ավելի թանկ են արժենում, քան լեգեոներները: Այս պատճառով պետք է քննարկենք թիմերի հետ, որպեսզի նաև որակը չընկնի լիգայի: Բայց ինչ-որ սահմանափակում լինելու է: Ասեմ նաև, որ մեր թիմերը եթե Եվրոպայում էլ խաղան, ապա կրկին ունենալու են տեղացի բասկետբոլիստների խնդիր, քանի որ եվրագավաթներում նման պահանջ կա:

Տեղացիները քիչ են, Արման Հակոբյանին կարող եմ առանձնացնել «Արթիկից», ունենք 18 տարեկան Դավիթ Խաչատրյան, ում, վստահ եմ մի քանի տարի անց եվրոպական ակումբները կցանկանան տեսնել իրենց կազմում: Լիգան թույլ տվեց երիտասարդ բասկետբոլիստներին զարգանալ:

Առաջիկա մրցաշրջանի համար կանոնադրությունը փոփոխություններ է կրելու, քանի որ այն պատրաստ չէ մրցակցության այսպիսի մակարդակի:

Մեծ խնդիր ունենք դահլիճների հետ կապված, ուղղակի դահլիճ չկա նույնիսկ առաջնության խաղերն անցկացնելու համար: Արթիկի մարզադպրոցը նաև մեր մասնակցությամբ հատակը վերանորոգվեց, հիմա բանակցում ենք նաև Գյումրու մարզադահլիճը վերանորոգելու ուղղությամբ:

Ցանկացած Ա լիգայի թիմ պարտավորելու ենք ունենալու 18 տարեկանների թիմ: Ֆինանսապես օգնելու ենք թիմերին, որպեսզի կարողանան 16 տարեկանից հետո բասկետոբոլիստները խաղալու տեղ ունենան:

VBET Բ լիգայում էլ դնելու ենք տարիքային սահմանափակումներ, դեռ քննարկում ենք, բայց պետք է տարիքային առաստաղը դնենք 25-26 տարեկան կամ թողնենք 1 հոգի ավելի մեծ:

Թիմերի քանակի հարցը առայժմ պարզ չէ: Չգիտեմ՝ արդյո՞ք «Էրեբունին» կմասնակցի թե չէ: Բայց 6 թիմով առաջնությունը ինձ դուր եկավ մրցակցության տեսանկյունից:

Համագործակցում ենք Վիվառո ընկերության հետ: Բոլորին հայտնի է, որ «Ուրարտու» ակումբին հովանավորում է Վիվառոն , բայց այս ընկերությունը շատ մեծ աջակցություն է տալիս լիգային, որը նույնիսկ չի երևում, մասնավորապես վճարում է նկարահանման համար, մեզ նաև հուշում տարբերակներ, լուծումներ, որ կարող են զարգացնել լիգան»,-նշեց Արա Պողոսյանը:

Ասուլիսն ամբողջությամբ՝

Դեյվիդ Ջունտոյան. «Հովանավորի առկայության դեպքում «Արագածը» կարող է լավ արդյունք ապահովել Եվրոպայում»

Հետևե՛ք VNews.am-ին նաև Youtube-ում և Instagram-ում:


VBET Ա լիգա. «Արագած» – «Երևան». Ուղիղ եթեր

Միքայել Պողոսյան․ «Թող «Արագածը» մի քիչ ուրախանա»

Տիգրան Գյոկչյան․ «Հաղթանակի կեսը հայ խաղացողներինն էր, հատկապես՝ Մխիթար Վարդանյանինը»

Լարված և դիտարժան խաղ․ VNews-ի ֆոտոշարքն «Արագած» – «Ուրարտու Վբեթ» հանդիպումից

VBet Ա-լիգա․ «Արագածը» կարևոր խաղում հաղթեց «Ուրարտու Վբեթին» (տեսանյութ)

Բասկետբոլային Կլասիկո. 5 պատճառ այցելելու «Արագած» – «Ուրարտու Վբեթ» խաղին

Բասկետբոլի VBet Ա-լիգայի 2019/2020 թթ. մրցաշրջան. Մամուլի ասուլիս (ուղիղ)

Միքայել Պողոսյան. «ՎԲեթ Ա-լիգայի բոլոր թիմերը մեր դեմ խաղում են իրենց լավագույն խաղը»

Vbet Ա-Լիգա․ «Ուրարտու Վբեթը» երրորդ անընդմեջ հաղթանակը տոնեց (տեսանյութ)

VBet Ա-լիգա․ «Երևանը» հաղթանակ տոնեց ՖԻՄԱ-ի նկատմամբ (տեսանյութ)

Vbet Ա-Լիգա․ «Արագածի» երրորդ անընդմեջ հաղթանակը (տեսանյութ)

VBet Ա-լիգա. «Գյումրի» – «Արագած» (ուղիղ եթեր)

Միքայել Պողոսյան․ «Ուրարտու Վբեթը» Հայաստանի ամենալավ թիմը դառնալու ճանապարհին է»

Հարի Սավայա․ «Մեր պատանիներն ավելի նվիրված խաղ ցույց տվեցին»

Vbet Ա-Լիգա․ «Ուրարտու Վբեթը» հաղթեց «Երևանին» նաև վերախաղարկված հանդիպմանը (տեսանյութ)

«Ուրարտու Վբեթ» – «Երևան» հանդիպումը կվերախաղարկվի 36-41 հաշվից