Աշխարհի պատանեկան առաջնություն. Շանթ Սարգսյանը չեմպիոնական մրցավազքում կարևոր հաղթանակ տոնեց - VNews
Բաժիններ

Աշխարհի պատանեկան առաջնություն. Շանթ Սարգսյանը չեմպիոնական մրցավազքում կարևոր հաղթանակ տոնեց

Հնդկաստանի Մումբայ քաղաքում ընթացող մինչև 14, 16 և 18 տարեկանների շախմատի աշխարհի պատանեկան առաջնությունը մոտենում է վերջնագծին: Եվս երկու տուր ու հայտնի կդառնան բոլոր չեմպիոններն ու մրցանակակիրները:

Հայաստանի պատվիրակներից Շանթ Սարգսյանը չեմպիոնի տիտղոսի գլխավոր հավակնորդներից մեկն է: Այսօր կայացած 9-րդ տուրում Շանթը մինչև 18 տարեկան պատանիների մրցաշարում շատ կարևոր հաղթանակ տոնեց առաջատարներից մեկի՝ իրանցի Արյան Ղոլամիի նկատմամբ: Առաջնության ավարտից երկու տուր առաջ Շանթ Սարգսյանը վաստակել է 7 միավոր և ընդամենը կես միավոր է զիջում աղյուսակը գլխավորող հնդիկ շախմատիստ Ռամեշբաբա Պրագնանանդհային:

Տարիքային նույն խմբում Արթուր Դավթյանը հաշտություն կնքեց ուկրաինացի Վլադիսլավ Սիդորիկայի հետ: Արթուրն ունի 6 միավոր:

Մրցանակային տեղերի համար պայքարող մինչև 14 տարեկան աղջիկների մրցաշարում հանդես եկող Աստղիկ Հակոբյանը պարտվեց մոնղոլ Բատ-Էրդենե Մուգունզուլին, որը 7,5 միավորով գլխավորեց մրցաշարային աղյուսակը: Իսկ Աստղիկն ունի 6 միավոր:

Նույնքան միավոր է վաստակել նաև մինչև 14 տարեկան պատանիների մրցաշարում հանդես եկող Արսեն Դավթյանը, որը հաղթեց պերուացի Սաուլ Ֆլորեսին: Նա 1,5 միավորով է հետ մնում առաջատարից:

Մեր մյուս շախմատիստներն այլևս չեն կարող պայքարել մրցանակային տեղերի համար: Մամիկոն Ղարիբյանը, Սրբուհի Սարգսյանը և Ալեքս Սահակյանը պարտվեցին, Աննա Խաչատրյանը ոչ-ոքի խաղաց:

Միացի՛ր հայկական ամենասպորտային Instagram-ին:


Ավարտական տուրը կանվանի մրցանակակիրներին

Հովիկ Հայրապետյանը շատ մոտ է վերջնական հաջողությանը

Առաջատարների խմբում նեղվածք է

Հովիկ Հայրապետյանը շարունակեց հաղթարշավը

Հովիկ Հայրապետյանը ստանձնեց միանձնյա առաջատարի դերը

Մարզիկները պարգևներ ստացան նախարարությունում

Շանթ Սարգսյանը՝ շախմատի ակադեմիայի գավաթակիր

Շանթ Սարգսյանը՝ աշխարհի փոխչեմպիոն

Շանթ Սարգսյանը կվիճարկի աշխարհի չեմպիոնի տիտղոսը

Շանթ Սարգսյանը շարունակեց հաղթարշավը

Շանթ Սարգսյանը կշարունակի պայքարն աշխարհի չեմպիոնի տիտղոսի համար

Շանթ Սարգսյանը շախմատի աշխարհի պատանեկան առցանց առաջնության եզրափակչի ուղեգիր նվաճեց

Շախմատի Հայաստանի ուսանողական ընտրանին առցանց մրցաշարում բրոնզե մեդալ է նվաճել

Հայ պատանի շախմատիստները 3-րդն են Եվրոպայում

Հայտնի են Հայաստանի հավաքականի մրցակիցներն արագ շախմատի առցանց օլիմպիադայում

«Արթուր Դավթյանը Օլիմպիական խաղերում կարող է կատարել ամենաբարդ ցատկերից մեկը». Հակոբ Սերոբյան