«Արարատ-Արմենիան» մոտ է իր դեմ խաղում փայլած ֆուտբոլիստի տրանսֆերին

Հայաստանի չեմպիոն «Արարատ-Արմենիան» հնարավոր է ուշագրավ տրանսֆեր կատարի։ Ակումբը բանակցում է եզրային կիսապաշտպան Հերադի Ռաշիդիի հետ։ Կողմերը մոտ են համաձայնության հասնելուն, հայտնի է դարձել VNews.am-ին։

Ռաշիդին ներկայումս ազատ գործակալի կարգավիճակ ունի, քանի որ հունվարի սկզբին հեռացել է շվեդական ԱԻԿ-ից։ Վերջինիս կազմում Չեմպիոնների լիգայի 2019/2020 մրաշրջանի որակավորման առաջին փուլում նա մասնակցել է «Արարատ-Արմենիայի» դեմ պատասխան խաղին (3:1)։

Այդ մրցավեճում տպավորիչ ելույթի և որոշիչ գոլային փոխանցման շնորհիվ նա գրավել է երևանցիների ուշադրությունը, ինչից հետո ակումբը սկսել է հետևել նրա ելույթներին։

Ռաշիդին որոշել է հեռանալ ԱԻԿ-ից ավարտված առաջնությունում քիչ խաղաժամանակ ստանալու պատճառով։

Միացի՛ր հայկական ամենասպորտային Instagram-ին: