Ավարտական տուրը կանվանի մրցանակակիրներին

Խաղի մանրամասները

տուր

01 Հունվար 1970 - 06:42

-

-

Կատարել Խաղադրույք

Հայաստանի շախմատի ակադեմիայում ընթացող Անդրանիկ Մարգարյանի 11-րդ հուշամրցաշարը մոտենում է վերջնագծին: Նախավերջին՝  8-րդ տուրում միանձնյա առաջատար Հովիկ Հայրապետյանը հաշտություն կնքեց Դենիս Լազավիկի հետ և 6,5 միավորով գլխավորում է աղյուսակը: Մրցաշարի հաղթող դառնալու համար Հայրապետյանին Բաբուջյանի հետ ավարտական տուրի մրցախաղում բավական է կես միավոր վաստակել:

5,5-ական միավորով առաջատարին հետապնդում են Լևոն Բաբուջյանը և Սերգեյ Լոբանովը, որոնք հաղթեցին համապատասխանաբար Աննա Սարգսյանին ու  Արման Միքայելյանին:

4,5-ական միավորով հաջորդ տեղերում են Ռուդիկ Մակարյանն ու Դենիս Լազավիկը: Մակարյանը մրցաշարում երկրորդ պարտությունը կրեց՝ զիջելով Բարդիա Դանեշվարին: Մամիկոն Ղարիբյանն էլ հաղթեց Արմեն Բարսեղյանին:

Միացի՛ր հայկական ամենասպորտային Instagram-ին: