Ազգերի գավաթ. Լևոն Արոնյանը 3-րդ անընդմեջ հաղթանակը տոնեց - VNews
Բաժիններ

Ազգերի գավաթ. Լևոն Արոնյանը 3-րդ անընդմեջ հաղթանակը տոնեց

Արագ շախմատի Ազգերի գավաթի առցանց մրցաշարի 5-րդ տուրում Եվրոպայի հավաքականը 2,5-1,5 հաշվով հաղթեց  «Մնացած աշխարհի» ընտրանուն: Կրկին իր բարձրության վրա էր Լևոն Արոնյանը, որը մրցաշարում 3-րդ անընդմեջ հաղթանակը տոնեց՝ սևերով 88-րդ քայլին պարտության մատնելով իրանցի Ալիռեզա Ֆիրուզջային:

Արոնյանի թիմակիցներից հաղթանակ տոնեց նաև Նանա Ձագնիձեն, որի մրցակցուհին Դինարա Սադվակասովան էր: Մաքսիմ Վաշիե-Լագրավը հաշտություն կնքեց Թեյմուր Ռաջաբովի հետ, իսկ Յան-Քշիշտոֆ Դուդան պարտվեց Բասեմ Ամինին:

Իր հաղթարշավը շարունակեց Չինաստանի ընտրանին՝ 2,5-1,5 հաշվով առավելության հասնելով ամերիկացիների նկատմամբ: Հնդկաստան-Ռուսաստան մրցախաղն ավարտվեց ոչ-ոքի՝ 2-2:

6-րդ տուրում Եվրոպայի հավաքականի մրցակիցը ռուսներն էին, որոնց հետ առաջին շրջանի մրցախաղն ավարտվել էր ոչ-ոքի: Այս անգամ Եվրոպայի հավաքականը հաղթեց 2,5-1,5 հաշվով:

Արոնյանը արագորեն, արդեն 29-րդ քայլին հաշտություն կնքեց Վլադիսլավ Արտեմևի հետ, որին պարտվել էր առաջին շրջանի մրցախաղում: Ոչ-ոքի արդյունք գրանցվեց նաև Սերգեյ Կարյակին-Յան-Քշիշտոֆ Դուդա, Ալեքսանդրա Գորյաչկինա-Աննա Մուզիչուկ պարտիաներում: Եվրոպայի հավաքականի հաղթանակն ապահովեց վերջինն իր պարտիան ավարտած Մաքսիմ Վաշիե-Լագրավը՝ պարտության մատնելով Յան Նեպոմնյաշչնուն:

Չինաստանի ընտրանին հերթական հաղթանակը տոնեց՝ 3,5-1,5 հաշվով առավելության հասնելով «Մնացած աշխարհի» հավաքականի նկատմամբ: Ամերիկացի շախմատիստներն էլ 2,5-1,5 հաշվով հաղթեցին հնդիկներին:

6 տուրից հետո Չինաստանի ընտրանին 11 միավորով  շարունակում է միանձնյա գլխավորել մրցաշարային աղյուսակը: Եվրոպայի հավաքականը 9 միավորով ընթանում է 2-րդ տեղում: 7 միավորով լավագույն եռյակը եզրափակում է ԱՄՆ-ի ընտրանին:

Միացի՛ր հայկական ամենասպորտային Instagram-ին:


Արոնյանն արժանացավ 27500 դոլար պարգևավճարի

Հաղթական մեկնարկից հետո Արոնյանը վատթարացրեց ցուցանիշները

Արագ շախմատի մրցաշարում Արոնյանը բաժանեց 5-7-րդ տեղերը

Լևոն Արոնյանը զիջեց առաջատարի դիրքը

Լևոն Արոնյանն առաջատարներից մեկն է

Միակ պարտությունն Արոնյանին զրկեց գլխավոր մրցանակից

3 անընդմեջ հաղթանակների շնորհիվ Արոնյանը գլխավորեց աղյուսակը

Արոնյանն առայժմ խաղաղասիրաբար է տրամադրված

«Երազում եմ, որ կգա ժամանակը, երբ կկարողանամ ազատ քայլել Բաքվում». Լևոն Արոնյանի ուշագրավ մտքերը

Հայաստան-Հնդկաստան մրցախաղն ավարտվեց սկանդալով

Հայաստանի հավաքականը քառորդ եզրափակչում է

Հայտնի է 1/8 եզրափակչում Հայաստանի հավաքականի մրցակիցը

Հայաստանի հավաքականը պայքարը կշարունակի 1/8 եզրափակչից

Հայաստանի հավաքականը զրկվեց քառորդ եզրափակչի ուղեգրից

Հայտնի են Հայաստանի հավաքականի մրցակիցներն արագ շախմատի առցանց օլիմպիադայում

Արոնյան. «Վերադառնում եմ կյանք ու վերսկսում աշխատանքը»