Աշխարհի առաջնություն. Հայաստանի հավաքականը բավարարվեց 4-րդ տեղով - VNews
Բաժիններ

Աշխարհի առաջնություն. Հայաստանի հավաքականը բավարարվեց 4-րդ տեղով

Ռոդոսում այսօր ավարտվեց շախմատի վետերանների աշխարհի առաջնությունը: Ցավոք, Հայաստանի հավաքականին չհաջողվեց մրցանակակիր դառնալ: Դրա համար մեր շախմատիստներին իտալացիների հետ 9-րդ տուրի մրցախաղում անպայման հաղթանակ էր անհրաժեշտ: Սակայն գրանցվեց ոչ-ոքի:

Հայաստանի հավաքականին միակ հաղթանակը պարգևեց Արտաշես Մինասյանը՝ պարտության մատնելով Կառլոս Գարսիային: Ցավոք, առաջին խաղատախտակի վրա Ռաֆայել Վահանյանը պարտվեց Միկելե Գոդենային: Մյուս երկու պարտիաներն ավարտվեցին ոչ-ոքի: Կարեն Մովսիսյանն ու Արշակ Պետրոսյանը հաշտություն կնքեցին համապատասխանաբար Ֆաբրիցիո Բելիայի և Բրունո Ֆաբիոյի հետ:

Այսպիսով, Հայաստանի հավաքականը 9 մրցախաղերում վաստակած 12 միավորով զբաղեցրեց 4-րդ հորիզոնականը: Մեր ընտրանին տոնեց 5 հաղթանակ, 2 հանդիպում ավարտեց ոչ-ոքի, կրեց 2 պարտություն, բոլոր պարտիաներում վաստակեց 25,5 միավոր: Հիշեցնենք, որ նախորդ երկու առաջնություններում Հայաստանի հավաքականը դարձել էր արծաթե մեդալակիր:

Հավաքականի անդամներից բոլորից հաջողն Արտաշես Մինասյանի ելույթն էր, որը 9 հնարավորից վաստակեց 7 միավոր: Ի դեպ, նրա արդյունքը լավագույնն էր նաև մրցաշարի բոլոր մասնակիցների մեջ: Կարեն Մովսիսյանը 9 հանդիպումներում իր թիմին 6,5 միավոր պարգևեց: 5-ական միավոր վաստակեցին Արշակ Պետրոսյանը (7 հնարավորից) և Ռաֆայել Վահանյանը (9): Նորայր Քալանթարյանն անցկացրած 2 պարտիաներում էլ հաղթեց:
Աշխարհի չեմպիոնի տիտղոսը նվաճեց ԱՄՆ-ի հավաքականը, որը վերջին տուրում 3-1 հաշվով հաղթելով արգենտինացիներին, 17 միավորով զբաղեցրեց 1-ին հորիզոնականը: 14 միավորով 2-րդ տեղը զբաղեցրին իտալացիները:

Բրոնզե մեդալները բաժին հասան Իսրայելի հավաքականին, որը 2,5-1,5 հաշվով պարտության մատնեց Իսլանդիայի առաջին հավաքականին ու վաստակեց 12 միավոր: Իսրայելի հավաքականը մեր ընտրանուն գերազանցեց բոլոր պարտիաներում վաստակած միավորների ընդհանուր քանակով (26):

Միացի՛ր հայկական ամենասպորտային Instagram-ին:


Ռաֆայել Վահանյանը՝ վետերանների շախմատի աշխարհի չեմպիոն

Աշխարհի առաջնություն. Վահանյանն ու Մովսիսյանը մեդալների հավակնորդների թվում են:

Աշխարհի առաջնություն. Վահանյանը մրցանակակիր դառնալու լավ հնարավորություն ունի

Աշխարհի առաջնություն. Վահանյանն ու Մինասյանն առաջատարներին հետապնդողների թվում են

Աշխարհի առաջնություն. Վահանյանն առաջին պարտությունը կրեց

Աշխարհի առաջնություն. Վահանյանը կես միավոր է զիջում 2 առաջատարներին

Աշխարհի առաջնություն. Վահանյանն ու Մովսիսյանը կես միավոր են զիջում առաջատարներին

Աշխարհի առաջնություն. Հայ շախմատիստներից երեքն անհաջողության մատնվեցին

Աշխարհի առաջնություն. Հայ շախմատիստները շարունակեցին հաղթարշավը

Աշխարհի առաջնություն. Հայ շախմատիստների հաղթական օրը

Աշխարհի առաջնություն. Վահանյանն ու Մովսիսյանը հաղթանակով մեկնարկեցին

Լևոն Արոնյանը Ֆաբիանո Կարուանայի հետ գլխավորեց աղյուսակը

Լևոն Արոնյանն ու Վլադիմիր Հակոբյանը հայ շախմատիստներից լավագույն արդյունքն ունեն

Լևոն Արոնյանն առաջին հաղթանակը տոնեց

Հայկական շախմատի լեգենդը՝ Լեգենդների մրցաշարի հաղթող

Ռաֆայել Վահանյանն ամրապնդեց միանձնյա առաջատարի դիրքը