Արքայազների պայքարը՝ «Լուի II-ում». «Մոնակո»-ՊՍԺ խաղին ընդառաջ - VNews
Բաժիններ

Արքայազների պայքարը՝ «Լուի II-ում». «Մոնակո»-ՊՍԺ խաղին ընդառաջ

54asd456ad - Արքայազների պայքարը՝ «Լուի II-ում». «Մոնակո»-ՊՍԺ խաղին ընդառաջ
Խաղի մանրամասները

Ֆրանսիա, Լիգա 1, Խմբային Փուլ 11 տուր

20 Նոյեմբեր 2020 - 00:00

3

ԱՍ Մոնակո

2

Պարի Սեն-Ժերմեն

0 - 1 Կիլիան Մբապպե - 25`

0 - 2 Կիլիան Մբապպե - 36`

1 - 2 Քևին Ֆոլանդ - 52`

2 - 2 Քևին Ֆոլանդ - 65`

3 - 2 Սեսկ Ֆաբրեգաս - 84`

Կարմիր Քարտ Աբդու Դիալո - 84`

Ֆուտբոլային ուիքենդն այս շաբաթ սկսում է մի փոքր շուտ. միջազգային դադարից հետո ակումբային ֆուտբոլը վերադառնում է Ֆրանսիայում՝ բավական բարդ դիմակայությամբ: Այսօր «Լուի II» մարզադաշտում «Մոնակոն» կընդունի ՊՍԺ-ին. հանդիպումը կկայանա VBET-ի հովանավորության ներքո, որը մոնեգասկյան ակումբի գործընկերն է:

«Մոնակոյի» և VBET-ի համագործակցությանը սկիզբ դրվեց 2020-ի օգոստոսին։ VBET-ի գործընկերն է նաև հայազգի ֆուտբոլիստ Յուրի Ջորկաեֆը, որը դարձավ ընկերության դեսպանը: Ֆրանսիայի հավաքականի հետ աշխարհի չեմպիոն դարձած Ջորկաեֆը 5 տարի խաղացել է «Մոնակոյում», ևս մեկ մրցաշրջան՝ ՊՍԺ-ում:

Առաջարկում ենք վերհիշել ֆրանսիական ամենադասական դիմակայություններից մեկի պատմությունը, ինչպես նաև հասկանանք՝ ինչպես են մոտենում թիմերն այսօրվա խաղին:

Դիմակայության պատմությունը

«Մոնակոյի» ու ՊՍԺ-ի միջև անձնական դիմակայությունում առավելությունը գրեթե ամեն ինչով մոնեգասկյան ակումբի կողմն է:

  • Թիմերը բոլոր մրցաշարերում միասին, ընդհանուր առմամբ, անցկացրել են 99 հանդիպում:
  • 41 անգամ հաղթել է «Մոնակոն», 31 անգամ՝ ՊՍԺ-ն, 27 խաղ ավարտվել է ոչ-ոքի:
  • «Մոնակոն» խփել է 121 գոլ, իսկ ՊՍԺ-ն՝ 114:

Վերջին տարիներին, իհարկե, ՊՍԺ-ն կարողացել է վիճակագրությունը զգալիորեն իր օգտին շրջել: Նախ՝ 2011-ին «Մոնակոյի» համար ճգնաժամային օրեր սկսեցին. թիմը հայտնվեց Լիգա 2-ում ու Լիգա 1 վերադարձավ միայն 2013-ին: Այդ ընթացքում Փարիզում «շեյխական հեղափոխությունը» տեղի ունեցավ՝ ՊՍԺ-ն համալրվեց աստղերով ու իր գերիշխանությունը սկսեց հաստատել Ֆրանսիայում:

Փարիզցիների՝ 4 տարի անընդմեջ Ֆրանսիայի չեմպիոն դառնալու շարքն ընդհատեց հենց «Մոնակոն»՝ 2016/17 մրցաշրջանում. Լեոնարդո Ժարդիմի կառուցած տաղանդներով հագեցած թիմը՝ Մբապեն ու ընկերները կարողացան գերազանցել նույնիսկ սարսափելի ու անհասանելի թվացող ՊՍԺ-ին և նվաճեցին երկրի չեմպիոնությունը. այդ մրցաշրջանում անձնական դիմակայությունում էլ «Մոնակոն» ավելի ուժեղ էր. առաջին խաղում Ժարդիմի թիմը հաղթեց 3-1 հաշվով, իսկ Փարիզում գրանցեց ոչ-ոքի՝ 1-1:

ՊՍԺ. անկայուն մեկնարկ ու մեծ կորուստներ

ՊՍԺ-ի համար նախորդ մրցաշրջանը լավագույններից էր վերջին տարիներին: Թիմը հռչակվեց երկրի չեմպիոն, իսկ Չեմպիոնների լիգայում իր պատմության մեջ առաջին անգամ հասավ մինչև եզրափակիչ, որտեղ նվազագույն հաշվով զիջեց «Բավարիային»: Այս մրցաշրջանը, սակայն, ՊՍԺ-ն չի մեկնարկել նույն վստահությամբ. իհարկե՝ կան նաև օբյեկտիվ գործոններ: Օրինակ՝ այն, որ նախորդ մրցաշրջանի ավարտից հետո փարիզցիները գրեթե հանգստի հնարավորություն չունեցան, ու միանգամից մեկնարկեց այս մրցաշրջանը. Լիգա 1-ում ՊՍԺ-ի գործերն այդքան էլ վատ չեն՝ անցկացրած 10 խաղում 8 հաղթանակ տանելով Տուխելի թիմը գլխավորում է մրցաշարային աղյուսակը՝ 5 միավորի առավելություն ունենալով 2-րդ տեղում գտնվող «Լիլի» նկատմամբ, սակայն Չեմպիոնների լիգայում պատկերն այլ է. խմբային փուլի առաջին 3 խաղում ՊՍԺ-ն կրել է 2 պարտություն, ու վաստակած 3 միավորով իր խմբում 3-րդն է:

Thomas Tuchel PSG vs Manchester United Champions League 2020 960x639 - Արքայազների պայքարը՝ «Լուի II-ում». «Մոնակո»-ՊՍԺ խաղին ընդառաջ

ՊՍԺ-ն «Մոնակոյի» դեմ խաղին, որը միաժամանակ «Լայպցիգի» դեմ խաղի նախապատրաստությունն է, մոտենում է շատ մեծ կորուստներով: Վնասվածքների պատճառով բացակայում են Մարկինյոսը, Բեռնատը, Վերատին, Դրաքսլերը, Կերերը, Իկարդին, Նեյմարը, իսկ Մոյզե Քինի մասնակցությունը կասկածի տակ է:

«Մոնակո». դժվար, բայց հեռանկարային իրավիճակ

«Մոնակոն» նույնպես բավական անկայուն է մեկնարկել. թիմի թե՛ խաղը, թե՛ արդյունքները տարբերվում են իրարից: Լիգա 1-ի ընթացիկ խաղարկությունում անցկացրած 10 խաղում «Մոնակոն» հաղթել է 5 խաղում, պարտվել 3 անգամ ու 2 ոչ-ոքի անցկացրել: Հատկանշական է, որ «Մոնակոն» սեփական մարզադաշտում այս մրցաշրջանում դեռ չի պարտվել:

Սակայն ի տարբերություն ՊՍԺ-ի՝ «Մոնակոյի» դեպքում դա նորմալ ու տրամաբանական կարելի է համարել: 2-3 անհաջող մրցաշրջանից հետո թիմը դեռ նոր պետք է ոտքի կանգնի, եկել է նոր մարզիչ՝ Նիկո Կովաչը, որն աստիճանաբար փորձում է հարմարվել ֆուտբոլիստներին, ֆուտբոլիստներն էլ՝ խորվաթ մասնագետի մեթոդներին: Ինչպես միշտ՝ «Մոնակոյում» փորձի ու երիտասարդության համադրություն է. Ջիբրիլ Սիդիբեի ու Վիսամ բեն Յեդերի պես փորձառու ֆուտբոլիստների կողքին խաղում են Գոլովինի, Մարտինսի ու Ֆոլանդի նման հեռանկարային երիտասարդները:

cropped GettyImages 1229402173 960x540 - Արքայազների պայքարը՝ «Լուի II-ում». «Մոնակո»-ՊՍԺ խաղին ընդառաջ

«Մոնակոյի» կազմում այսօր կբացակայի Գոլովինը՝ վնասվածքի պատճառով, և բեն Յեդերը, որը վարակված է կորոնավիրուսով:

Հավանական մեկնարկային կազմերը

«Մոնակո». Մանոնե; Էնրիկե, Մուկինայի, Սիդիբե; Չուամենի, Ֆոֆանա, Դիոպ; Մարտինս, Յովետիչ, Ֆոլանդ

ՊՍԺ. Նավաս, Դագբա, Դիալո, Կիմպեմբե, Կուրզավա; Պերեյրա, Ռաֆինյա, Հերերա; Սարաբիա, Քին, Մբապե

Միացի՛ր հայկական ամենասպորտային Instagram-ին:


Մանուել Նազարեթյանը պրոֆեսիոնալ պայմանագիր կկնքի «Մարսելի» հետ

Նեյմարին մեղադրում են զինված հարձակում կազմակերպելու համար

Մինասյանը նշել է 3 եվրոպացի մարզչի, որի աշխատանքին առավել ուշադիր է հետևում

ՊՍԺ-ի Պլան Բ-ն․ Ում կգնի ակումբը Մբապեի հեռանալու դեպքում

ՊՍԺ-ն ներկայացրել է մարզաշապիկը հաջորդ մրցաշրջանի համար (նկարներ)

Մեսին տուն է փնտրում Փարիզում

«Մոնակոն» կամային հաղթանակ տոնեց՝ նվաճելով Ֆրանսիայի գավաթի եզրափակիչի ուղեգիր (տեսանյութ)

Նեյմար. «Շնորհակալ եմ, որ ինձ զրկեցիք եզրափակիչից»

«Ոսկե գնդակի» տիրակալները. Մրցանակը գտավ իր հերոսին, որը «ցմահ որակազրկվել» էր 19 տարեկանում

ՊՍԺ-ն 11-մետրանոցներով հաղթեց «Մոնպելյեին»՝ դուրս գալով Ֆրանսիայի գավաթի եզրափակիչ (տեսանյութ)

Նեյմարը ցանկանում է մասնակցել ինչպես Ամերիկայի գավաթին, այնպես էլ Օլիմպիական խաղերին

Հայտնի է ՊՍԺ-ի պաշտպան Կիմպեմբեի որակազրկման ժամկետը

Լիգա 1. Մրցաշրջանի լավագույն ֆուտբոլիստի կոչման հավակնորդները

Շեյխերի գահակալումը․ Որտեղից են գալիս և ուր են գնում ՊՍԺ-ում ներդրված գումարները

«Մոնակոն» աստղային տրանսֆեր է նախապատրաստում

Մարկո Վերատին կկարողանա մասնակցել ԵՎՐՈ 2020-ին