Արթուր Ալեքսանյան. «Ինձանից կախված ամեն ինչ կանեմ, որ նորից դառնամ Օլիմպիական չեմպիոն»

Օլիմպիական, աշխարհի եռակի ու Եվրոպայի հնգակի չեմպիոն Արթուր Ալեքսանյանը տարվա 10 լավագույն մարզիկների պարգևատրման արարողությունից հետո շեշտեց, որ մարզիկների համար կարևոր է ՀՀ կառավարության ուշադրությունը: Դա լրացուցիչ խթան է այն մարզիկների համար, որոնք բարձր են պահում երկրի անունը միջազգային հարթակներում:

«Ինձ մոտիվացնում է մեր ժողովուրդը, իմ ազգը: Ինձ մոտիվացնում են նույնիսկ այն մարդիկ, որոնք դրսում տեսնում են, մոտենում, շնորհավորում ու լավ խոսքեր ասում:

Չեմ կարող ասել, թե մինչև 2050 թվականը քանի Օլիմպիական չեմպիոն կունենանք, բայց վստահ եմ, որ երկուսից ավելին կլինի: Ոչ մի բանի պակաս չենք զգում: Զգում ենք կառավարության, Օլիմպիական կոմիտեի ու նախարարության աջակցությունը: Իմ կարծիքով՝ ամենակարևորը քրտնաջան մարզվելն է, մարզիկները իրենց առջև պետք է դնեն նպատակ ու հասնեն դրանց, և մենք կունենաք լավ արդյունքներ:

2050 թվականին դժվար թե ես կարողանամ մասնակցել Օլիմպիական խաղերին ու դեռ մեդալ էլ վերցնեմ, բայց եթե մինչև 2025 թվականը մի քանի ոսկին իմը լինի, շատ լավ կլինի:

Խոստումներ չեմ սիրում տալ: Մրցումներից առաջ էլ ոչինչ չեմ խոստանում: Ինձանից կախված ամեն ինչ կանեմ, որ նորից դառնամ Օլիմպիական չեմպիոն: Իսկ, թե ինչպես կստավի, ցույց կտա ժամանակը»,-ասաց Արթուր Ալեքսանյանը:

Միացի՛ր հայկական ամենասպորտային Instagram-ին: