Աշխարհի առաջնություն. Վահանյանն ու Մինասյանն առաջատարներին հետապնդողների թվում են

Բուխարեստում ընթացող վետերանների շախմատի աշխարհի առաջնության 8-րդ տուրում Ռաֆայել Վահանյանը մրցաշարում 5-րդ հաղթանակը տոնեց՝ առավելության հասնելով Յան Ռոուզի նկատմամբ:

65-ից բարձր տարիքային խմբում հանդես եկող Ռաֆայել Վահանյանը 6 միավորով 6–րդ հորիզոնականում է: 7 միավորով Կառլոս Գարսիա Պալերմոն միանձնյա գլխավորում է մրցաշարային աղյուսակը:

50-ից բարձր տարիքային խմբում հանդես եկող մեր 3 շախմատիստներից տուրը հաղթական էր միայն Արտաշես Մինասյանի համար, որի մրցակիցը Ֆրեդ Բերենդն էր: Մինասյանը վաստակած 6 միավորով 11-րդ տեղում է:

Կարեն Մովսիսյանը հաշտություն կնքեց Բելա Բադեայի հետ: Նա 5,5 միավոր ունի: Իսկ ահա Վլադիմիր Պողոսյանը պարտվեց Գերհարդ Կելերին: Պողոսյանի օգտին 4 միավոր է գրանցված: 7 միավորով առաջատարն ուկրաինացի Վադիմ Շիշկինն է:

Միացի՛ր հայկական ամենասպորտային Instagram-ին: