Արթուր Ալեքսանյանը հանդիպել է «Օլիմպավանում» ապաստանած արցախցի երեխաներին

Օլիմպիական չեմպիոն, աշխարհի եռակի, Եվրոպայի հնգակի չեմպիոն Արթուր Ալեքսանյանն «Օլիմպավանում» հանդիպել է այնտեղ ապաստանած մեծ թվով երեխաներին, որոնք ժամանել են Արցախից: Վերջիններս «Օլիմպավանում» են իրենց մայրերի հետ:

Ըմբիշը հանդիպման առիթով լուսանկար է հրապարակել ինստագրամյան իր էջի «սթորի» բաժնում և գրել․ «Արցախի ապագան․ հաղթելու ենք»:

Հավելենք, որ «Օլիմպավանում» սեպտեմբերի 23-ից ուսումնամարզական հավաք է անցկացնում հունահռոմեական ոճի ըմբշամարտի մեծահասակների հավաքականը:

Արթուր Ալեքսանյան. «Աշխարհը կուրացել է ադրբեջանական նավթից ու նավթադոլարներից»

Միացի՛ր հայկական ամենասպորտային Instagram-ին: