Արոնյանը քառորդ եզրափակչում կհանդիպի ուժեղ մրցակցի

Խաղի մանրամասները

տուր

01 Հունվար 1970 - 12:41

-

-

Կատարել Խաղադրույք

Վերջնագիծը հատեց Opera Euro Rapid արագ շախմատի առցանց մրցաշարի նախնական փուլը, որի արդյունքներով որոշվեցին քառորդ եզրափակչի զույգերը:

Լևոն Արոնյանը հաջող խաղաց նաև մրցումների 3-րդ օրը կայացած 5 մրցախաղերում՝ նվաճելով քառորդ եզրափակչի ուղեգիր:

Հայ գրոսմայստերը հաղթեց Յան Նեպոմնյաշչնուն, հաշտություն կնքեց Անիշ Գիրիի, Հիկարու Նակամուրայի, Գուջրաթի Վիդիթի և Թեյմուր Ռաջաբովի հետ ու 8,5 միավորով զբաղեցրեց 4-րդ հորիզոնականը: Քառորդ եզրափակչում Արոնյանը կմրցի 8,5 միավորով 5-րդ տեղը գրաված Մաքսիմ Վաշիե-Լագրավի հետ:

Նախնական փուլում լավագույն արդյունքը ցույց տվեցին աշխարհի գործող չեմպիոն Մագնուս Կառլսենն ու Անիշ Գիրին, որոնք վաստակեցին 9,5-ական միավոր: Նրանց կես միավոր զիջեց Ուեսլի Սոն:

Քառորդ եզրափակչում կմրցեն նաև Կառլսենն ու Դուբովը, Գիրին և Ռաջաբովը, Սոն և Դուդան: Մրցակիցները արագ շախմատի 4-ական պարտիայից բաղկացած երկու մրցախաղ կանցկացնեն միմյանց հետ: Հավասար արդյունքի դեպքում հաղթողը կորոշվի կայծակնային շախմատի 2 պարտիայից բաղկացած լրացուցիչ մրցախաղում, իսկ հարկ եղած դեպքում հաջորդ փուլի ուղեգրի բախտը կվճռվի «արմագեդոնում»:

Միացի՛ր հայկական ամենասպորտային Instagram-ին: