Արմեն Գրիգորյանը 6-րդն է աշխարհի երիտասարդական առաջնությունում

Ֆիջիի մայրաքաղաք Սուվայում մեկնարկել է ծանրամարտի աշխարհի երիտասարդական առաջնությունը, որում Հայաստանը ներկայացնում է 5 մարզիկ:

Հայաստանից առաջինը մրցահարթակ է դուրս եկել Արմեն Գրիգորյանը (73 կգ), որը հանդես է եկել ուժեղագույնների խմբում: Պոկում վարժությունը Արմենը ավարտել է 139 կգ արդյունքով, իսկ հրումը՝ 170 կգ և երկարամարտի 309 կգ ցուցանիշով զբաղեցրել 6-րդ տեղը:

Չեմպիոնի կոչումը նվաճել է ԱՄՆ-ի ներկայացուցիչ Կլարենս Կամինգսը, որը երկամարտում 337 կգ ցուցանիշն է գրանցել:

Հունիսի 4-ին ելույթ կունենան Կարեն Ավագյանը (89 կգ) և Ռաֆիկ Հարությունյանը (81 կգ):

Հետևե՛ք VNews.am-ին նաև Youtube-ում և Instagram-ում: