Արամ Հակոբյանին չհաջողվեց մրցանակակիր դառնալ - VNews
Բաժիններ

Արամ Հակոբյանին չհաջողվեց մրցանակակիր դառնալ

Թուրքիայի Գեբզե քաղաքում վերջնագիծը հատեց մինչև 20 տարեկան պատանիների և աղջիկների շախմատի աշխարհի առաջնությունը:

Պատանիների մրցաշարում առաջնության ավարտից մեկ տուր առաջ Արամ Հակոբյանը հավակնում էր մեդալի: Ցավոք, նրան չհաջողվեց մրցանակակիր դառնալ: Հակոբյանը հաշտություն կնքեց հնդիկ գրոսմայստեր Աբհիմանյու Պուրանիկի հետ և վաստակած 7,5 միավորով զբաղեցրեց 8-րդ տեղը:

Հայաստանի չեմպիոն Հայկ Մարտիրոսյանը հաշտություն կնքելով չինացի Բայ Ցզինշի հետ, ևս վաստակեց 7,5 միավոր և լրացուցիչ գործակիցներով գրավեց 16-րդ տեղը:

Մանուել Պետրոսյանը պարտվեց ուզբեկ Նոդիրբեկ Յակուբոևին: Մանուելը 6,5 միավորով հանգրվանեց 35-րդ հորիզոնականում:

Ավարտական տուրում հայ պատանիներից միակ հաղթանակը տոնեց Շանթ Սարգսյանը, ով առավելության հասնելով թուրք Մելիհ Կանի նկատմամբ, 5,5 միավորով զբաղեցրեց 76-րդ տեղը:

Պատանիների մրցաշարում աշխարհի չեմպիոնի տիտղոսը դեռևս առաջնության ավարտից մեկ տուր առաջ նվաճել էր իրանցի գրոսմայստեր Պարհամ Մաղսուդլուն, ով ավարտական տուրում միակ պարտությունը կրեց: Նա 11 հնարավորից վաստակեց 9,5 միավոր:

2-րդ և 3-րդ տեղերը զբաղեցրին 8,5-ական միավոր վաստակած հնդիկ գրոսմայստեր Աբհիմանյու Պուրանիկը և ռուսաստանցի Սերգեյ Լոբանովը:

Աղջիկների մրցաշարում Սիրանուշ Ղուկասյանը մրցաշարն ավարտեց հաղթանակով՝ առավելության հասնելով պերուացի Ալեյլա Իլարիոյի նկատմամբ: Սիրանուշը 7 միավորով զբաղեցրեց 15-րդ տեղը:

Աշխարհի չեմպիոնուհու տիտղոսը նվաճեց ռուսաստանցի Ալեքսանդր Մալցևսկայան, ով վաստակեց 8,5 միավոր: Նա լրացուցիչ գործակիցներով գերազանցեց արծաթե մեդալին արժանացած ուզբեկ շախմատիստուհի Գուլրուխբեգիմ Տոխիրջոնովային: 8 միավորով բրոնզե մրցանակակիր դարձավ վրացի Նինո Խոմերիկին:

Միացի՛ր հայկական ամենասպորտային Instagram-ին:


21-րդ դարում հայկական ֆուտբոլի 20 ամենաարդյունավետ ֆուտբոլիստները

Հայկ Մարտիրոսյանը 3 լավագույններից մեկն էր

Մանուել Պետրոսյանը հասավ մինչև քառորդ եզրափակիչ

Ռոբերտ Հովհաննիսյանն ու Մանուել Պետրոսյանը կպայքարեն Եվրոպայի չեմպիոնի տիտղոսի համար

Արամ Հակոբյանը եզրափակեց լավագույն եռյակը

«Մատ տեռորին»․ Լևոն Արոնյանը հրավիրում է մասնակցել բարեգործական միջոցառման

Շախմատի Հայաստանի ուսանողական ընտրանին առցանց մրցաշարում բրոնզե մեդալ է նվաճել

Արամ Հակոբյանն արժանացավ 1500 դոլար պարգևավճարի

Լավագույն ցուցանիշը Հայաստանի վերջին 13 առաջնություններում․ Մորի Կոնեի խելահեղ մրցաշրջանը

Մանուել Պետրոսյանը՝ Ստեփան Ավագյանի հուշամրցաշարի հաղթող

Ռոբերտ Արզումանյանը՝ «Ուրարտու-2»-ի գլխավոր մարզիչ

Թրեբլ ձևակերպած առաջին հայկական ակումբը․ Լուծարված «Ցեմենտի»/«Արաքսի» դերը հայկական ֆուտբոլում

Տիգրան Հարությունյանը՝ «Աերոֆլոտի» B մրցաշարի հաղթող

Չեմպիոնության համար պայքարը հասավ գագաթնակետին

Սամվել Տեր-Սահակյանը գլխավորեց աղյուսակը

Մրցաշարում երկիշխանություն հաստատվեց