Արտյոմ Դալաքյանը երրորդ անգամ պաշտպանեց աշխարհի չեմպիոնի տիտղոսը

Կիևում ավարտվել է պրոֆեսիոնալ բռնցքամարտի երեկոն, որի գլխավոր մենամարտում Ուկրաինայի դրոշի ներքո հանդես եկող Արտյոմ Դալաքյանը թաիլանդցի Սարավուտ Տավորնհամի հետ մենամարտում պաշտպանել է թեթևագույն քաշային կարգում WBA վարկածով աշխարհի չեմպիոնի տիտղոսը:

Մենամարտի ամբողջ ընթացքն անցել է Դալաքյանի առավելությամբ, իսկ 10-րդ ռաունդում Արտյոմը տեխնիկական նոկաուտի է ենթարկել մրցակցին:

Ավելացնենք, որ Արտյոմ Դալաքյանը ծնվել է 1987 թվականի օգոստոսի 10-ին Բաքվում: Ղարաբաղյան հակամարտության ժամանակ՝ 1991 թվականին, ընտանիքի հետ մեկնել է Դնեպրոպետրովսկ: Պրոֆեսիոնալ բռնցքամարտով սկսել է զբաղվել 13 տարեկանից:

Միացի՛ր հայկական ամենասպորտային Instagram-ին: