Առաջին գոլերն ու առաջին հաղթանակը հույների հետ մրցավեճում. Հունաստան-Հայաստան հանդիպումը՝ 10 փաստով - VNews
Բաժիններ

Առաջին գոլերն ու առաջին հաղթանակը հույների հետ մրցավեճում. Հունաստան-Հայաստան հանդիպումը՝ 10 փաստով

Խաղի մանրամասները

Եվրոպա, ՈւԵՖԱ Եվրոպայի առաջնություն, Որակավորում 4 տուր

11 Հունիս 2019 - 22:45

2

Հունաստան

3

Հայաստան

0 - 1 Ալեքսանդր Կարապետյան - 8`

0 - 2 Գևորգ Ղազարյան - 33`

1 - 2 Խոսե Կարլոս Գոնսալվեշ Ռոդրիգես - 54`

1 - 3 Տիգրան Բարսեղյան - 74`

2 - 3 Կոնստանտինոս Ֆորտունիս - 87`

Հայաստանի ազգային հավաքականը 2020թ. Եվրոպայի առաջնության ընտրական մրցաշարում 2-րդ անընդմեջ հաղթանակը տոնեց՝ հյուրընկալվելիս առավելության հասնելով Հունաստանի ընտրանու նկատմամբ:

Հանդիպման ամենաուշագրավ իրադարձությունները ներկայացնում ենք 10 փաստի տեսքով:

1. Հայաստանի հավաքականին վերջապես հաջողվեց հաղթել Հունաստանի ընտրանուն՝ ռևանշի հասնելով 17 տարի առաջ Աթենքում Եվրոպայի առաջնության ընտրական մրցախաղում 0-2 հաշվով կրած պարտության դիմաց: Իսկ մինչ այդ Հունաստանի հավաքականն այն 32 ընտրանիներից մեկն էր, որի հետ հանդիպումներում մեր ֆուտբոլիստներին չէր հաջողվել հաղթանակ տոնել: 17 տարի առաջ Աթենքում կայացած հանդիպմանը մասնակցած ֆուտբոլիստներից ներկայումս ՀՀ հավաքականում է մեր դարպասապահների մարզիչ Ռոման Բերեզովսկին:

2. Հունաստանի հավաքականի հետ միայն 5-րդ հանդիպման ժամանակ մեր ֆուտբոլիստներին վերջապես հաջողվեց գրավել մրցակցի դարպասը: Դրա համար ՀՀ հավաքականից 368 րոպե պահանջվեց: Իսկ մինչ այդ Հունաստանի հավաքականն այն 13 ընտրանիներից մեկն էր, որի դարպասի բանալին ՀՀ հավաքականը չէր գտել:

Հունաստան – Հայաստան․ Մեր ֆուտբոլիստների գնահատականները

3. Հետաքրքիր է, որ Հունաստանի հավաքականի հետ կայացած 5 հանդիպումներում էլ ՀՀ հավաքականի ղեկին տարբեր մարզիչներ են եղել: 2002թ. Աթենքում կայացած խաղում ՀՀ հավաքականը գլխավորում էր արգենտինացի Օսկար Լոպեսը: Հաջորդ տարի երևանյան ընտրական մրցախաղում Հայաստանի հավաքականը հույներին նվազագույն հաշվով զիջեց ռումինացի Միխայ Ստոյկիցայի օրոք:

2008թ. Օֆենբախում կայացած ընկերական խաղում (0-0) մեր հավաքականի ղեկին դանիացի Յան Պոուլսենն էր, իսկ 4 տարի անց ավստրիական Կուֆշտայնում անցկացված ընկերական մրցավեճում ՀՀ հավաքականը նվազագույն հաշվով պարտվել էր Վարդան Մինասյանի օրոք:

4. ՀՀ հավաքականն ընտրական մրցաշարում 2-րդ անընդմեջ հաղթանակը տոնելով, 4 խաղում իր օգտին 6 միավոր է գրանցել: Այս արդյունքը 2-րդն է Հայաստանի հավաքականի համար Եվրոպայի առաջնությունների ընտրական մրցաշարերի 4 տուրից հետո: Ավելի հաջող մեր ընտրանին հանդես է եկել Վարդան Մինասյանի գլխավորությամբ 2012թ. Եվրոպայի առաջնության ընտրական մրցաշարում՝ մեկնարկային 4 հանդիպումներում վաստակելով 7 միավոր (Իռլանդիա՝ 0-1, Մակեդոնիա՝ 2-2, Սլովակիա՝ 3-1, Անդորրա՝ 4-0):

5. Եվրոպայի առաջնությունների ընտրական մրցաշարերի 4-րդ տուրում Հայաստանի հավաքականին 2-րդ անգամ հաջողվեց հաղթել: Մինչ այդ միայն 2012թ. Եվրոպայի առաջնության ընտրական մրցաշարում էր հաջողվել 4-րդ տուրում պարտության մատնել մրցակցին՝ 4-0 հաշվով Երևանում ջախջախելով Անդորրայի ընտրանուն:

Երբ մեր երկրպագուներն ավելի շատ էին, ու ավելի ուրախ. Հունաստան – Հայաստան խաղի ֆոտոշարքը

Հայաստանի հավաքականի վերջին նորությունները

Միացի՛ր հայկական ամենասպորտային Instagram-ին:

1 2

Գաել Անդոնյանը փորձաշրջան է անցնում հոլանդական ակումբում

«Ռոման» խոշոր հաշվով հաղթեց առանց Մխիթարյանի (տեսանյութ)

Էրիկ Վարդանյանն ու Ագուերոն միասին վերականգնվում են վնասվածքից Բարսելոնայում (տեսանյութ)

«Ռոմայի» մեկնարկային կազմը «Բրեշիայի» դեմ խաղում

Մխիթարյանը ճանաչվել է Ա սերիայի շաբաթվա լավագույն ֆուտբոլիստ՝ ըստ Sofascore-ի

Մխիթարյանը շնորհավորել է «Շախտյորին»՝ Ուկրաինայի չեմպիոն դառնալու կապակցությամբ

Հայաստանի հավաքականը ևս մեկ ընկերական հանդիպում կանցկացնի

Մխիթարյանը հայտնվել է Ա սերիայի շաբաթվա խորհրդանշական հավաքականում

«Ռոման» Մխիթարյանի և Վերետուի ստեղծած գոլը ներկայացրել է համակարգչային գրաֆիկայի միջոցով (տեսանյութ)

Մխիթարյանը՝ «Ռոմա» – «Պարմա» հանդիպման լավագույն ֆուտբոլիստ

5-ից ավելի՞, թե՞ պակաս խաղ է անցկացրել Հայաստանի հավաքականում․ VNews-ի Quiz-ը

Ինչպես է Մխիթարյանը ստեղծում «Ռոմայի» գրոհներն ու գոլերը. Հենրիխի վիճակագրությունը

«Իսկական առաջատարի ձեռագիրը». Հիացական խոսքեր Մխիթարյանի խաղի վերաբերյալ

Անվիճելի առաջատարը. Մխիթարյանի գնահատականները «Պարմայի» հետ խաղում

«Մխիթարյանը մեծ ֆուտբոլիստ է, նրանից շատ բան ենք սովորում». Վերետու

Մխիթարյանը հավակնում է դառնալ «Ռոմա»-«Պարմա» հանդիպման լավագույն ֆուտբոլիստը