fbpx

Արամ Հակոբյանը մրցանակային տեղերի հավակնորդների թվում է

Թուրքիայի Գեբզե քաղաքում վերջնագծին է մոտենում մինչև 20 տարեկան պատանիների և աղջիկների շախմատի աշխարհի առաջնությունը: Այսօր կայացան 9-րդ տուրի հանդիպումները:

Վիճակահանության քմահաճույքով 9-րդ տուրում միմյանց հետ մրցեցին մրցանակային տեղերի համար պայքարող Արամ Հակոբյանն ու Մանուել Պետրոսյանը, որոնք 6 միավորով հետապնդում էին առաջատարներին:

Այդ մրցախաղում հաջողությունն ուղեկցեց Արամ Հակոբյանին, ով հաղթանակի շնորհիվ վաստակեց 7 միավոր և մրցաշարի ավարտից երկու տուր առաջ նույնպիսի արդյունք ունեցող 4 շախմատիստների հետ հետապնդում է միանձնյա առաջատար, իրանցի գրոսմայստեր Պարհամ Մաղսուդլուին:

Վերջինս հերթական հաղթանակը տոնելով, իր մոտակա մրցակիցներից առաջ է անցել 1,5 միավորով և շատ մոտ է չեմպիոնի տիտղոսը նվաճելուն: Այնպես որ Հակոբյանը, ով ի դեպ մրցաշարում միակ պարտությունը կրել է հենց Մաղսուդլուից, կարող է հավակնել միայն 2-3-րդ տեղերին:

Իսկ ահա Մանուել Պետրոսյանը մրցաշարում առաջին պարտությունը կրելով, զգալիորեն դժվարացրեց մրցանակակիր դառնալու իր խնդիրը: Դրա համար նրան անհրաժեշտ է հաղթել ավարտական երկու տուրերում էլ: Մանուելն ունի 6 միավոր:

Վերջնագծի մատույցներում վերելքով է հանդես գալիս Հայաստանի գործող չեմպիոն Հայկ Մարտիրոսյանը, ով 3-րդ անընդմեջ հաղթանակը տոնեց: Նրա մրցակիցը նորվեգացի Բենջամին Հալդորսենն էր: Հայկը ևս վաստակեց 6 միավոր:

3 անընդմեջ պարտություններից հետո վերջապես կես միավոր վաստակեց Շանթ Սարգսյանը՝ հաշտություն կնքելով մոնղոլ Բյամբասուրեն Գարիդմագնայի հետ: Շանթն ունի 4 միավոր:

Աղջիկների մրցաշարում Սիրանուշ Ղուկասյանը ոչ-ոքի խաղաց չիլիացի Բելեն Գոմեսի հետ: Ղուկասյանը վաստակել է 5 միավոր:

Չեմպիոնուհու տիտղոսի համար պայքարը գնալով ավելի է սրվում: 9-րդ տուրից հետո աղյուսակը 7-ական միավորով գլխավորում են միանգամից 5 շախմատիստուհիներ:

Հետևե՛ք VNews.am-ին նաև Youtube-ում և Instagram-ում:


Կարող է գործնականում վճռվել չեմպիոնության հարցը․ Ամենահետաքրքիր փաստերը՝ ԲԽ-ի 33-րդ տուրին ընդառաջ

Հայ շախմատիստներից միայն Էլինա Դանիելյանն է բարելավել իր վարկանիշը

Սամվել Տեր-Սահակյանը միայն լրացուցիչ գործակիցներով զիջեց հաղթողին

Խաշմանյանն ընդդեմ «Արարատի», նաև հերթական «ոսկե» խաղը․ Ամենահետաքրքիր փաստերը՝ ԲԽ-ի 28-րդ տուրին ընդառաջ

2-ական խաղ Երևանում և մարզերում․ Ամենահետաքրքիր փաստերը՝ ԲԽ-ի 24-րդ տուրին ընդառաջ

Թոփ-10. Հայաստանի առաջնությունների ամենաարդյունավետ ֆուտբոլիստները

10 տարի անց Արման Փաշիկյանը կրկին չեմպիոն հռչակվեց

Մեր առաջնության «ամենաբարեհամբույր» մրցակիցները․ Ամենահետաքրքիրը՝ «Բանանց» – «Շիրակ» խաղին ընդառաջ

Զավեն Անդրիասյանը նվաճեց գլխավոր մրցանակը

«Փյունիկը» «մոռացել» է հաղթելու մասին, «Բանանցն» էլ «ճախրում» է․ Ամենահետաքրքիրը՝ «Փյունիկ» – «Բանանց» խաղին ընդառաջ

Աշխարհի պատանեկան առաջնություն. Շանթ Սարգսյանի առաջատարի դիրքն անսասան է

Աշխարհի պատանեկան առաջնություն. Շանթ Սարգսյանն ու Աննա Սարգսյանն առաջատարների խմբում են

Արամ Հակոբյանն ու Սիրանուշ Ղուկասյանը բարելավել են ցուցանիշները ՖԻԴԵ-ի վարկանիշային աղյուսակում

Էդվարդ Կպոդոն վերադառնում է Գյումրի․ Ամենահետաքրքիրը՝ «Շիրակ» – «Բանանց» խաղին ընդառաջ

Արամ Հակոբյանին չհաջողվեց մրցանակակիր դառնալ

Արամ Հակոբյանը մեդալների հավակնորդների թվում է