Օբամեյանգը ռեկորդային արդյունք է գրանցել «Արսենալի» կազմում

Լոնդոնի «Արսենալի» հարձակվող Պիեր-Էմերիկ Օբամեյանգն, Անգլիայի Պրեմիեր լիգայի 24-րդ տուրում «Քարդիֆի» դարպասը գրավելով, խփեց իր 25-րդ գնդակը ԱՊԼ-ի շրջանակներում։

Այդ ցուցանիշը գրանցելու համար գաբոնցուն 37 հանդիպում պահանջվեց, որը ռեկորդային դարձավ լոնդոնյան ակումբում։ Նախկինում լավագույն արդյունքը պատկանում էր Թիերի Անրիին, որից 25 գոլ խփելու համար 42 հանդիպում էր պահանջվել։

3-րդ լավագույն ցուցանիշը պատկանում է Յան Րայթին, որը 25 գոլ է խփել 51 խաղերում։

Հետևե՛ք VNews.am-ին նաև Youtube-ում և Instagram-ում: