Այս 3 խաղերն ի հայտ կբերեն 1/4 եզրափակիչ դուրս եկողներին․ Ամենաուշագրավ փաստերը՝ VBET ՀԳ 1/8 պատասխան հանդիպումներին ընդառաջ - VNews
Բաժիններ

Այս 3 խաղերն ի հայտ կբերեն 1/4 եզրափակիչ դուրս եկողներին․ Ամենաուշագրավ փաստերը՝ VBET ՀԳ 1/8 պատասխան հանդիպումներին ընդառաջ

VBET Հայաստանի գավաթի խաղարկության 1/8 եզրափակիչ փուլի 6 պատասխան հանդիպումներից առաջիկա օրերին կկայանան միայն 3-ը:

ԲԿՄԱ – «Լոռի» մրցավեճը (առաջին խաղում՝ 0-0) հետաձգվել է, քանի որ Ռաֆայել Նազարյանի գլխավորած թիմի 4 ֆուտբոլիստների կորոնավիրուսի թեստերը դրական պատասխաններ են տվել: Պատասխան հանդիպումը կկայանա նոյեմբերի 22-ին՝ ժամը 14:30-ին:

Հետաձգվել է նաև «Փյունիկ» – «Ուրարտու» մրցավեճը (առաջին խաղում՝ 1-2), քանի որ Արտակ Օսեյանի գլխավորած թիմի 7 ֆուտբոլիստների կորոնավիրուսի թեստերը դրական պատասխաններ են տվել:

«Գանձասար-Կապան» – «Վեստ Արմենիա» հանդիպումը (դիմակայության առաջին մրցավեճում՝ 2-3) չի կայանա, քանի որ կապանյան ակումբը դադարեցրել է իր ելույթները VBET Հայաստանի Պրեմիեր լիգայում և VBET Հայաստանի գավաթի խաղարկությունում:

«ԱԼԱՇԿԵՐՏ» – «ՇԻՐԱԿ»

7 նոյեմբերիժ.15:00, Երևան, «Նաիրի» մարզադաշտ

1 խաղ, որում հաղթել է «Ալաշկերտը», խփած և բաց թողած գոլերի հարաբերակցությունը՝ 2-1

1/8 եզր. 1-ին խաղ. 19.09.2020 «Շիրակ» 1-2 «Ալաշկերտ»
Գոլերը՝ 1-0՝ Արամ Մուրադյան 4՛, 1-1՝ Բրայան Սիլվա Գարսիա 41՛, 1-2՝ Պապե Աբդու Կամարա 43՛

Հետաքրքիր 5 փաստ՝ հանդիպմանն ընդառաջ

1․ Որքան էլ որ զարմանալի է, սակայն գավաթի մրցաշարերում «Շիրակն» ու «Ալաշկերտը» միայն ընթացիկ խաղարկությունում առաջին անգամ մրցավեճի բռնվեցին: Իսկ ահա ՀՀ առաջնություններում թիմերի միջև 33 խաղ է կայացել, որոնցից 10-ում հաղթել են շիրակցիները, 13-ում հաջողության են հասել ալաշկերտցիները, 10-ում գրանցվել է ոչ-ոքի: Ընթացիկ առաջնության առաջին շրջանի խաղում մրցակիցների մրցավեճն ավարտվել է ոչ-ոքի՝ 1-1:

2․ Գավաթի նախորդ երկու խաղարկություններում «Շիրակն» անհաջող է հանդես եկել՝ չհաղթահարելով առաջին փուլի արգելքը: 2018/19թթ. խաղարկությունում գյումրեցիները 1/8 եզրափակչում զիջել են «Արցախին» (0-0, 1-3), իսկ հաջորդ տարի նույն փուլում 1-2 հաշվով պարտվել են «Գանձասար-Կապանին»: Գավաթի մրցաշարերում անցկացրած վերջին 6 խաղերում «Շիրակը» չի հաղթել: Վերջին անգամ գյումրեցիները հաղթանակի բերկրանքը վայելել են գրեթե 3 տարի առաջ՝ 2017թ. հոկտեմբերի 25-ին՝ հյուրընկալվելիս 2 անպատասխան գնդակ խփելով «Արարատի» դարպասը:

3․ Պատվավոր մրցանակի նախորդ խաղարկությունն անհաջող էր գործող գավաթակիր «Ալաշկերտի» համար, որը պայքարից դուրս մնաց արդեն քառորդ եզրափակչում: 1/8 եզրափակչում «Ալաշկերտը» 3-1 հաշվով հաղթել էր Առաջին խմբի ներկայացուցիչ «Տորպեդոյին», իսկ ահա հաջորդ փուլում անհաջողության էր մատնվել «Գանձասար-Կապանի» հետ մրցախաղում (1-3): Այդ պարտությամբ ընդհատվել էր գավաթի մրցախաղերում ալաշկերտցիների 11 անպարտելի խաղերի շարքը:

4․ Գավաթի մրցաշարերի անփոփոխ մասնակից «Շիրակը» պատվավոր մրցանակի կրկնակի դափնեկիր է: Գյումրեցիներին միայն 5-րդ փորձից է հաջողվել գավաթակիր դառնալ՝ 2012թ. մրցաշարի եզրափակչում Լամին Լի Յորոյի խփած միակ գոլի շնորհիվ հաղթելով «Իմպուլսին»:

Իսկ մինչ այդ 4 անգամ (1993, 1994, 1999թթ. Անդրանիկ Ադամյանի, 2011թ. Սամվել Պետրոսյանի գլխավորությամբ) «Շիրակը» եզրափակչում պարտվել է:

Գավաթային հաջորդ բարձունքը «Շիրակը» նվաճել է 2016/17թթ. մրցաշարում՝ վճռորոշ խաղում 3 անպատասխան գնդակ ուղարկելով «Փյունիկի» դարպասը: Երկու դեպքում էլ պատվավոր մրցանակը նվաճելու գյումրեցիների վաղեմի երազանքն իրականացրել է Վարդան Բիչախչյանը, որի օրոք «Շիրակը» 2012/13թթ. խաղարկության եզրափակչում նվազագույն հաշվով զիջել է «Փյունիկին»:

«Շիրակին» ընդամենը 7 անգամ չի հաջողվել հաղթահարել գավաթի մրցաշարերի առաջին փուլի արգելքը: Ընդ որում նախորդ 7 խաղարկություններից 5-ում «Շիրակը» դուրս է մնացել պայքարից առաջին փուլից:

5․ «Ալաշկերտը» 9-րդ անգամ է մեկնարկի դուրս եկել պատվավոր մրցանակի խաղարկություններում: 2018/19թթ. մրցաշրջանում «Ալաշկերտին» 2-րդ փորձից հաջողվեց նվաճել Հայաստանի գավաթը՝ Աբրահամ Խաշմանյանի գլխավորությամբ եզրափակչում նվազագույն հաշվով պարտության մատնելով «Լոռիին»:

Իսկ առաջին անգամ ալաշկերտցիները գավաթը վիճարկել էին 2017/18թթ. խաղարկությունում՝ Վարուժան Սուքիասյանի օրոք վճռորոշ խաղում հետխաղյա 11մ հարվածաշարում (հիմնական ժամանակն ավարտվել էր 1-1 հաշվով) պարտվելով «Գանձասար-Կապանին»:

«Ալաշկերտին» ընդամենը 2 անգամ՝ 2013/14 («Միկա»՝ 1-0, 0-3) և 2016/17թթ. («Փյունիկ»՝ 1-2, 0-1) խաղարկություններում չի հաջողվել հաղթահարել առաջին փուլի արգելքը:

Միացի՛ր հայկական ամենասպորտային Instagram-ին:

1 2 3

«Ալաշկերտ» – «Վան»․ Մեկնարկային կազմեր, ուղիղ հեռարձակում (տեսանյութ)

Նոր մարզիչներով առաջին արարատյան դերբին․ Ամենաուշագրավ փաստերը՝ VBET ՀՊԼ 14-րդ տուրին ընդառաջ

VBET Հայաստանի Պրեմիեր լիգայի 13-րդ տուրի խորհրդանշական հավաքականը և լավագույն ֆուտբոլիստը

Հովսեփյանը Մխիթարյանին դուրս թողեց ՀՀ առաջնությունների 100 լավագույն ռմբարկուների ցանկից

Զավեն Բադոյանը՝ իր, Ուդոյի և Նենադովիչի մասնակցությամբ հրաշալի գոլային կոմբինացիայի մասին (տեսանյութ)

Արտյոմ Սիմոնյան․ «Մեր այսօրվա խաղից գոհ ենք, բայց պատժվեցինք կենտրոնացվածությունը կորցնելու պատճառով» (տեսանյութ)

Վարդան Բիչախչյան. «Խոտանը շատ էր, հետևաբար ավելի շատ պետք է վազեինք, որպեսզի փակեինք գոտիները» (տեսանյութ)

Դմիտրի Գունկո. «Չէի ասի, թե ֆիզիկական առումով լավագույն վիճակում ենք, ուստի փորձում ենք գտնել ներքին ռեսուրսներ խնդիրները լուծելու համար» (տեսանյութ)

Սիմոնյանի և Նենադովիչի մեկական գոլերը վճռեցին «Արարատ» – «Նոա» խաղի ելքը (տեսանյութ)

«Արարատ» – «Նոա»․ Մեկնարկային կազմեր, ուղիղ հեռարձակում (տեսանյութ)

Սևադա Արզումանյան. «Մենք պարտադիր պետք է հաղթեինք, ինչը հոգեբանական բարդություն էր ստեղծում» (տեսանյութ)

Տիգրան Դավթյան. «Այս մրցաշրջանում մեր թիմի լավագույն խաղն էր» (տեսանյութ)

Էդգար Մովսեսյան․ «Շատ ուրախ եմ, որ կարողացա գոլ խփել Կասպարովի նման փորձառու դարպասապահին» (տեսանյութ)

«Ալաշկերտը» հաղթեց «Ուրարտուին» և բարձրացավ 1-ին հորիզոնական (տեսանյութ)

«Վանը» վստահ հաղթանակ տարավ «Շիրակի» նկատմամբ

Կամպանյան կվերադառնա Վանաձոր․ Ամենաուշագրավ փաստերը՝ VBET ՀՊԼ 13-րդ տուրին ընդառաջ