Աշխարհի առաջնություն. Արամ Հակոբյանը պարտվեց ու զիջեց առաջատարի դիրքը

Մեկօրյա հանգստից հետո Հնդկաստանի Նյու Դելի քաղաքում ընթացող մինչև 20 տարեկանների շախմատի աշխարհի առաջնության մասնակիցները կրկին նստեցին խաղասեղանների շուրջ՝ անցկացնելով 7-րդ տուրի հանդիպումները:

Ուշադրության կենտրոնում երկու առաջատարների՝ Արամ Հակոբյանի և ուկրաինացի Եվգենի Շտեմբուլյակի մրցախաղն էր: Ցավոք, Արամը զիջեց մրցակցին՝ կրելով մրցաշարում առաջին պարտությունը: Արամը 5 միավորով նահանջեց 3-րդ հորիզոնական, իսկ աղյուսակը 6 միավորով միանձնյա գլխավորեց մրցաշարային աղյուսակը:

5 միավոր ունի նաև Շանթ Սարգսյանը, որը 4 անընդմեջ ոչ-ոքիներից հետո հաղթեց հնդիկ Շեթե Ջայկումարին: Շանթն ընթանում է 7-րդ տեղում:

Արթուր Դավթյանը հաշտություն կնքեց Եվգենի Ֆլորիանի հետ: Նա վաստակել է 3,5 միավոր:

Աղջիկների մրցաշարում Մարիամ Ավետիսյանը հաղթեց չեխ Անելկա Վիկովային ու վաստակեց 4 միավոր: Մարիամը 2 միավորով է հետ մնում երկու առաջատարներից:

Միացի՛ր հայկական ամենասպորտային Instagram-ին: