Արգենտինայի հավաքականի նախկին գլխավոր մարզիչը Մարադոնայի մահվանից հետո հոսպիտալացվել է

Արգենտինայի հավաքականի նախկին գլխավոր մարզիչ Ալեխանդրո Սաբելյան հոսպիտալացվել է Բուենոս Այրեսի կլինիկաներից մեկում Դիեգո Մարադոնայի մահվանից հետո՝ հաղորդում է ESPN-ը:

Աղբյուրի տեղեկություններով՝ 66-ամյա Սաբելյան մի շարք հետազոտություններ կանցնի: Սաբելյայի ընտանիքը հայտնել է, որ արգենտինացին խիստ ցնցվել է՝ իմանալով Մարադոնայի մահվան լուրը:

TyC Sports-ի հաղորդմամբ՝ Սաբելյան նախկինում սրտի խնդիրներ ունեցել է:

Աշխարհի 2014 թվականի առաջնության եզրափակիչում Գերմանիայի ընտրանուց կրած պարտությունից հետո Սաբելյան չի աշխատել գլխավոր մարզչի պաշտոնում: 2009 թվականին նա առաջնորդել է «Էստուդիանտեսին» դեպի Լիբերտադորեսի գավաթի խաղարկության չեմպիոնություն:

Միացի՛ր հայկական ամենասպորտային Instagram-ին: