Ազար. «Ռեալն իմ երազանքների ակումբն է»

«Չելսիի» բելգիացի հարձակվող Էդեն Ազարը խոսել է իր ապագայի շուրջ խոսակցությունների մասին:

ԶԼՄ-ները վերջին ժամանակներում նրա ճակատագիրն ակտիվորեն կապում են Մադրիդի «Ռեալի» հետ:

«Ռեալն» իմ երազանքների ակումբն է, սակայն այս պահին ես ամբողջովին կենտրոնացած եմ «Չելսիի» խաղերի վրա: Ընթացիկ պայմանագիրս ավարտվում է ամռանը, և եթե հրաժարվեմ այն երկարաձգելուց, ապա հնարավոր են զանազան տարբերակներ:

Ես չեմ հեռանա ակումբից հունվարին: Չեմ պատրաստվում այդպես վարվել «Չելսիի» և թիմի երկրպագուների հանդեպ: Ամռանը կտեսնենք, թե ինչ կլինի: Հնարավոր է նաև ամբողջ կարիերաս անցկացնեմ Լոնդոնում»,-նշել է Ազարը:

27-ամյա ֆուտբոլիստն այս մրցաշրջանում մասնակցել է 12 խաղի և խփել 7 գնդակ:

Հետևե՛ք VNews.am-ին նաև Youtube-ում և Instagram-ում: