«Արսենալի» կիսապաշտպանը ծանր վնասվածք է ստացել և կարող է բաց թողնել «Մունդիալ-2018»-ը

Լոնդոնի «Արսենալի» և Շվեյցարիայի ընտրանու կիսապաշտպան Գրանիտ Ջական կարող է բաց թողնել Աշխարհի 2018թ. առաջնությունը: Ֆուտբոլիստը ծանր վնասվածք է ստացել մարզման ժամանակ, գրում է tagesanzeiger.ch-ը:

Ջական վնասվածք է ստացել բախման ժամանակ: Բուժզննումը ցույց է տվել, որ ֆուտբոլիստը վնասել է ձախ ծունկը: Կիսապաշտպանը կարողացել է լքել խաղադաշտը միայն բուժանձնակազմի օգնության շնորհիվ:

Նշենք, որ մի քանի տարի առաջ Ջական վիրահատել էր ձախ ծունկը՝ խաչաձև կապանների կտրվածքի պատճառով:

Աշխարհի 2018թ. առաջնությունը կմեկնարկի հունիսի 14-ին: Շվեյցարիան առաջին հանդիպումը կանցկացնի հունիսի 17-ին՝ մրցելով Բրազիլիայի հավաքականի հետ:

Հետևե՛ք VNews.am-ին նաև Youtube-ում և Instagram-ում: