Աշխարհի առաջնություն. Արամ Հակոբյանը գլխավորեց աղյուսակը

Հնդկաստանի Նյու Դելի քաղաքում ընթացող մինչև 20 տարեկանների շախմատի աշխարհի առաջնությունում հայ շախմատիստներից հատկապես հաջող է խաղում Արամ Հակոբյանը:

6-րդ տուրում նա 3-րդ անընդմեջ հաղթանակը տոնեց՝ առավելության հասնելով հնդիկ Ինիյանի նկատմամբ: Այդ հաղթանակի շնորհիվ Հակոբյանը վաստակեց 5 միավոր և ուկրաինացի Եվգենի Շտեմբուլյակի հետ գլխավորեց մրցաշարային աղյուսակը:

Առայժմ անպարտելի է նաև Շանթ Սարգսյանը, որը 4-րդ անընդմեջ ոչ-ոքին գրանցեց՝ հաշտություն կնքելով հնդիկ Սրիհարի Կաումանդուրի հետ: Սարգսյանն ունի 4 միավոր:

Մրցաշարում առաջին պարտությունը կրեց Արթուր Դավթյանը, որի մրցակիցը հնդիկ Չիթամբարամ Արավինդն էր: Արթուրն ունի 3 միավոր:

Աղջիկների մրցաշարում Մարիամ Ավետիսյանը պարտվեց ռուսաստանցի Եկատերինա Դյակոնովային: Մարիամն ունի 3 միավոր:

Միացի՛ր հայկական ամենասպորտային Instagram-ին: